王灝兒

JW 王灝兒
JW 王灝兒
	2022年10月8號，王灝兒喺荃灣如心廣場商場中庭參加《追星狂熱：如心音樂祭》活動
女藝人
羅馬拼音	Wong Ho Yee
英文名	Joey Wong
花名	JW（Joey Wong）
國籍	中國（香港）
出世	1990年6月18號（35歲）; 英屬香港
職業	歌手、演員
語言	粵語、英語、國語
教育程度	倫敦國王學院地理學學士
母校	瑪利曼小學; 瑪利曼中學; 南島中學; 倫敦國王學院;
音樂類	粵語流行曲、華語流行曲
演奏樂器	鋼琴
出道作品	《掛念好友》（2010年）
代表作品	《男人信什麼》（2010年，同衛蘭合唱）; 《矛盾一生》（2015年）; 《原來只因深愛著》（2017，同吳業坤合唱）
活躍年代	2010年到而家
唱片公司	A Music（2010年－2015年）; Sunny Idea（2015年－2020年）; 星夢娛樂（2020年至今）
經紀公司	百仕活（2010年－2015年）; Sunny Idea（2015年－2020年）; 無綫電視（2021年到而家）
獎
	叱咤樂壇女歌手銅獎 – 叱咤樂壇流行榜; 2016年 ;

王灝兒（英文：Joey Wong Ho Yee；藝名：JW；1990年 6月18號—）係香港女歌手，2010年出道。佢係華裔、西班牙、菲律賓混血，識得跳好多種舞，包括肚皮舞、爵士舞、芭蕾舞、Hip Hop等。佢唱歌把聲同佢師姐衛蘭有幾分似。王灝兒男朋友叫Tarzan，佢哋感情穩定^[2]。

簡歷

早期生活：2009年以前

王灝兒讀過香港靈糧堂幼稚園、瑪利曼小學、瑪利曼中學同南島中學（預科）。2008年入讀倫敦國王學院，主修地理^[3]。

王灝兒參加過好多歌唱比賽。曾經喺瑪利曼中學嘅一年一度盛事—「Talent Quest」，幾次奪得「English solo」冠軍，中三時更奪得「Overall Champion」殊榮。2006年參加「Spice It Up 學園祭」並獲得亞軍，只輸咗畀冠軍嘅鄧紫棋。其後更喺Westlife嘅亞洲巡迴演唱會（Westlife's Face to Face Asia Tour）嘅記者會中擔任表演嘉賓。

出道初期：2010年－2011年

2010年，王灝兒進入樂壇，並加盟黎明旗下所屬嘅A Music，喺5月發表佢第一首派台歌曲《掛念好友》。為保持神秘，唱片公司刻意唔畀佢公開露面或出席活動，樂迷一直只聞其聲，而MV亦淨係邀請Janice Man擔任女主角，自己就冇曝光。

2010年6月王灝兒發表第二首派台歌曲《男人信什麼》，係一首同佢同門師姐衛蘭合唱嘅歌^[4]，佢派台幾個禮拜就奪得三個台流行榜的冠軍^[5]，係王灝兒出道嘅一首代表作。雖然新歌曲成績斐然，但王灝兒仍然未試過露面。

同時，A Music宣佈王灝兒會喺2010年7月24號喺香港國際展貿中心舉行佢首個音樂會「JW掛念好友音樂會」，亦係王灝兒首次露面，而音樂會亦會由A Music老闆黎明擔任司儀^[6]。門票幾日就賣嗮，反應熱烈，最後更需要加場。

緊接音樂會嘅空前成功，王灝兒順勢喺7月29號推出出道以來嘅首張EP《Los Angeles》，並推出歌曲《今天不見人》同《孤單不要怕》，派台之後都成功佔據各大流行音樂排行榜嘅頭幾位。

對於王灝兒露面比較少嘅情況，據東張西望訪問透露，王灝兒屋企人希望佢可以專注學業，所以唔想佢露面太多，而佢亦會返外國繼續讀書，至於會唔會出席樂壇頒獎典禮，就要睇屋企人表示，期間佢曾經出席衛蘭嘅演唱會《Fairy衛蘭2010紅館演唱會》嘅表演嘉賓，一共演繹咗《男人信什麼》同《掛念好友》兩首歌。

不過之後，王灝兒喺2010年尾再次返香港出席樂壇頒獎典禮，囊括三台人女歌手嘅獎項，成績相當好。雖然喺商台所舉行嘅《2010年度叱咤樂壇流行榜頒獎典禮》攞唔到獎（因為A Music同商台一直交惡，所以冇出席頒獎典禮），但喺其他3個樂壇頒獎典禮都攞到新人獎：《新城勁爆頒獎禮2010》奪得「新城勁爆新人王」、《第三十三屆十大中文金曲頒獎音樂會》奪得「最有前途新人獎銀獎」同《2010年度十大勁歌金曲頒獎典禮》奪得「最受歡迎新人獎金獎」，喺一眾女新人中成績最為優異。而同師姐衛蘭合唱嘅《男人信甚麼》亦奪得佳績，喺《2010年度十大勁歌金曲頒獎典禮》奪得「十大勁歌金曲金獎」。

王灝兒喺《IFPI香港唱片銷量大獎2010》再下一城，共獲得三個獎項，分別係「十大銷量廣東唱片《Los Angeles》」、「十大銷量本地歌手」及「最暢銷本地女新人」。同時，歌曲《男人信什麼》更獲得七大數碼音樂香港數碼音樂頒獎禮嘅「最高次數點播歌曲」、「最高次數下載歌曲」、「最高次數原音鈴聲歌曲」、「最高次數接駁鈴聲歌曲」以及「最高次數下載的MV」。

踏入2011年，王灝兒喺嗰年9月舉行首個歌迷見面會，分別喺廣州同香港舉行。同時宣佈新歌《Falling In Love》同MV。其後，佢喺10月21號嘅TVB勁歌金曲、東方電視以及樂Loop首播全新MV《Juicy Girl》。《Juicy Girl》係佢第一首跳舞曲，王灝兒更加喺《Leon X U 紅館演唱會2011》同台灣Ermenegildo Zegna台北活動表演呢首歌。

同年10月，佢為海洋公園「十月全城哈囉喂」唱廣告歌，同時更為時裝品牌「Juicy Girl」代言Fall & Winter系列。佢嘅第二張EP《That's Me》喺11月4號推出，佢第一同三首派台主打歌《毫無自制》及《Juicy Girl》奪得TVB勁歌金榜嘅冠軍位置。

低潮時期：2012年－2014年

王灝兒喺2012年6月正式投入樂壇，更表示父母非常贊成佢喺樂壇發展。然而將專注力完全投放到樂壇嘅佢，未能承接出道以來嘅成功，雖然每年都有出新歌，但多次未能喺派台上取得理想成績，令佢喺樂壇嘅聲勢大跌，奪得嘅獎項數量不復2010年時期勇，有網民歸咎於唱片公司老闆黎明，指佢喺公司冷藏咗王灝兒多年，造成佢喺嗰幾年內得唔到咩成績。

王灝兒喺2012年並冇推出全新專輯，但就推出咗三首歌曲，首先係收輯喺舊專輯《掛住你》，但未能登上各大電台流行音樂排行榜。到咗年尾，佢又推出全新單曲《Do Me More》及《愛到超載》，雖然歌曲《Do Me More》成為一首派台冠軍歌，但歌曲《愛到超載》同樣未能登上各大電台流行音樂排行榜，喺年尾嘅眾多頒獎禮中都攞唔到獎。

喺2012年期間，王灝兒喺4月被邀請到台北101嘅Ermenegildo Zegna活動中做表演嘉賓，唱出《Juicy Girl》同Rihanna嘅冠軍單曲《Only Girl（In the World）》。佢喺7月被邀請到母校瑪利曼85週年紀念晚宴做表演嘉賓。

踏入2013年，王灝兒都冇推出全新專輯，只推出兩首歌曲《飄浮女孩》同電影《喜愛夜蒲3》主題曲《Feel The Bass》，並另派台歌曲《Feel The Bass》嘅Radio Edit Version版本，該歌曲成為咗新城流行音樂榜嘅派台冠軍歌，歌曲《飄浮女孩》成功進佔多個電台流行音樂榜嘅前幾位。喺年尾嘅各大流行音樂樂壇頒獎典禮中，奪得新城勁爆頒獎禮新城勁爆人氣歌手獎同埋第9屆「勁歌王」全球華人樂壇音樂盛典最佳跳舞歌手，歌曲《Feel The Bass》就奪得新城勁爆頒獎禮新城勁爆跳舞歌曲。

2014年，王灝兒冇推出全新專輯，推出歌曲《I Need A Friend》、《Could You Be My Friend》以及同大前輩蘇永康合唱嘅歌曲《性情中人》，然而《I Need A Friend》及《Could You Be My Friend》兩首歌都未能登上各大電台流行音樂排行榜，佢喺年尾嘅各大流行音樂樂壇頒獎典禮中只能喺新城勁爆頒獎禮攞到獎，包括新城勁爆跳唱歌手、新城國語力人氣偶像等等。

高峰時期：2015年－2020年

2015年，王灝兒同A-Music合約完結，同年7月宣佈加盟佢嘅新唱片公司Sunny Idea，同Yellow!成為同門師兄妹。

王灝兒嘅首支主打《矛盾一生》喺同年10月面世，一推出就立即受到樂迷歡迎，網上反應同口碑都好好，歌曲更先後喺香港電台、無綫電視同商業電台嘅流行音樂榜上奪得冠軍，成為佢出道以來嘅第二首三台冠軍歌，亦係出道以來嘅第一首單人嘅三台冠軍歌，首歌更成爲喺YouTube上觀看次數最多嘅粵語音樂影片之一，係佢喺網上最成功嘅一首歌曲，亦成為咗佢最出名嘅代表作之一。

啱啱加入新公司嘅王灝兒，喺年尾嘅各大流行音樂樂壇頒獎典禮中憑歌曲《矛盾一生》，攞咗YAHOO!人氣大獎頒獎典禮人氣歌曲同新城勁爆頒獎禮新城勁爆演繹大獎兩個獎，雖然喺頒獎典禮上攞唔到耀眼嘅成就，但喺網上嘅空前成功已經為佢取得廣大年輕人嘅認識同支持。

2016年係王灝兒人氣達到出道以來最高嘅一年，繼上年歌曲《矛盾一生》嘅空前成功，佢喺嗰年再接再厲，喺年頭推出兩首新歌《多少年》同《自由飛翔》，完成咗同歌曲《矛盾一生》集成嘅三部曲，而且繼續沿用《矛盾一生》嘅班底，兩首歌曲喺派台短短幾個禮拜就佔據各大流行音樂排行榜頭幾位，兩首歌都各自成為咗派台兩台冠軍歌。

同年7月，王灝兒推出轉會以來嘅首張大碟，係自己自2011年以來推出嘅第一張專輯，唔單止收輯咗喺上半年推出嘅《矛盾一生》三部曲嘅三首歌曲，亦收輯咗派台歌曲《太空人》、《小故事》、《Stupid BOII》同《Runaway》，其中年尾推出嘅新歌《小故事》更成為三台冠軍歌，係佢出道以來派台成績最好嘅一年。

YouTube成績方面，主打歌曲《多少年》同《自由飛翔》喺網上平台上分別得到超過5,600,000同超過3,000,000嘅優秀成績，更分別得到超過11,000同接近6,000讚好嘅成績，係該年諸多歌手之中，YouTube成績最優異嘅歌手之一。

喺年末嘅各大流行音樂樂壇頒獎典禮中，王灝兒憑《矛盾一生》三部曲嘅三首歌橫掃樂壇多個歌手同歌曲獎項，勇奪出道以嚟嘅第一座叱咤樂壇流行榜頒獎典禮叱咤樂壇女歌手銅獎，只輸畀競爭對手衛蘭同李幸倪。此外，佢亦奪得新城勁爆頒獎禮勁爆女歌手銅獎、勁歌金曲頒獎典禮傑出表現獎等多個歌手獎。喺歌曲獎方面，歌曲《矛盾一生》攞到十大中文金曲頒獎音樂會十大中文金曲、勁歌金曲頒獎典禮勁歌金曲獎等多個大獎。

踏入2017年，王灝兒承接先前兩年嘅成功，推出同男歌手吳業坤合唱嘅歌曲《原來只因深愛著》，係一首結合自己嘅代表作《矛盾一生》同歌手吳業坤嘅代表作《原來他不夠愛我》嘅班底嘅合唱歌曲，歌曲一推出就受到網民嘅熱議，更深受樂迷同多個電台DJ嘅歡迎，喺派台短短幾個禮拜就成為三台冠軍歌。

王灝兒喺2017嘅下半年再接再厲，推出同樂隊Dear Jane合唱嘅歌曲《當自強》、單人歌曲《安全感》、《妒忌心》同《你帶著我的青春離去》，其中歌曲《安全感》成為咗喺2017年嘅第二首三台冠軍歌，而歌曲《你帶著我的青春離去》同《當自強》都分別成為兩台冠軍歌同派台冠軍歌，成功承接上年派台嘅佳績。佢更同時宣布會喺2018年1月舉行出道以來嘅第一次紅館演唱會，門票喺開售無耐就賣嗮。

YouTube成績方面，主打歌曲《原來只因深愛著》同《你帶著我的青春離去》喺網上平台上分別得到超過4,000,000及超過800,000嘅成績，更分別得到超過13,000同接近5,000讚好嘅成績，《原來只因深愛著》一曲更係嗰年諸多合唱歌曲之中，YouTube成績最優異嘅歌曲之一。

喺年尾嘅各大流行音樂樂壇頒獎典禮中，王灝兒憑藉歌曲《原來只因深愛著》同《安全感》橫掃樂壇多個歌手同歌曲獎，雖然只係攞到十大中文金曲頒獎典禮優秀流行歌手大獎一個歌手獎，但歌曲《原來只因深愛著》勇奪十大中文金曲頒獎典禮十大中文金曲、新城勁爆頒獎禮勁爆合唱歌曲、勁歌金曲頒獎典禮最佳合唱歌曲銀獎等幾個獎項，橫掃各大流行音樂樂壇頒獎典禮嘅合唱歌曲獎，單人歌曲《安全感》就奪得勁歌金曲頒獎典禮勁歌金曲獎同YAHOO!人氣大獎頒獎典禮人氣歌曲兩個獎。

2018年1月6號，王灝兒舉行咗一場名為「JW王灝兒Never Too Early演唱會 2018」嘅紅館演唱會，並推出演唱會嘅主題曲《I Just Wanna Stay With You》，邀請圈內好友吳業坤同埋關楚耀作為嘉賓演唱，並喺演唱會中為樂迷演唱從未曝光嘅全新作品《維多利亞》。

2019年，王灝兒雖已經同男友Tarzan拍拖三年，但仍然表示會先專注事業^[7]。

演出

電視節目（無綫電視）

2017年：《瘋狂夏水禮2017》嘉賓

電視劇（無綫電視）

首播	劇名	角色	備註
2021年	逆天奇案	佩儀	單元角色
	欺詐劇團	卓欣欣	單元角色
	青春本我	汪善美	女配角
2022年	痞子殿下	霍小妹（細契）	第二女主角
2022年	美麗戰場	芝姐	特別演出

參考

↑ 湯紫媚 (2016-06-16)。〈JW王灝兒孖徐子珊開生日派對　預祝演唱會成功〉。香港01。原先內容歸檔喺2019-03-06。喺2021-12-27搵到。
↑ 〈【王灝兒專訪】曾受情傷找逃生門 JW男友是情人知己混合體〉。《明周娛樂》 (美國英文)。2019-09-27。原先內容歸檔喺2019-10-25。喺2019-11-29搵到。
↑ 〈JW永不停步由學界走到紅館〉。進修生活。2017-10-27。
↑ 〈JW尋找音樂逃生門〉。晴報。2019-08-30。原先內容歸檔喺2019-10-25。喺2021-12-27搵到。
↑ 〈【JW專訪】兩年零收入靠兼職過活　家人男友支持考驗耐力〉。明報周刊o。2018-01-07。原先內容歸檔喺2019-10-25。喺2021-12-27搵到。
↑ 〈黎明热捧新爱将 JW高度神秘首次无言现身〉。搜狐音乐。2010-07-26。原先內容歸檔喺2019-10-25。喺2021-12-27搵到。
↑ 〈【王灝兒專訪】曾受情傷找逃生門 JW男友是情人知己混合體〉。《明周娛樂》 (美國英文)。2019-09-27。原先內容歸檔喺2019-10-25。喺2019-11-29搵到。

出面網頁

王灝兒喺tvb.com嘅資料
王灝兒嘅Facebook頁

[1] 湯紫媚 (2016-06-16)。〈JW王灝兒孖徐子珊開生日派對　預祝演唱會成功〉。香港01。原先內容歸檔喺2019-03-06。喺2021-12-27搵到。

[2] 〈【王灝兒專訪】曾受情傷找逃生門 JW男友是情人知己混合體〉。《明周娛樂》 (美國英文)。2019-09-27。原先內容歸檔喺2019-10-25。喺2019-11-29搵到。

[3] 〈JW永不停步由學界走到紅館〉。進修生活。2017-10-27。

[4] 〈JW尋找音樂逃生門〉。晴報。2019-08-30。原先內容歸檔喺2019-10-25。喺2021-12-27搵到。

[5] 〈【JW專訪】兩年零收入靠兼職過活　家人男友支持考驗耐力〉。明報周刊o。2018-01-07。原先內容歸檔喺2019-10-25。喺2021-12-27搵到。

[6] 〈黎明热捧新爱将 JW高度神秘首次无言现身〉。搜狐音乐。2010-07-26。原先內容歸檔喺2019-10-25。喺2021-12-27搵到。

[7] 〈【王灝兒專訪】曾受情傷找逃生門 JW男友是情人知己混合體〉。《明周娛樂》 (美國英文)。2019-09-27。原先內容歸檔喺2019-10-25。喺2019-11-29搵到。

[1]

[2]

[3]

[4]

[5]

[6]

[7]

睇傾改 IFPI香港唱片銷量大獎十大銷量本地歌手
2000年代	2008 劉德華、郭富城、古巨基、林峯、容祖兒、何韻詩、王菀之、鄧麗欣、吳雨霏、泳兒 2009 劉德華、林峯、側田、容祖兒、何韻詩、王菀之、鄭融、衛蘭、蔡卓妍、G.E.M.
2010年代	2010 劉德華、林峯、Big Four、容祖兒、何韻詩、衛蘭、鄭秀文、楊千嬅、Twins、JW 2011 劉德華、林峯、許志安、草蜢、容祖兒、何韻詩、G.E.M.、楊千嬅、Twins、林欣彤 2012 劉德華、古巨基、許廷鏗、容祖兒、何韻詩、王菀之、G.E.M.、楊千嬅、Twins、龍劍笙同梅雪詩 2013 林峯、Big Four、草蜢同軟硬、容祖兒、何韻詩、王菀之、G.E.M.、葉蒨文、陳潔麗、陳僖儀 2014 郭富城、張智霖、張敬軒、C AllStar、容祖兒、何韻詩、王菀之、泳兒、甄妮、鍾欣潼 2015 許志安、草蜢、許廷鏗、張敬軒、陳偉霆、G.E.M.、鄭秀文、楊千嬅、龍劍笙、石詠莉 2016 林峯、張敬軒、張國榮、鄭俊弘、吳業坤、容祖兒、G.E.M.、鄭秀文、Twins、石詠莉
十大銷量本地歌手喺2008年設立。

睇傾改勁歌金曲頒獎典禮金曲金獎
1980年代	1984 譚詠麟《愛在深秋》 1985 譚詠麟《愛情陷阱》 1986 張國榮《有誰共鳴》 1987 張國榮《無心睡眠》 1988 葉蒨文《祝福》 1989 梅艷芳《夕陽之歌》
1990年代	1990 葉蒨文《焚心以火》 1991 張學友《每天愛你多一些》 1992 張學友《分手總要在雨天》 1993 張學友《只想一生跟你走》 1994 黎明《那有一天不想你》 1995 張學友《離開以後》 1996 黎明《情深說話未曾講》 1997 黎明《只要為我愛一天》 1998 黎明《我這樣愛你》 1999 鄭秀文《插曲》
2000年代	2000 楊千嬅《少女的祈禱》 2001 陳奕迅《Shall We Talk》 2002 陳奕迅《明年今日》 2003 容祖兒《我的驕傲》 2004 楊千嬅《小城大事》 2005 鄭中基《無賴》 2006 古巨基《愛得太遲》 2007 李克勤《花落誰家》 2008 謝安琪《囍帖街》 2009 容祖兒《搜神記》
2010年代	2010 衛蘭、JW《男人信什麼》 2011 林峯《Chok》 2012 王菀之《留白》 2013 容祖兒《天窗》 2014 吳若希《越難越愛》 2015 吳若希《眼淚的秘密》 2016 李克勤《一個都不能少》 2017 李克勤《失魂記》 2018 張敬軒《百年樹木》 2019 周柏豪《讓愛高飛》
2020年代	2020 莫文蔚《呼吸有害》

睇傾改叱咤樂壇流行榜頒獎典禮叱咤樂壇女歌手銅獎
1980年代	1988 林憶蓮 1989 陳慧嫻
1990年代	1990 王靖雯 1991 葉蒨文 1992 關淑怡 1993 葉蒨文 1994 林憶蓮 1995 李蕙敏 1996 陳慧琳 1997 陳慧琳 1998 楊千嬅 1999 鄭秀文
2000年代	2000 容祖兒 2001 容祖兒 2002 何韻詩 2003 梁詠琪 2004 陳慧琳 2005 楊千嬅 2006 衛蘭 2007 謝安琪 2008 王菀之 2009 薛凱琪
2010年代	2010 楊千嬅 2011 何韻詩 2012 吳雨霏 2013 王菀之 2014 薛凱琪 2015 謝安琪 2016 JW 2017 王菀之 2018 AGA 2019 AGA
2020年代	2020 謝安琪 2021 林欣彤 2022 黃妍 2023 Serrini

睇傾改十大中文金曲頒獎音樂會優秀流行歌手大獎
1990年代	1994 劉德華、張學友、李克勤、周華健、許志安、黎明、郭富城、葉蒨文、王靖雯、彭羚 1995 劉德華、張學友、李克勤、周華健、黎明、郭富城、鄭伊健、彭羚、陳慧嫻、鄭秀文、王菲* 1996 劉德華、張學友、黎明、郭富城、鄭伊健、王菲、彭羚、陳慧嫻、鄭秀文、李蕙敏 1997 劉德華、張學友、許志安、黎明、郭富城、鄭伊健、古巨基、王菲、彭羚、鄭秀文 1998 劉德華、張學友、許志安、黎明、郭富城、蘇永康、王菲、鄭秀文、陳慧琳、張惠妹 1999 劉德華、張學友、許志安、郭富城、蘇永康、陳奕迅、謝霆鋒、王菲、鄭秀文、陳慧琳、黎明*
2000年代	2000 劉德華、張學友、許志安、郭富城、陳奕迅、謝霆鋒、王菲、鄭秀文、陳慧琳、李玟 2001 劉德華、張學友、李克勤、許志安、郭富城、陳奕迅、謝霆鋒、周杰倫、王菲、鄭秀文、陳慧琳、李玟、楊千嬅、梁詠琪、容祖兒 2002 劉德華、張學友、李克勤、許志安、陳奕迅、周杰倫、陳小春、葉蒨文、鄭秀文、陳慧琳、楊千嬅、梁詠琪、容祖兒、盧巧音、Twins 2003 劉德華、李克勤、許志安、陳奕迅、周杰倫、陳慧琳、楊千嬅、梁詠琪、容祖兒、Twins、關心妍 2004 劉德華、張學友、李克勤、許志安、古巨基、周杰倫、黃耀明、陳慧琳、楊千嬅、梁詠琪、容祖兒、Twins 2005 劉德華、李克勤、古巨基、陳奕迅、周杰倫、側田、楊千嬅、容祖兒、Twins、何韻詩 2006 劉德華、李克勤、古巨基、陳奕迅、周杰倫、側田、楊千嬅、容祖兒、何韻詩、衛蘭 2007 劉德華、李克勤、古巨基、陳奕迅、側田、張敬軒、楊千嬅、容祖兒、Twins、衛蘭 2008 劉德華、李克勤、古巨基、陳奕迅、側田、張敬軒、楊千嬅、容祖兒、王菀之、謝安琪 2009 古巨基、陳奕迅、張敬軒、方大同、林峯、Mr.、楊千嬅、容祖兒、衛蘭、王菀之、謝安琪、蔡卓妍、G.E.M.
2010年代	2010 李克勤、古巨基、陳奕迅、張敬軒、方大同、Mr.、陳柏宇、楊千嬅、容祖兒、衛蘭、謝安琪、G.E.M. 2011 李克勤、古巨基、蘇永康、陳奕迅、張敬軒、方大同、RubberBand、楊千嬅、容祖兒、謝安琪、G.E.M. 2012 李克勤、古巨基、陳奕迅、方大同、林峯、Mr.、RubberBand、C AllStar、容祖兒、王菀之、謝安琪、G.E.M. 2013 李克勤、陳奕迅、張敬軒、許廷鏗、容祖兒、王菀之、謝安琪、G.E.M.、薛凱琪、吳雨霏 2014 李克勤、許志安、陳奕迅、張敬軒、C AllStar、許廷鏗、張智霖、周柏豪、容祖兒、王菀之、謝安琪 2015 李克勤、陳奕迅、張敬軒、陳柏宇、C AllStar、許廷鏗、周柏豪、容祖兒、王菀之、謝安琪 2016 李克勤、陳奕迅、張敬軒、陳柏宇、C AllStar、許廷鏗、周柏豪、容祖兒、衛蘭、薛凱琪 2017 李克勤、陳奕迅、陳柏宇、許廷鏗、周柏豪、容祖兒、衛蘭、王菀之、JW、Gin Lee、AGA 2018 陳奕迅、張敬軒、陳柏宇、周柏豪、容祖兒、衛蘭、謝安琪、JW、Gin Lee、AGA、鄭欣宜 2019 陳奕迅、張敬軒、陳柏宇、許廷鏗、周柏豪、容祖兒、衛蘭、謝安琪、Gin Lee、AGA
2020年代	2020 從缺 2021 從缺 2022 馮允謙、姜濤、柳應廷、張天賦、衛蘭、JW、Gin Lee、鄭欣宜、泳兒、炎明熹
註1：優秀流行歌手大獎響1994年設立。最初只頒畀10位歌手，因應歌手有機會出現同分，所以會有多於10位歌手獲獎嘅情況發生（例如：2001-2004、2009-2012、2014、2017-2018年）。獎項自2020年起因十大中文金曲獎項改革而停頒，改為頒發男、女歌手同樂隊／組合金、銀、銅獎。註2：* 退出領獎常設獎項：十大中文金曲獎 · 全球華人至尊金曲獎 · 全年最高銷量歌手大獎 · 全年最佳進步獎非常設獎項：金針獎 · 名人堂已取消獎項：優秀流行歌手大獎 · 最優秀流行歌手獎 · 全國最佳歌手獎