犯罪統計

2012 年世界各地區嘅殺人發生率數據，愈接近紅色嘅地區，殺人率愈高。

犯罪統計係指有關犯罪嘅定量化結果，會用統計數值嚟代表，有別於單純嘅犯罪新聞或者零星傳聞。犯罪統計可以源自兩大來源：

• 學術研究：例如犯罪學同其他社會科學嘅研究，都有機會搵到統計數字講犯罪率；
• 官方數據：例如警察、法庭同埋監獄等嘅機構都會發佈犯罪相關嘅統計數字。

犯罪學相關領域嘅學者做研究嗰陣，亦時常會引用官方數據做分析。

量度方法

睇埋：問卷調查

要量度犯罪率，有好多唔同方法。除咗官方紀錄之外，研究者有陣時亦會用公眾調查嚟估算冇報案嘅罪案數量。呢啲調查都有佢嘅限制：

• 通常唔會產生對地方犯罪預防有用嘅細節數據；
• 往往忽視涉及兒童嘅犯罪；
• 唔會統計已經被刑事司法系統處理過嘅罪犯。

睇埋

• 犯罪學
• 空間數據