現代健康科技

出自維基百科,自由嘅百科全書
(由現代美容跳轉過嚟)
跳去導覽 跳去搵嘢
Miss Joyce Tsang

現代健康科技控股有限公司,簡稱現代健康科技英文Modern Health care Technology Holdings Limited港交所0919),1986年由曾裕創立,而家嘅業務主要經營美容、保健、纖體等嘅行業[1],不過喺香港主要最為人知道嘅都係現代美容呢個品牌。總裁係李守義,喺香港中國內地新加坡都有業務。

歷史[編輯]

喺2020年2月,一直叫做「現代美容」改名做「現代健康科技控股」。[2]

政治立場同爭議事件[編輯]

創辦人曾裕係香港親中共派嘅支持者,曾經同民建聯立法會議員葛珮帆一齊幫公司拍廣告[3],又曾經強迫員工出席支持政改大會,引起非議。

強迫員工出席支持政改大會[編輯]

喺2015年5月11號,政改前夕,現代美容中心同佢哋公司主席曾裕旗下嘅身心美慈善基金,喺九龍灣國際展貿中心舉行千人政改方案大會,強迫過現代美容千名員工出席,連放假嘅員工都要現身,仲要唔可以遲到,逐一打卡做證,聽政制及內地事務局副局長劉江華硬銷「袋住先」。大會喺活動開始前,又向員工派發選民登記表同支持政改嘅簽名表格。大會期間,所有提問者嘅立場幾乎清一色支持方案,曾裕亦有喺台下發表外國勢力論,話外國勢力令香港發展綁手綁腳。有員工受訪嘅時候話對於被逼參加感到無奈;職工盟總幹事蒙兆達話政改大會同工作內容完全無關,員工有權拒絕出席,僱主亦唔可以因為員工拒絕參與而作出處罰或解僱。他又話,員工提供服務換取薪酬,但唔使連自己嘅政治信念都出賣,批評現代用飯碗迫員工參與政治活動做法無恥。勞工處就指若果活動屬工作,僱主必須畀放假嘅員工補假。[4]

參考[編輯]

  1. 現代美容控股有限公司資料 互聯網檔案館歸檔,歸檔日期2012-06-14.
  2. "財經新聞, 股市分析, 投資理財 | HKET經濟日報 | 投資頻道". invest.hket.com. 喺2021-01-04搵到.
  3. "美容天后曾裕 X 立法會議員葛珮帆之成功「密」語 - 事業篇 - YouTube". www.youtube.com. 喺2021-01-04搵到.
  4. "現代美容 強制千員工赴會撐政改 放假亦要現身 須打卡為證 | 蘋果日報". Apple Daily 蘋果日報 (中文). 喺2021-01-04搵到.