澳門73X巴士

出自維基百科,自由嘅百科全書
(由澳門73X號巴士跳轉過來)
Jump to navigation Jump to search

管理資訊
監管者 DSAT.png 交通事務局
經營者 20px澳巴
所屬車廠 北安車廠
路線用車 五洲龍FDG6101CNG

路線資訊
路線圖
路線性質 循環

服務資訊
服務時間 晏晝四點半到晚黑七點半(禮拜六、日同公眾假期停駛)
班次間隔 十五到廿分鐘
全程收費 六蚊葡幣

澳門73X巴士,係一條由澳巴做緊,由澳門大學來回南新花園嘅循環巴士線,只係響晏晝繁忙時間服務。

背景[編輯]

2017年11月16號,因為澳門舉行格蘭披治大賽車期間實施臨時交通措施,73號改經友誼大橋直達氹仔,澳門大學學生響社交媒體都話呢個改路改得好。

2018年3月16號,澳門大學學生會同交通事務局會面,傾吓學校嘅交通問題。學生會提出澳大師生好難上到73號來回黑沙環同澳大嘅問題同埋建議交通事務局開多一條74號澳大來回筷子基嘅巴士線,又建議局方按照賽車改路嘅方案嚟改線。但係交通事務局只係話會考慮加一條由澳大來回氹仔南新花園嘅轉乘線,畀佢哋響南新花園轉乘其他巴士線[1]

2018年4月9日,交通事務局開咗呢條線,畀咗澳巴嚟做,又話唔會開接通其他地區嘅巴士線來回澳大,節省政府(交通事務局預算)資源;唔少澳大學生都響社交媒體話對73X失望,原本以為交局會好似其他X線噉,飛嗮中間啲細站由黑沙環經友誼大橋直達澳大[2]

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線同澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[3][4]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

五洲龍FDG6101CNG

走線[編輯]

車費[編輯]

  • 全程車費:六幣葡幣
  • 用澳門通全民卡,只係扣四蚊,其餘由政府畀。
  • 用澳門通學生卡,只係扣兩蚊,其餘由政府畀。
  • 用澳門通長者卡同殘疾卡,免費,全部由政府畀。

服務[編輯]

服務時間 禮拜一到五 禮拜六、日同公眾假期
澳門大學 晏晝四點半到晚黑七點半
班次 十五到廿分鐘 停駛

停站[編輯]

去亞馬喇前地方向
  1. 澳門大學總站
  2. 澳大/行政樓
  3. 大學北
  4. 大學大馬路
  5. 澳大/研究生宿舍
  6. 蓮花海濱大馬路/百老匯
  7. 賽馬會-1
  8. 南新花園
  9. 蓮花海濱大馬路/銀河-2
  10. 大學南
  11. 澳大/中央教學樓
  12. 澳大/大學展館
  13. 澳大/大學會堂
  14. 澳大/綜合體育館
  15. 澳門大學總站

[編輯]

  1. (繁體中文)"澳大學生會拜訪交局".
  2. (繁體中文)"73X路線周一起開通 助下午尖峰時段疏客".
  3. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  4. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]