澳門AP1巴士

出自維基百科,自由嘅百科全書
(由澳門AP1號巴士跳轉過來)
Jump to navigation Jump to search

管理資訊
監管者 DSAT.png 交通事務局
經營者 20px新福利
所屬車廠 青洲車廠
路線用車 蘇州金龍KLQ6108GQ30AT

路線資訊
路線圖
路線性質 循環

服務資訊
服務時間 06:00-01:20
班次間隔 五到十二分鐘
全程收費 六蚊葡幣
主要競爭交通 33A10B51A

澳門AP1巴士係一條由澳門新福利公共汽車有限公司做緊,由關閘廣場來回澳門機場嘅循環巴士線。

AP1係為咗配合澳門國際機場開幕而成立;開線嗰陣係由澳巴同新福利聯合營運,而全程收費係五蚊葡幣,過橋之後收三個半葡幣,而AP字頭嘅意思:係攞呢條線兩邊總站嘅葡文第一個字母(機場Aeroporto—關閘Portas do Cerco),另一種意思係來自機場嘅葡文AeroPorto。後來成立嘅機場巴士路線AP2(機場↔媽閣)就令AP字頭嘅定義傾向後面嘅意思。

呢條線響1996年搞過AP1特別線,由葡京來回機場。2008年到2009年就搞過三次AP1X特快線,由關閘來回機場,沿途唔經港澳碼頭同黑沙環。呢條線亦係澳門唯一一條,唔係臨時改路行嗮澳門三條澳氹過海大橋嘅巴士線。亦響澳門所有日間巴士線入面,尾班車最遲嘅巴士線。

背景[編輯]

1995年11月13號,呢條線成立由澳巴同新福利聯合營運。

1998年8月21號,澳門巴士票價調整,呢條線嘅收費亦跟住調整:全程收費係六蚊葡幣,過橋之後收四蚊葡幣。

2003年5月19號,呢條線由於冇咩人搭,由特別專線(有特定站牌)降格做普通澳氹線,按澳氹線收費,全程收費減係三個三葡幣,過橋之後收兩個半葡幣,重延伸到科技大學,唔行北安

2004年8月1號,呢條線延伸服務到新口岸新填海區(皇朝區),唔行高美士街

2005年4月8號,土地工務運輸局封閉嘉樂庇總督大橋(澳氹大橋)做維修,呢條線改行西灣大橋,但澳氹大橋維修完重開只係畀巴士、的士、緊急車輛通行嗰陣,呢條線冇回復返原線行,維持走西灣大橋。

2006年4月17號,呢條線縮短咗唔停三分一左右嘅巴士站。

2007年4月18號,呢條線大幅閂站改線,唔行新口岸、葡京、南灣湖、西灣大橋、海洋花園、賽馬會、氹仔城區,改行友誼大橋直達機場。

2007年10月16號,氹仔臨時客運碼頭啟用,呢條線增停「臨時客運碼頭」。

2008年12月1號,澳門巴士票價調整,呢條線嘅收費亦跟住調整:全程收費係四個二葡幣,返嚟澳門過橋之後收三個二葡幣。

2009年1月20號,路氹連貫公路圓形地工程開工,呢條線唔停「連貫公路/科技大學」,增停臨時站(即係而家嘅「偉龍/科技大學」。

2011年8月1號,新巴士營運模式正式實行,呢條線判咗畀新福利嚟做。調整服務時間由06:30到00:20,五至十二分一班車。

2011年2月15號,呢條線增停「北安出入境事務廳」。

2012年12月18號,呢條線增停「湖畔大廈」。

2014年12月18號,關閘邊檢大樓實行新通關安排,調整服務時間由06:05到01:20。

2016年1月16號,調整服務時間由06:00到01:20,四至十二分鐘一班車。

2016年7月18號,巴士站合併唔停「北安大馬路」。

2016年11月5號,祐漢區巴士站點分佈重整,所以唔停「看台街/中銀」、「祐漢街市」,改停「中心街」。

2017年5月20號,氹仔客運碼頭即將啓用,將「臨時客運碼頭」改名做「氹仔客運碼頭」,等氹仔客運碼頭正式啓用之後,就會停「氹仔客運碼頭」。

2017年6月1號,氹仔客運碼頭啓用,呢條線改響入境層B車道嘅巴士站上落客。

2018年4月16號,交通事務局召開記者會,公佈巴士加價同回應4月15號嘅氹仔嘉樂庇總督馬路巴士奪命交通意外,會上交通事務局局長林衍新局先公佈會響4月21號澳門所有公共巴士統一收六蚊葡幣,用澳門通拍卡畀錢就分普通線同快線收費,普通線收三蚊葡幣而快線就收四蚊,餘額由政府補貼,學生卡就響澳門通嘅價錢上再半價,老人同殘疾人士免費,將原本傾好嘅分澳門居民澳門通同普通澳門通收費(普通澳門通重有補助不過補少啲)、學生寒暑假期間取消優惠、老人同殘疾人士卡朝早同晏晝繁忙時間取消優惠(唔想老人同殘疾人士同返工啲人逼車)嘅全部內容唔實行,又將六十分鐘入面補差價由澳門線轉氹仔線嘅轉乘安排取消,澳門線轉氹仔線受澳門線轉澳門線轉乘時間一樣四十五分鐘,轉路環線就保留六十分鐘轉乘時間,林衍新話加價係基於澳門巴士好多年都冇加價(同樣理由已經響早排交通事務局服務費、鎖轆費、分階段調整咪錶收費用過),同埋佢嘅局預算冇加,但係補貼巴士公司嘅錢就不停噉加,所以點都要加,重話加幅比2008年巴士加價幅度細,調整幅度相對溫和,被人批評交通事務局冇經過大多數民意支持就霸王硬上弓話加就加夾硬嚟,2008年巴士雖然加價,但係當年第一任交通事務局局長汪雲為咗吸引多啲人搭巴士支持綠色出行,第一次推出澳門通拍卡有補貼,變相減咗價,但係由於冇區分澳門居民同遊客,所以交通事務局補貼費用年年上升,惹嚟澳門市民反感,要求區分收費,但今次方案諮詢嗰陣有提到,但冇實行[1][2]

2018年4月21號,澳門巴士票價調整,呢條線嘅收費亦跟住調整:全程收費係六蚊葡幣,唔再分區收費。

用車[編輯]

聯營時期[編輯]

新福利時期[編輯]

走線[編輯]

車費[編輯]

  • 全程車費:澳門幣六蚊。
  • 用澳門通全民卡,只係扣三蚊,其餘由政府畀。
  • 用澳門通學生卡,只係扣一個半,其餘由政府畀。
  • 用澳門通長者卡,免費,由政府畀。
  • 澳門通IC卡月票適用。


服務[編輯]

服務時間 禮拜一到五 禮拜六、日同公眾假期
關閘廣場 06:00-01:20
班次 繁忙時間五到八分鐘,普通時間十到十二分鐘 繁忙時間六到十分鐘,普通時間八到十二分鐘

停站[編輯]

去關閘廣場方向
  1. 關閘廣場
  2. 看台街
  3. 中心街
  4. 勞動節大馬路
  5. 勞動節大馬路/廣華
  6. 外港碼頭
  7. 友誼馬路/行車天橋
  8. 北安出入境事務廳
  9. 氹仔客運碼頭
  10. 機場倉庫
  11. 澳門機場
  12. 偉龍/科大醫院
  13. 偉龍/科技大學
  14. 氹仔嘉樂庇馬路
  15. 亞利雅架前地/泉悅
  16. 湖畔大廈
  17. 海灣花園/海城閣
  18. 外港碼頭
  19. 友誼馬路/行車天橋
  20. 黑沙環新街/南華
  21. 東北大馬路/保利達
  22. 君悅灣
  23. 關閘廣場

意外[編輯]

2018年4月15號,響氹仔嘉樂庇總督馬路巴士發生奪命交通意外。

內文: 氹仔嘉樂庇總督馬路巴士奪命交通意外

[編輯]

  1. (繁體中文)拍卡3元 現金6元 巴士收費週六起加價,論盡傳媒,響2018年4月16號搵到。
  2. (繁體中文)有意見指巴士加價漠視民意,澳廣視,響2018年4月21號搵到。

睇埋[編輯]

[編輯]