莊母

莊母（粵拼：zong1 mou5；中古漢語拼音：criang），係中古漢語聲母，屬齒音中嘅正齒音，屬莊組，係全清聲母。喺後世佢同章母合流成照母，因爲莊母字喺韻圖二等，所以佢又叫照二（ziu3 ji6）。

擬音[編輯]

學界對莊母嘅擬音分兩派，一派擬成捲脷音，擬成/ʈʂ/，一派擬成舌葉音，擬成/t͡ʃ/。

對上古音嘅研究，有個定論叫照二歸精，意思係話莊母來源自精母，喺上古音佢係/t͡s/噉樣嘅音，後來因爲介音因素，佢演變成捲脷或舌葉音。

莊母喺粵語維持古音，對應嘅粵拼係z，聲調派陰聲調。

下面係一啲例字嘅古今音對比，第一欄例字，第二欄中古音（切韻），第三欄現代粵音：

調返轉頭，現代粵語中嘅z聲母來源自中古音嘅知、澄、從、章、莊、精、俟、邪、崇九母。

對於可以區分平捲脷嘅粵語，莊母屬捲脷音，如吳川話，莊母發[t͡s]；梧州話，莊母發[t͡ɕ]。成個粵語，平捲分法係濟南型。

莊母喺吳語歸入精母，對應嘅吳拼係ts。

莊母喺普通話大部分係捲脷音zh，少數字變成平脷音z。普通話嘅平捲分法係濟南型溝南京型。

無論吳音漢音，莊母都係讀さ行。