火燭
(由火災跳轉過嚟)
火燭（粵音：fo2 zuk1 ），又因為火神祝融而寫做火祝[未記出處或冇根據]，係指唔受控嘅燃燒現象，通常會造成財物受損、有人受傷或者搞出人命。根據火災嘅損失（人員傷亡、受災戶數同財物嘅直接損失金額），可以分為一般火燭、重大火災同特大火燭[1]。
危險因素
[改源碼]某笪地方係咪容易發生火燭，同佢嘅環境結構、物質堆積同埋管理情況有極大關係。
例如空間狹窄同多雜物嘅地方，往往容易火燭：當建築物通道狹窄、單位密集嗰陣，如果再加埋堆滿雜物（尤其係好似紙張等易著火嘅嘢），火燭起上嚟火勢蔓延嘅速度就會快到難以想像。
好似係九龍城寨噉：截至二十一世紀初，雖然城寨已經消失咗，但係專家睇返城寨啲紀錄指出，城寨火燭起上嚟災情好慘重；城寨入便樓宇相連、電線亂駁、走火通道阻塞，一旦起火，消防員難以進入，火勢極容易擴散，造成巨大災難。
著名事例
[改源碼]
歷史上發生過無數嚴重火災。
好似係二零二五年嘅宏福苑大火噉：喺香港大埔宏福苑發生過一場大火，顯示即使係二十一世紀初嘅公共屋邨，仍然有火燭嘅威脅。呢單火燭造成唔少人傷亡，但火勢猛烈，對大廈結構同住戶財產造成嚴重損毀，再次提醒市民注意高層建築同逃生路線嘅消防安全[2]。
火警級別
[改源碼]睇埋：香港火警分級制度
火警級別係一種基本嘅火災測量單位。經常俾新聞界用，「一級火警」、「二級火警」、……最高可能達到「九級火警」。呢個係一種以消防人員數目計算嘅級別。早期，「一級火警」代表畀一個消防隊撲滅嘅火災，「二級火警」代表畀兩個消防隊撲滅嘅火災，等等……最高「九級火警」因為當時城市規劃將消防隊區域劃為方形，每個消防區有八個鄰接區。而家消防規劃有所改變，好多地區有明確嘅火警級別定義，但係好多火警級別定義仍然係以此為基礎 [3]。
學術研究
[改源碼]睇埋
[改源碼]參考
[改源碼]- ↑ "Conflagration". tititudorancea.com.
- ↑ 凌逸德 (2025-11-26)。〈直播｜宏福苑火災．持續更新〉。《香港01》 (香港中文)。原先內容歸檔喺2025-11-26。喺2025-11-26搵到。
- ↑ 〈存档副本〉。原著喺2016年3月4號歸檔。喺2017年2月25號搵到。
- ↑ Kasereka, S., Kasoro, N., Kyamakya, K., Goufo, E. F. D., Chokki, A. P., & Yengo, M. V. (2018). Agent-Based Modelling and Simulation for evacuation of people from a building in case of fire. Procedia Computer Science, 130, 10-17.