爛賭夫鬥爛賭妻
| 爛賭夫鬥爛賭妻 Mr. and Mrs. Gambler | |
|---|---|
| 資料明細 | |
| 導演 | 王晶 |
| 監製 | 王晶 |
| 劇本 | 王晶 |
| 主演 | 杜汶澤 薛凱琪 朱咪咪 羅家英 |
| 配樂作曲 | 鄧智偉 莊冬昕 |
| 攝影 | 馮遠文 |
| 剪輯 | 李嘉榮 |
| 製片商 |  晶藝電影事業有限公司 |
| 片長 | 110分鐘 |
| 產地 |  香港 |
| 話 | 粵語 |
| 上畫同發行 | |
| 上畫日期 |  2012年2月16號 2013年4月28號 |
| 發行商 | 嘉樂影片發行有限公司 |
| 票房 | HK$6,000,000 |
《爛賭夫鬥爛賭妻》（英文：Mr. & Mrs. Gambler）係2012年上映嘅愛情喜劇港產片，由王晶編導同監製，杜汶澤、薛凱琪、朱咪咪同羅家英等主演。呢套電影以賭術及愛情價值觀作為電影題材[1]。
劇情大綱
[編輯]舒奇（杜汶澤飾）同香香（薛凱琪飾）兩個人極度爛賭，任何時間都會賭癮發作。兩人本來唔相識，但喺澳門同時因為欠咗貴利賭債而畀高利貸集團軟禁埋一齊；期間更互生情愫，志趣相投嘅佢哋返港後決定結婚。
演員
[編輯]| 演員 | 角色 | 關係 |
|---|---|---|
| 杜汶澤 | 舒奇 | 病態賭徒 曾經係演員 曾經奪非洲影帝 珊姐嘅細佬 張惠香嘅老公 舒小小嘅阿爸 因為喺澳門被高利貸集團軟禁 Michelle嘅追求對象 同張惠香比賽戒賭一星期以爭取撫養權，之後退出 有三個仔女 *演出過《絕代宗師2012》 |
| 薛凱琪 | 張惠香 | 香香 病態賭徒 曾經係Sam嘅助手 舒奇嘅老婆 舒小小嘅阿媽 因為喺澳門被高利貸集團軟禁 Sam嘅追求對象 同舒奇比賽戒賭一星期爭取撫養權，後取消離婚 有三個仔女 |
| 朱咪咪 | Pauline Cheung | 波縺 張惠香嘅阿媽、舒小小嘅外婆 |
| 佘卓穎 | 舒小小 | 舒奇、張惠香嘅女 舒奇、張惠香嘅爭取撫養權對象 |
| 胡然 | Michelle Siu | 導演 Sam嘅前度女朋友 邀請舒奇擔任電影男主角 追求舒奇 張惠香嘅情敵 |
| 伍允龍 | Sam Wong | 賭場老闆 鑽石王老五 Michelle嘅前度男朋友 羅致張惠香對付老千 追求張惠香 舒奇嘅情敵 |
| 溫超 | 超那星 | 舒奇嘅朋友 舒奇嘅婚禮伴郎 舒青嘅男朋友 |
| 李思蓓 | 舒青 | 舒奇嘅妹妹 超那星嘅女朋友 收咗Sam嘅三百萬出賣舒奇 |
| 金 剛 | 金牙貴 | 高利貸 |
| 江美儀 | 法官 | 勒令舒奇、張惠香比賽戒賭一星期爭取撫養權 |
| 羅家英 | 舒突 | 臨時演員 舒奇及舒青嘅爸爸 |
| 黃文慧 | 舒突嘅妻 舒奇及舒青嘅阿媽 患有老人痴呆症 | |
| 許紹雄 | 茶餐廳老闆 之後同張惠香合資開多間茶餐廳 | |
| 楊詩敏 | 核突縺娜 | 張惠香嘅朋友 |
| 肥媽 | 十姨 | 神婆 為張惠香算命 |
| 鄒凱光 | 王晶衛 | 國際大導演 之後畀 Michelle 派人打傷 |
歌曲
[編輯]《爛賭夫鬥爛賭妻》電影主題曲〈爛賭神君〉[2]
續集
[編輯]繼《爛賭夫鬥爛賭妻》之後，另外由王晶擔任執導而拍攝製作嘅一部續集電影《爛滾夫鬥爛滾妻》（英文：Mr. & Mrs. Player），由杜汶澤同周秀娜擔任主演[3]。2013年9月26號，呢齣戲响香港上畫[4]。
