物化

買賣 奴隸 就係最典型將人 物化 嘅例

喺社會哲學入面，物化 指嘅係將一個人當成物件或者一樣嘢去對待。所謂「性物化」，就係將一個人純粹當成滿足性慾嘅對象，呢個都係物化嘅一種。另外，「自我物化」就係連自己都當成一件物件咁樣去睇。

而喺馬克思主義入面，社會關係物化，通常都用「物化 」（Verdinglichung） 呢個概念去講。

定義

哲學家 Martha Nussbaum 提出，如果一個人被套用咗以下其中一啲特徵，就可以話係物化 ：

• 架撐化：將一個人淨係當成，達成他人目的嘅工具
• 否認自主：將一個人視為冇自主權、冇自我決定能力
• 冇行動力：覺得佢冇主動性，只係被動存在
• 可替代性：可以隨便用其他人或物件取代
• 可侵犯性：冇底線，可以任意侵犯、破壞
• 擁有權：可以擁有、買賣（例如奴隸制）
• 否認主體性：唔需要理會佢嘅感受同經歷

之後 Rae Langton 再加多三點，補充返呢個諗法 ：

• 簡化成身體：將一個人等同於佢嘅身體或者某啲身體部位
• 簡化為外表：淨係用外表去定義一個人
• 沉默化：當成冇聲音、冇表達能力

簡單講，將一個人當成「一樣嘢」多過「一個有思想、有感受嘅人」，其實就已經係 物化 緊佢。

女性主義嘅物化理論

物化理論係由 Barbara Fredrickson 同 Tomi-Ann Roberts 提出嘅。佢哋用女性心理同性別角度去分析女性身體，指出如果將女性或者女仔物化，會令佢哋更容易出現焦慮，或者過度自我意識，從而影響心理健康 。簡單講，就係當一個人長期睇成「俾人睇」嘅對象，佢慢慢都會用社會畀佢嗰套 眼光 去睇 自己。佢哋都提過，其實最深遠嘅影響之一，就係好多女性會內化咗呢種文化，變成習慣性咁留意同監察自己外表 。

當呢種外來壓力愈嚟愈大，就會變成不停𥄫實自己身體，甚至出現對飲食好執着嘅情況（eating disorder），最後可能感到好羞家、尷尬、丟架、有啲內疚，或者焦慮。另外，Fredrickson 同 Roberts 都提到，近年一啲女性主義者同學者，會用一個社會文化角度重新理解女性身體，唔單止睇佢嘅生物功能，仲會重視佢喺社會同文化入面點樣呈現出嚟。佢哋認為，呢兩個角度其實應該一齊睇，因為都係構成「女性身體形象」嘅一部分。

睇埋

• 性物件化