王嘉慧 (電影演員)

出自維基百科,自由嘅百科全書

王嘉慧英文Jessica Wong1991年9月12號—)係香港電影演員,曾經屬英皇電影旗下,有份參演甄子丹同王寶強嘅戲《一個人的武林》。

15歲喺跆拳道協會舉辦一場比賽中奪得金牌。當時透過一名熟人介紹,為英皇電影試鏡打鬥戲份,雖然冇被選上電影角色,但英皇電影其後正式簽咗佢。

簡歷[編輯]

王嘉慧阿爸係西班牙上海混血,阿媽係重慶苗族人。佢自細喺香港生活,讀過英基國際學校聖瑪加利女書院。佢自細學跆拳道,重攞過獎,但最後因受傷而無再打比賽。

王嘉慧2006年(15歲)有機會同陳奕迅拍白蘭氏雞精廣告,之後亦有拍過其他廣告。佢2011年有份參演大陸電視劇《武則天秘史》,2012年就有份參演香港電影《新古惑仔:江湖新秩序》。

2014年王嘉慧參與女導演岸西執導嘅港台電視節目「夜同行」飾演史素怡。

同年,同由岸西導演執導,王嘉慧參與電視節目「堅警有道」。

2014年王嘉慧同王宗堯,洗色麗參與由Vincent Chow導演執導嘅網劇「Atonement:救贖」。

2014年王嘉慧同楊采妮,甄子丹,王寶強,白冰等藝人參與陳德森導演執導合拍電影「一個人的武林」,電影中飾演小敏,楊采妮助手,警察一名。

2015年王嘉慧喺「賭城風雲3」飾演伴娘。

2016年王嘉慧同姜文杰,郭富城等藝人參與由鐘少雄導演執導嘅內地電影「新永不消逝的電波」。電影中飾演韓麗。

2016年10月王嘉慧正式同英皇電影解約。

2017年變成創業家嘅王嘉慧喺銅鑼灣中心開設一間桌球酒吧「BREEZE」。

2018年8月王嘉慧酒吧BREEZE搞同高手較量嘅活動,邀請風靡桌球界嘅「白旋風」 詹米韋德,同埋藝人張智霖,范振鋒到場。

2018年10月王嘉慧酒吧BREEZE參與香港乳癌基金會活動。同德籍美式9球世界冠軍THORSTEN HOHMANN 攜手合作一個週末嘅慈善籌款,反應亦相當熱烈。

2019年6月王嘉慧酒吧BREEZE因租約期滿而結束營業。

2019年9月王嘉慧成為西瓜台一期的旅遊主播。介紹塞爾維亞以及波黑。

演出[編輯]

電影[編輯]

參考[編輯]