煙草控制框架公約
《煙草控制框架公約》（英文：Framework Convention on Tobacco Control，縮寫FCTC）係針對煙草問題嘅第一部全球性多邊協議，同時亦係世界衛生組織（WHO）首個具國際法約束力嘅全球公約。公約規定包括：全面禁止煙草廣告、提高煙草產品價格同稅收、喺煙草製品上印製健康警告標籤，以及採取措施避免人們接觸二手煙，並配合其他煙草控制策略。各締約國需遵守公約嘅具體規定。
2003年5月21號，第56屆世界衛生大會喺日內瓦一致通過咗呢項公約。
隨住秘魯喺2004年11月30號成為第40個批准條約嘅國，《煙草控制框架公約》達到咗符合國際法生效所需嘅批准國數量。之後又有17國陸續批准，使呢個公約成為史上成員國批准速度最快嘅國際條約之一。
自2005年2月27號起，公約喺最早批准條約嘅40國正式生效。