焗豬扒飯

茶餐廳嘅焗豬扒飯

港式快餐店嘅焗豬扒飯

焗豬扒飯（Baked Pork Chop Rice）係香港一種嘢食，由放上豬扒嘅飯焗製而成。視乎所用嘅食材，焗豬扒飯有時又叫鮮茄焗豬扒飯，或者芝士焗豬扒飯，佢嘅成份可以多變。

焗豬扒飯常見於港式西餐廳、茶餐廳同港式快餐店，係香港常見嘅主餐之一。

成份

基本焗豬扒飯嘅成份通常有，豬扒、白飯、番茄、鷄蛋、洋蔥、油、蒜頭、食鹽、糖、豉油、生粉、上湯、番茄醬等。

基本做法

1. 預熱焗爐。
2. 豬扒調味。
3. 番茄、洋蔥等配料洗淨切件。
4. 打蛋變成蛋汁。
5. 蒜頭變蒜茸，用嚟起鑊。
6. 豬扒煎到金黃色，上碟備用。
7. 炒飯，加蛋汁，炒勻，上碗。
8. 豬扒放喺炒飯面。
9. 淋獻汁同上湯喺豬扒飯上面。
10. 放入已經預熱嘅焗爐，焗到表面成金黃色。
11. 即食

健康問題

焗豬扒飯係快餐店等常見嘅碟頭飯之一，熱量最高。