牛油酥餅

一碟牛油酥餅。

牛油酥餅（Shortbread），喺一種源自蘇格蘭嘅餅乾。主要材料係麵粉、牛油同糖 。

詞源

「Shortbread」係一個縮寫字，唔可以直譯做「短麵包」或者「矮麵包」。「Short」係動名詞「Shortening」嘅簡寫，指嘅係「酥脆、易碎」嘅意思，而「Shortening」出自於「Shorten」，意思係「用於烘焙嘅牛油或其他脂肪或油份」。至於「Shortbread fingers」中嘅「fingers」唔係解手指，而係指長條形嘅牛油酥餅。

歷史

牛油酥餅嘅起源可以回溯至十二世紀嘅英國 。牛油酥餅嘅前身係雙烤麵包（biscuit bread），呢種包係用用淨嘅麵團經兩次低溫烤焗而成，通常會加啲香料同糖落去一齊焗，令佢變成麵包乾（rusk）。英文中biscuit嘅意思係焗兩次 。隨時間推移，蘇格蘭人用牛油嚟取代酵母，而呢種又乾又硬嘅包就演變成今日人見人愛嘅牛油酥餅 。喺中世紀時，牛油酥餅對平民百姓嚟講係昂貴嘅奢侈品，只會特別節慶比如婚禮、聖誕節、新年等等先食到 。

文化

喺新年食牛油酥餅嘅習俗，起源於古代異教徒食像徵太陽嘅樹頭蛋糕（Yule Cakes）。時至今日，蘇格蘭人仍然保留住「第一位訪客（first footers）」嘅傳統。呢個傳統係指喺除夕子夜由一位深色頭髮嘅男性，帶住象徵好運嘅禮物跨門入屋，相傳可以行運一整年。喺昔德蘭（Shetland，英國領土的最北端），當新娘跨門入新屋時，會喺佢頭上打碎一塊加咗裝飾嘅牛油酥餅 。至今，牛油酥餅依然係英國人喺節日時互相送贈嘅禮物 。

口味同外觀

牛油酥餅通常有三個形狀：大圓餅形（似薄餅咁切做三角形食）、小圓餅形同常見嘅長條手指形。唔同地區有唔同口味，比如芫荽同葛縷籽、杏仁同橙皮、薑等等 。