燕詩
.jpg)
《燕詩》，亦稱燕詩示劉叟，唐朝詩人白居易所寫，五言古詩，歸入新樂府一類，望世人多孝父母。至初收錄喺佢好友元稹白氏長慶集，後來佢自己添寫，寫成白氏文集。
呢首詩有句前題，「叟有愛子、背叟逃去、叟甚悲念之。叟少年時、亦嘗如是。故作燕詩以諭之矣。」咁就睇到作詩原因。有個亞伯姓劉，有個仔佢好中意，而個仔唔理佢就走咗出去，叟覺得好唔開心，又好掛住佢。原來佢後生，都曾經做過咁嘅事，就寫咗燕詩做比喻[1][2]。
內容描寫燕子父母辛苦養育雛燕，但係雛燕長大之後就飛走，冷落父母，於是就引起詩人對人間親情冷淡、養兒不孝等問題嘅感慨。詩中以燕喻人，帶有諷刺意味。就算到左廿壹世紀初都仲廣受喜愛，成日攞嚟教細路叫佢哋要孝順父母，例如香港嘅中小學就有教爾首詩[3]，而且好多時用白居易另一首詩，慈烏夜啼做比對。依兩首喺白氏文集，放埋一齊。兩首都有雀，燕不孝而烏深孝。
粵音
[編輯]詩中有部份漢字係廿壹世紀初少見嘅，其現代粵語讀音如下：
| 漢字 | 粵拼 | 同音字 |
|---|---|---|
| 椽 | jyun4 | 元、完、圓 |
| 孜 | zi1 | 知、資 |
| 臾 | jyu4 | 如、餘 |
| 啁啾 | zau1 zau1 | 周周、舟舟 |
原文
[編輯]白居易（唐）
- 梁上有雙燕，翩翩雄與雌。
- 銜泥兩椽間，一巢生四兒。
- 四兒日夜長，索食聲孜孜。
- 青蟲不易捕，黃口無飽期。
- 嘴爪雖欲敝，心力不知疲。
- 須臾十來往，猶恐巢中飢。
- 辛勤三十日，母瘦雛漸肥。
- 喃喃教言語，一一刷毛衣。
- 一旦羽翼成，引上庭樹枝。
- 舉翅不回顧，隨風四散飛。
- 雌雄空中鳴，聲盡呼不歸。
- 卻入空巢裏，啁啾終夜悲。
- 燕燕爾勿悲，爾當反自思：
- 思爾為雛日，高飛背母時。
- 當時父母念，今日爾應知！
詩解
[編輯]首詩嘅內容用現代粵語講如下：首詩一開始敘述壹公壹乸兩隻燕子，雙燕喺屋樑上一齊築巢、生仔，生左四隻雛燕。雙燕日日夜夜出出入入，辛苦搵食養活四隻雛燕。縱使青蟲難捉、自己嘅嘴同爪都捉到好攰，雙燕都唔嗌辛苦，只怕啲仔女冇嘢食。經過叄拾日努力，母燕瘦晒，同時啲雛燕就愈生愈肥。等到雛燕識飛、識叫，連羽毛都刷到靚晒，佢哋粒聲唔出就飛走左，冇再返巢。兩隻老燕喺半空嗌仔女，但點嗌都冇回應，最後佢哋孤零零返返去空巢度，傷心噉叫足成晚。最後白居易就同雙燕講，叫佢哋應該反思，諗返自己以前都係噉樣，粒聲唔出就背棄父母。
首詩表面上係寫燕子，其實係借物喻人，講父母養大子女嘅辛酸，亦諷刺好多子女長大後就唔記得父母恩，冷淡疏離[3]。
睇埋
[編輯]
- 孝道
- 唐詩
- 寓言
- （英文）英譯 白居易《燕詩》 /《燕詩示劉叟》 Wayback Machine嘅版面存檔備份
引述
[編輯]- ↑ 〈中國古詩文精讀-燕詩,白居易〉。《中國古詩文精讀》 (香港中文)。喺2025-07-08搵到。
- ↑ 〈《燕詩示劉叟》～放手的智慧〉。vocus.cc (繁體中文)。2023-09-13。喺2025-07-08搵到。
- ↑ 3.0 3.1 （香港繁體） 燕詩，教育局