澳門5AX巴士

出自維基百科,自由嘅百科全書
(由澳門5AX號巴士跳轉過嚟)
跳去導覽 跳去搵嘢

管理資訊
監管者 DSAT.png 交通事務局
經營者 20px新福利
所屬車廠 北安車廠
路線用車 蘇州金龍(海格)KLQ6115GQ
宇通ZK6128HG

路線資訊
路線圖
路線性質 循環、快速

服務資訊
服務時間 朝早六點半到朝早十點(禮拜日同公眾假期停駛)
班次間隔 十到十五分鐘
全程收費 六蚊葡幣

澳門5AX巴士係一條由新福利做緊,而跳站形式由媽閣來回關閘馬路嘅循環快速巴士線,只係響朝早繁忙時間服務。

背景[編輯]

2017年9月23號,由於8月23號關閘總站被天鴿風災帶嚟嘅風暴潮搞到爛嗮而停用,加埋九月開學嘅客流上升,交通事務局經過評估5號嘅客流情況,為咗加快疏導乘客,調配現有資源,將5號一啲班次抽出嚟行呢條線,畀咗新福利做,而跳站嘅快速巴士運作,加快疏散乘客,等中途站啲乘客可以上到車;至於5號朝早班次就因為開咗5AX而下調,5號朝早班次由五到八分鐘一班調整到六到八分鐘一班[1]

2017年12月10號,澳門舉行公益金百萬行,媽閣係公益金百萬行嘅終點,所以有量人流等搭巴士走人,5AX巴士響當日禮拜日係停駛唔提供服務,但係就響現場出現,懷疑新福利擅自派車提供服務,再先斬後奏同當局提出申請,所以無論係交通事務局定新福利本身網站都冇提到公益金百萬行期間會開通呢條線[2]

2017年12月15號,輕軌媽閣站前期建造工程動工,西灣湖景大馬路嘅「媽閣總站」實施有限度通車。由於工地會佔用部分巴士站,為咗方便巴士運作,頭班車開始臨時加停「澳門旅遊塔」巴士站畀乘客落車,而臨時巴士總站就設響「旅遊塔/行車隧道」巴士站附近畀巴士停泊同乘客上車,由臨時巴士總站開出之後先會到「媽閣總站」巴士站上落客。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

走線[編輯]

車費[編輯]

  • 全程車費:澳門幣三個二。
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 禮拜一到六 禮拜日同公眾假期
媽閣總站 朝早六點半到朝早十點 停駛
班次 十到十五分鐘

停站[編輯]

去媽閣總站方向
  1. 媽閣總站
  2. 河邊新街/媽閣
  3. 十六浦
  4. 筷子基社屋
  5. 關閘馬路
  6. 提督馬路/雅廉訪
  7. 高士德/賈伯樂
  8. 東方拱門
  9. 治安警察局
  10. 教育暨青年局
  11. 中區/殷皇子馬路
  12. 司打口
  13. 河邊新街/下環
  14. 媽閣總站

[編輯]

  1. (繁體中文)"快速巴士路線5AX周六起運作". 澳門特區政府交通事務局. 2017-09-21.
  2. (繁體中文)為求搶客?新福利懷疑擅自安排5AX停駛日行駛,巴士討論區,響2017年12月11號搵到
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]