煮飯仔
跳去導覽
跳去搵嘢
煮飯仔係一種細路嘅角色扮演遊戲。即係幾個朋友仔分別扮演同一個屋企嘅成員，好似「阿爸」、「阿媽」、「仔女」、「寵物」等等，利用簡單嘅道具（唔用都得），扮大人日常家庭活動。好似煮飯、湊細路、結婚等。
台灣叫呢種遊戲做扮家家酒，中國大陸叫呢種遊戲做過家家，扮演嘅內容都有啲唔同。除咗模仿屋企成員外，重有醫生等大人角色（通常係照顧者同被照顧者），彼此互動，或進行一個虛構嘅故事。玩煮飯仔稱為扮煮飯仔。
喺性別刻版印像入面，煮飯仔被認為係較屬於女仔嘅遊戲。
規矩[編輯]
- 佈置場地
- 開始角色扮演
煮飯仔嘅規則係動態嘅，遊戲過程中因扮演嘅角色唔同而有唔同嘅玩法。
趣味[編輯]
煮飯仔嘅趣味主要喺對話、想像同創造嘅過程，重有模仿大人、扮演照顧者嘅滿足感。對幼兒嚟講，現實世界通常少有扮演照顧者嘅機會。
教育意義[編輯]
煮飯仔係一種同細路智力同埋認同發展相關嘅模仿行為。一般認為煮飯仔能夠滿足幼兒模彷大人嘅需求，發揮想像力同埋創造力，重會練習人際互動。