犀牛角蕉

外觀

犀牛角蕉、巨型高地香蕉、大香蕉、象芭蕉，草一種，樹一種，開花植物物種來嘅，蕉中至大種，世界上至大草木植物。生物分類歸芭蕉科芭蕉屬。

生喺印尼新畿內亞山地森林，一九五四年科學界先知道有佢。葉長五公尺，闊一公尺，尋常蕉種六七倍。

拉丁學名Musa ingens。專名拉丁文意思巨大、極大。咁用來形佢蕉中至大種。

描述

果共花序

下面望上去

佢睇落似樹，實情樹幹葉柄來㗎，卷得密密實實，葉柄長度世界冠軍。咁令佢一般高到十五公尺。連葉都計，就高廿公尺。一九五四年發現後，搵到至高一樖高廿公尺， 不過測得數植，無準確驗證。有相見過樹幹直徑九十四公分。果重六十公斤，一梳十六到廿隻 。果穗生喺花梗。花梗長達十五公尺、厚達十公分，已知植物中最長。大花序承載過長橢圓形果三百個。果長十八公分，滿載黃色果肉、偏黑褐色種籽。果肉食得，煮熟後甜美可口，味道似精緻忌廉南瓜混合甜香蕉，再加啲酸青檸同柑橘。