王敏超
王敏超，BBS，JP，香港親中陣營政治人（市政局前任議員）、體育界人士（退役游水運動選手），中華造船廠老闆王華生嘅仔，死鬼港區人大代表王敏剛嘅細佬。
部分公職
[編輯]政治立場
[編輯]佢係香港親中派一員。
選舉及提名經歷
[編輯]2006年，佢喺選舉委員會界別分組選舉自動當選成為選委（體育、演藝、文化及出版界體育小組）[2]。
喺2016年，佢自動當選成為香港特别行政區選舉委員會體育、演藝、文化及出版界（體育小組）委員[3]。之後，佢有份提名林鄭月娥參與2017年香港行政長官選舉[4]。
喺2021年9月，佢經指定團體提名(中國香港體育協會暨奧林匹克委員會)成為香港特别行政區選舉委員會體育、演藝、文化及出版界委員[5]。
軼事
[編輯]2024年巴黎奧運會，當知道何詩蓓贏到兩面游泳銅牌之後，香港游泳總會會長嘅王敏超喺港台節目《千禧年代》度表示對「何詩蓓嘅巴黎奧運奪銅感到開心，但認為佢同前兩名對手時間相差唔夠1秒，差啲就有更好成績，所以表示感到少許遺憾」，何詩蓓嘅教練 Tom Rushton指評價「令人有啲失望同缺乏經驗（bit disappointing, and an inexperienced quote）。」Rushton 又話何詩蓓聽完之後話呢個唔係一個好嘅評論，唔係一個你預期中嘅評價。[6]王敏超知道何詩蓓同 Tom Rushton嘅回應之後，就兜話「遺憾嘅意思係差尐尐攞到第一嘅意思，唔係遺憾佢嘅名次」，呢個解釋令人莫名其妙，成為一時笑柄。[7]
參考
[編輯]- ↑ 〈領導機構〉。acchk.org.hk (美國英文)。原著喺2024-12-11歸檔。喺2025-04-16搵到。
- ↑ 〈無需進行投票的選舉委員會界別分組／小組所產生的選舉委員〉。www.info.gov.hk。喺2025-12-22搵到。
- ↑ 〈2016選舉委員會界別分組選舉 - 選舉結果〉。www.elections.gov.hk。喺2025-06-03搵到。
- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈巴黎奧運丨何詩蓓得知王敏超對奪銅表「遺憾」 教練指泳總會長言論：令人失望〉。Topick (繁體中文)。喺2024-08-07搵到。
- ↑ 〈巴黎奧運｜被指對何詩蓓奪銅「遺憾」王敏超：記者曲解意思已要求澄清〉。am730 (繁體中文)。喺2024-08-07搵到。