跳去內容

理察·葛瑞夫斯

出自維基百科，自由嘅百科全書
OBE
理察·葛瑞夫斯
（Richard Griffiths）
葛瑞夫斯喺《哈利波特系列電影》裡面嘅威農·德思禮。
出世理察·湯馬士·葛瑞夫斯Richard Thomas Griffiths
(1947-07-31)1947年7月31號
英國 英國約克郡蒂斯河畔索納比（英文：Thornaby-on-Tees）
死2013年3月28號(2013-03-28)（65歲）
英國 英國西密德蘭高雲地利
墓地英國 英國華威郡貝爾利（英文：Bearley）聖母瑪利亞教堂墓地
教育程度斯托克頓與比林厄姆學院
母校曼徹斯特戲劇學院（英文：Manchester School of Theatre）
職業演員
活躍時期1974–2013
配偶希瑟·吉普森Heather Gibson（1980–2013）
獎項東尼獎（英文：Tony Awards）、羅蘭士·奧利佛獎（英文：Laurence Olivier Awards）、戲劇桌獎（英文：Drama Desk Awards）、評論家圈外獎

理察·葛瑞夫斯，OBE（英文：Richard Griffiths，1947年7月31號—2013年3月28號）[1][2]係英國電視、電影同舞台劇男演員。佢憑住喺1987年嘅《我與長指甲（英文：Withnail and I）》入面做蒙堤叔叔，1994-1997年喺電視劇《難以實現的美夢（英文：Pie in the Sky (TV series)）》入面做亨利·克拉布，仲有2001-2010年嘅《哈利波特系列電影》裡面做威農·德思禮呢個角色而出名。

葛瑞夫斯憑住喺舞台劇《高校男生（英文：The History Boys）》而攞到東尼獎（英文：Tony Awards）、羅蘭士·奧利佛獎（英文：Laurence Olivier Awards）最佳戲劇男主角嘅殊榮。佢憑住2006年嘅電影改編作品《歷史系男生（英文：The History Boys (film)）》而攞到英國電影學院獎最佳男主角（英文：BAFTA Award for Best Actor in a Leading Role）嘅提名。葛瑞夫斯仲憑住佢喺皇家國家劇院（英文：Royal National Theatre）嘅演出而出名，包括2008年嘅《戀馬狂（英文：Equus (play)）》、2010年嘅《藝術的習慣（英文：The Habit of Art）》同埋2012年嘅《陽光男孩（英文：The Sunshine Boys）》。

喺葛瑞夫斯嘅職業生涯早期，佢曾經喺啲廣受好評嘅電影入面做配角，例如係1981年嘅《烈火戰車》同《法國中尉的女人（英文：The French Lieutenant's Woman (film)）》、1982年嘅《甘地傳》、1984年嘅《個人作用（英文：A Private Function）》、2006年嘅《維納斯（英文：Venus (2006 film)）》、2007年嘅《芭蕾舞鞋（英文：Ballet Shoes (film)）》，同埋2011年嘅《雨果嘅巴黎奇幻歷險》。佢亦有演出商業電影，例如係1991年嘅《白頭神探再顯神威（英文：The Naked Gun 2½: The Smell of Fear）》、1999年嘅《無頭谷》、2005年嘅《星際快閃黨（英文：The Hitchhiker's Guide to the Galaxy (film)）》、2008年嘅《魔法童話夜（英文：Bedtime Stories (film)）》，同埋2011年嘅《加勒比海盜：魔盜狂潮》。

葛瑞夫斯喺佢嘅職業生涯入面令佢攞到知名度同無數嘅榮譽，包括東尼獎（英文：Tony Awards）、羅蘭士·奧利佛獎同埋英國電影學院獎嘅提名，佢仲喺2008年攞到英女皇伊利沙伯二世頒授嘅OBE勳章。

2013年3月28號，葛瑞夫斯因為心臟手術嘅併發症過身[3] 。

早年生活

[編輯]

理察·湯馬士·葛瑞夫斯Richard Thomas Griffiths喺英國約克郡蒂斯河畔索納比（英文：Thornaby-on-Tees）出世，佢阿爸阿媽分別係湯馬士·葛瑞夫斯Thomas Griffiths（1915–1976），同埋珍·葛瑞夫斯Jane Griffiths（外家姓丹麥Denmark，1923-1969）。葛瑞夫斯嘅阿爸係個鋼鐵工人，亦都為咗賺錢而喺酒吧裡面打交；而葛瑞夫斯嘅阿媽被形容做「裝袋工」[4]。葛瑞夫斯有個家姐同兩個阿哥，不過佢哋喺葛瑞夫斯出世之前就喺BB嗰陣就夭折咗。葛瑞夫斯嘅阿爸阿媽都是聾人[5]，令到佢自細就精通英國手語。

葛瑞夫斯喺羅馬天主教徒屋企長大[1][6]，佢喺童年時期試過離家出走好多次。葛瑞夫斯15歲嗰時喺蒂斯河畔斯托克頓（英文：Stockton-on-Tees）嘅聖母和聖貝德學校Our Lady & St Bede School退學，仲喺Littlewoods（英文：Littlewoods）做過一排搬運工，不過佢嘅老闆最後都說服佢返番去校園[7]，之後佢決定去讀斯托克頓與比林厄姆學院Stockton & Billingham College嘅戲劇班[7]。佢喺而家叫做曼徹斯特戲劇學院（英文：Manchester School of Theatre）嘅曼徹斯特理工戲劇學院繼續接受戲劇教育[8]，而伯納·希爾（英文：Bernard Hill）喺同一時間亦喺嗰度讀書。

葛瑞夫斯喺８歲嗰陣接受咗腦下垂體嘅放射治療，噉樣令到細個嗰陣嘅佢睇落好瘦又細粒。呢種治療永久性噉樣減慢佢嘅新陳代謝，令到佢成世都要同肥胖嚟搏鬥[9]。

演藝生涯

[編輯]

葛瑞夫斯响畢業之後同佢哋嘅廣播劇公司贏到BBC嘅合約[10]。佢仲曾經喺劇院仔裡面做嘢，有時表演有時亦擔任管理嘅工作[11]。佢喺早年憑住同皇家莎士比亞劇團演出《一報還一報》裡面嘅龐培Pompey嘅角色，同埋《仲夏夜之夢》裡面做尼克·波頓（英文：Nick Bottom）嘅角色而贏到「莎士比亞小丑Shakespearean clown」嘅聲譽，仲繼續喺《愛的徒勞（英文：Love's Labour's Lost）》同埋《亨利八世（英文：Henry VIII (play)）》裡面做國王。佢最後定居喺曼徹斯特仲開始喺舞台劇入面擔任主角[4]。佢由嗰陣時起開始喺電視上面出現，然後喺1976年電影《這不該發生在獸醫身上（英文：It Shouldn't Happen to a Vet）》入面攞到重大突破。1980年代初，葛瑞夫斯被揀咗為早期陰謀驚慄電視劇《猛禽小隊（英文：Bird of Prey (TV serial)）》做主角，佢嘅角色亨利·傑Henry Jay喺1984年嘅續集《猛禽小隊２》入面又再出現[12]。

1981年，葛瑞夫斯喺BBC嘅電視劇《良心犯Prisoners of Conscience》入面做智利秘密警察受害者威廉·博西爾（英文：William Beausire），獻出咗１場令人難忘嘅演出[13]。佢跟住繼續喺幾齣主要電影入面擔任配角，包括咗《法國中尉的女人（英文：The French Lieutenant's Woman (film)）》、《烈火戰車》同《甘地》[14]。喺舞台劇上面，佢响1985-1986年喺舞台上面演出咗朱利安·米切爾Julian Mitchell嘅《阿依達之後（英文：After Aida）》入面威爾第嘅角色，嗰齣舞台劇喺威爾斯同埋倫敦嘅舊維克劇院（英文：The Old Vic）演出。跟住佢就喺《彼得兔和朋友們的世界（英文：The World of Peter Rabbit and Friends）》入面演出。

隨住湯姆·貝克（英文：Tom Baker）喺1981年退出咗《超時空奇俠》之後，葛瑞夫斯曾經被考慮演出博士（英文：The Doctor）呢個角色，不過最後都未能夠參演。如果嗰套劇喺1989年之後繼續播嘅話，噉佢嚟緊會又再強烈考慮做第８代博士嘅角色[15]。佢喺《銀河便車指南系列（英文：The Hitchhiker's Guide to the Galaxy）》嘅改編作品入面演出，仲幫《生命、宇宙及萬事萬物（英文：Life, the Universe and Everything）》嘅廣播改編版入面幫斯拉提巴法斯特Slartibartfast配音，仲喺《星際快閃黨（英文：The Hitchhiker's Guide to the Galaxy (film)）》電影版裡面扮演勃根人謝茲Vogon Jeltz[16][17]。葛瑞夫斯仲同阿當·桑迪拿一齊出現喺《魔法童話夜（英文：Bedtime Stories (film)）》裡面，仲用特邀嘉賓嘅身份出現喺《布偶聖誕節：給聖誕老人的信（英文：A Muppets Christmas: Letters to Santa）》裡面。

葛瑞夫斯喺當代同時代作品嘅電影角色包括：1983年嘅《高爾基公園（英文：Gorky Park (film)）》、1987年嘅《長指甲與我（英文：Withnail and I）》、1991年嘅《國王拉爾夫（英文：King Ralph）》同《白頭神探再顯神威（英文：The Naked Gun 2½: The Smell of Fear）》、1994年嘅《守護泰絲（英文：Guarding Tess）》，同埋1999年嘅《無頭谷》[18]。

葛瑞夫斯後嚟喺1994-97年電視劇《難以實現的美夢（英文：Pie in the Sky (TV series)）》入面飾演理想幻滅嘅警察兼非凡嘅餡餅廚師亨利·克拉布探長[12]，嗰個係特登為佢創造嘅角色。

葛瑞夫斯後嚟喺2000-2010年嘅《哈利波特系列電影》入面做哈利·波特嗰個苦澀嘅姨丈—威農·德思禮，佢喺嗰個系列嘅８輯電影裡面出現咗５輯，包括《神秘的魔法石》、《消失的密室》、《阿茲卡班的逃犯》、《鳳凰會的密令》同埋《死神的聖物1》[19]。

2007年，葛瑞夫斯出席第61屆英國電影學院獎（英文：61st British Academy Film Awards）頒獎典禮。

2004年，葛瑞夫斯喺尼古拉斯·海特納（英文：Nicholas Hytner）執導阿倫·班奈特（英文：Alan Bennett）嘅舞台劇《歷史系男生（英文：The History Boys (film)）》裡面首創咗赫克托（老師）呢個角色，嗰個角色令到佢榮獲2005年羅蘭士·奧利佛獎（英文：Laurence Olivier Awards）嘅最佳男主角[4]。嗰齣舞台劇喺美國演出嗰陣，佢攞到戲劇桌獎（英文：Drama Desk Awards）、評論家圈外獎（英文：Outer Critics Circle Awards），同埋東尼獎最佳舞台劇男主角（英文：Tony Award for Best Actor in a Play）[4][2][20]。葛瑞夫斯仲喺查理斯·狄更斯2005年《荒涼之家（英文：Bleak House (2005 TV serial)）》嘅劇集版本裡面長期露面[21]。2005年，葛瑞夫斯喺演出舞台劇《英雄》嗰陣，當１個觀眾嘅手機響咗３次之後，佢要求對方離開[22]。喺佢嘅職業生涯入面，呢類中斷而造成嘅觀眾注意力分散曾經發生過３次[23]。葛瑞夫斯後來同《哈利波特》嘅拍檔丹尼爾·域卡夫一齊喺倫敦吉爾古德劇院（英文：Gielgud Theatre）重演彼得·謝弗（英文：Peter Shaffer）嘅《戀馬狂（英文：Equus (play)）》，嗰齣舞台劇跟住就由2008年10月開始喺百老匯嘅布羅德赫斯特劇院（英文：Broadhurst Theatre）做短期演出，嗰齣舞台劇去到2009年2月就做完[24][25]。

2006年10月，葛瑞夫斯喺《歷史系男生電影版（英文：The History Boys (film)）》入面又再飾演佢嘅角色[26]。葛瑞夫斯喺2007年同佢嘅《哈利波特》拍檔愛瑪·屈臣同珍瑪·鍾斯（英文：Gemma Jones）一齊主演咗《芭蕾舞鞋Ballet Shoes》。

2009年晏啲嗰陣時，葛瑞夫斯喺國家劇院首映嘅《藝術的習慣（英文：The Habit of Art）》入面接替咗米高·甘邦做威斯坦·休·奧登，嗰齣舞台劇又再由海特納執導[27]。

葛瑞夫斯喺迪士尼嘅2011年電影《加勒比海盜：魔盜狂潮》入面做佐治二世[28]。佢冇幾耐之後出現喺電視劇《荒唐荷里活（英文：Episodes (TV series)）》嘅第１集入面做朱利安·布拉德嘅角色[29]。

2012年4月，葛瑞夫斯同丹尼·狄維圖一齊重演咗紐·西蒙（英文：Neil Simon）嘅舞台劇《陽光男孩（英文：The Sunshine Boys）》。嗰齣劇喺2012年4月27號响薩伏依劇院（英文：Savoy Theatre）做預演，仲喺同年5月17號開幕，仲做咗為期12個禮拜嘅有限演出季去到7月28號[30]，呢個亦都係佢最後演出嘅角色。

個人生活

[編輯]

1973年，葛瑞夫斯識到希瑟·吉普森Heather Gibson，佢哋兩個喺1980年結婚[31]，兩夫婦冇仔女。

2006年，葛瑞夫斯攞到提賽德大學（英文：Teesside University）頒授嘅榮譽學位，佢仲喺2008新年榮譽（英文：2008 New Year Honours）入面獲頒官佐勳章（OBE）[7][32]。

葛瑞夫斯係喜劇演員積·維賀（英文：Jack Whitehall）嘅契爺[33]。

過身

[編輯]

2013年3月28號，葛瑞夫斯因心臟外科手術之後出現嘅併發症而喺考文垂大學醫院（英文：University Hospital Coventry）過身，享年65歲[34]。

作品

[編輯]

舞台劇

[編輯]

年份舞台劇角色演出地點備註
1974一報還一報阿布霍森Abhorson／衛兵Guard皇家莎士比亞劇院（英文：Royal Shakespeare Theatre）[35]
暴風雨（英文：The Tempest）貢薩洛（英文：Gonzalo (The Tempest)）倫敦另一個宮殿（英文：The Other Palace）
1976–77錯誤的喜劇（英文：The Comedy of Errors）官員Officer皇家莎士比亞劇院
1976–77羅密歐與茱麗葉彼得Peter
1977公社的日子（英文：The Days of the Commune）梯也爾倫敦奧德域治劇院（英文：Aldwych Theatre）
1978暴風雨（英文：The Tempest）特林庫洛Trinculo皇家莎士比亞劇院
1978–79一報還一報龐培Pompey
1978悲慘而孤獨的死亡A Miserable and Lonely Death哥頓醫生Dr. Gordon倫敦道瑪倉庫（英文：Donmar Warehouse）
1983–84沃爾波內（英文：Volpone）沃爾波內Volpone倫敦另一個宮殿（英文：The Other Palace）
2004–05歷史系男生（英文：The History Boys）赫克托老師Hector倫敦皇家國家劇院（英文：Royal National Theatre）利特爾頓劇場Lyttelton Theatre
2006百老匯布羅德赫斯特劇院（英文：Broadhurst Theatre）
2008–09戀馬狂（英文：Equus (play)）馬田·戴薩特Martin Dysart
2010藝術的習慣（英文：The Habit of Art）費茲Fitz／威斯坦·休·奧登倫敦皇家國家劇院（英文：Royal National Theatre）利特爾頓劇場Lyttelton Theatre
2012陽光男孩（英文：The Sunshine Boys）艾爾Al倫敦薩伏依劇院（英文：Savoy Theatre）[36]

電視

[編輯]

年份劇集角色備註
1974 皇冠法院（英文：Crown Court (TV series)）傳譯員Interpreter第3.31集：脅迫：上集Duress: Part 1
村莊禮堂Village Hall瑞迪爾先生Mr. Ridealgh第1.1集：埃利斯先生與人們Mr. Ellis Versus the People
ITV劇場（英文：Playhouse (British TV series)）公園管理員Park keeper第7.2集：諾瑪Norma
1976 當船進來時（英文：When the Boat Comes In）P·C·普賴斯P.C. Price第1.1集：一塊適合英雄和白痴的土地A Land Fit for Heroes and Idiots
紅字日Red Letter Day窗戶清潔員Window cleaner第1.3集：好的，謝謝，星期四Well Thank You, Thursday
專家（英文：The Expert (TV series)）里普利Ripley第4.10集：受污染的錢Tainted Money
1977 第二城市優先Second City Firsts
唔清楚
第8.1集：脫腰帶的12人Twelve Off the Belt
ITV劇場（英文：Playhouse (British TV series)）董事會成員Board member第9.10集：這只是搖滾樂It's Only Rock 'n' Roll
1978 錯誤的喜劇（英文：The Comedy of Errors (musical)）官員Officer電視戲劇
斯威尼（英文：The Sweeney）羅尼·哈里斯Ronnie Harries第4.14集：積克或無賴Jack or Knave
1979 下午休息（英文：Afternoon Off）特恩布爾先生Mr. Turnbull電視戲劇
1980 無人完美（英文：Nobody's Perfect (British TV series)）森·賀柏Sam Hooper14集
1981 良心犯Prisoners of Conscience威廉·博西爾（英文：William Beausire）第1.1集：威廉·博西爾William Beausire
1982 隨護人員（英文：Minder (TV series)）德里克·法羅Derek Farrow集數：夢想的屋Dreamhouse
戰爭啟示錄（英文：Whoops Apocalypse）杜賓金總理Premier Dubienkin集數：設置太陽之心的控制Set the Controls for the Heart of the Sun
猛禽小隊（英文：Bird of Prey (TV serial)）亨利·傑伊Henry Jay4集
世界盃：隊長的故事（英文：The World Cup: A Captain's Tale）西德尼·巴倫Sidney Barron電視電影
五分鐘電影Five-Minute Films窗戶清潔工The Window Cleaner集數：清淡的小吃A Light Snack
溫莎的風流婦女們（英文：BBC Television Shakespeare#The Merry Wives of Windsor）法斯塔夫爵士Sir John FalstaffBBC莎士比亞電視系列（英文：BBC Television Shakespeare）嘅一部分
1983 埃及妖后（英文：The Cleopatras）托勒密８世（英文：Ptolemy VIII Physcon）３集
貝爾傑拉克（英文：Bergerac (TV series)）讓-皮埃爾Jean-Pierre第2.6集：一個鳥人的隕落Fall of a Birdman
1984 猛禽小隊2（英文：Bird of Prey (TV serial)）亨利·傑伊Henry Jay4集
1985 荒涼之家（英文：Bleak House (1985 TV serial)）貝漢姆·獾先生Mr. Bayham BadgerBBC電視連續劇
1986 磅（英文：Boon (TV series)）Boon西德尼·加布特Sidney Garbutt集數：溫室的人們Glasshouse People
1987 卡薩諾瓦Casanova紅衣主教Cardinal電視電影
菲茲Ffizz傑克·莫布雷Jack Mowbray12集
神射手The Marksman布朗Brown電視迷你劇
1988-90 一種生活A Kind of Living特雷弗·比斯利Trevor Beasley15集
1989 黃金之眼（英文：Goldeneye (1989 film)）二等海軍上將Second admiral電視電影
梅子，P·G·沃德豪斯的肖像Plum, A Portrait of P.G. Wodehouse佩勒姆·格倫維爾·伍德豪斯（英文：P. G. Wodehouse）聲演；BBC紀錄片[37]
1991 完美的惡棍（英文：Perfect Scoundrels）菲爾·科比Phil Kirby集數：殊，你知道是誰Ssh, You Know Who
1992 El C.I.D.（英文：El C.I.D.）韋瑟比Weatherby集數：沒有什麼事情是永遠的Nothing Is Forever
好人們（英文：The Good Guys (British TV series)）阿奇·菲利普斯Archie Phillips集數：向西走Going West
韋克菲爾德先生的十字軍東征Mr. Wakefield's Crusade搬運工Porter電視電影
1993 莫爾斯探長（英文：Inspector Morse (TV series)）卡農·漢弗萊·阿普爾頓Canon Humphrey Appleton集數：惡魔之日The Day of the Devil
愛的喜悅（英文：Lovejoy）漢斯·庫普曼Hans Koopman集數：他們叫我邁達斯They Call Me Midas
1993-95 彼得兔和朋友們的世界（英文：The World of Peter Rabbit and Friends）不同角色Various roles聲演；3集
1994 英雄的品種A Breed of Heroes布賴恩·比澤利Brian Beazely電視電影
1994-97 難以實現的美夢（英文：Pie in the Sky (TV series)）亨利·克拉布Henry Crabbe全40集
1998 紅色之中（英文：In the Red (novel)）傑費里·克萊頓-波特Geoffrey Crichton-Potter第1.3集
坎特伯雷故事集The Canterbury Tales土星Saturn聲演；集數：離開倫敦Leaving London
喂！離開我們的火車Oi! Get Off Our Train唔同角色Various roles聲演；電視短片
泰德與拉爾夫（英文：Ted and Ralph）派對上的地主Landowner at Party電視電影
1998-2000 無尾熊阿奇博爾德（英文：Archibald the Koala）阿奇博爾德Archibald集數：龍The Dragon
1999 蒂博雷的牧師（英文：The Vicar of Dibley）梅布利主教Bishop of Mulberry集數：春天Spring
2000 仇雲蓋堡（英文：Gormenghast (TV serial)）悶熱Swelter電視迷你劇；兩集
希望與榮耀（英文：Hope and Glory (TV series)）利奧·惠爾登Leo Wheeldon10集
2002 TLC（英文：TLC (TV series)）班尼迪·羅恩先生Mr. Benedict Ron
傑費里·阿徹：真相（英文：Jeffrey Archer: The Truth）韋德羅電視電影
2003 巴芙的新娘們（英文：The Brides in the Bath）愛德華·馬歇爾·賀（英文：Edward Marshall Hall）爵士電視電影
2005 塔樓中的王子們湯馬士·摩爾爵士電視電影
荒涼之家（英文：Bleak House (2005 TV serial)）貝哈姆·獾先生Mr. Bayham Badger兩集
2007 芭蕾舞鞋（英文：Ballet Shoes (film)）馬修·布朗「口香糖」叔公Great Uncle Matthew Brown "Gum"電視電影
2008 布偶聖誕節：給聖誕老人的信（英文：A Muppets Christmas: Letters to Santa）聖誕老人電視電影
2010 英國國家劇院現場（英文：National Theatre Live）菲茲／威斯坦·休·奧登電視戲劇：藝術的習慣（英文：The Habit of Art）
2011 佐治與伯納德·蕭George and Bernard Shaw伯納德Bernard集數：飛行員Pilot
劇集（英文：Episodes (TV series)）朱利安·布拉德Julian Bullard集數：第１集Episode One
2012 亨利五世（英文：Henry V (The Hollow Crown)）勃艮第公爵Duke of Burgundy電視電影

電影

[編輯]

年份電影角色備註
1977 這不應發生在獸醫身上（英文：It Shouldn't Happen to a Vet）森·博班特Sam Broadbent
1980 破碎的玻璃（英文：Breaking Glass）工作室工程師Studio engineer
超人續集恐怖分子３號Terrorist #3
1981 烈火戰車凱斯學院嘅搬運工主管Head Porter at Caius College
法國中尉的女人（英文：The French Lieutenant's Woman (film)）湯姆爵士Sir Tom
大時代（英文：Ragtime (film)）德爾馬斯嘅助理１號Delmas' Assistant No. 1
1982 不列顛尼亞醫院（英文：Britannia Hospital）性格開朗嘅伯尼Cheerful Bernie
甘地傳柯林斯Collins
1983 高爾基公園（英文：Gorky Park (film)）安東Anton
1984 格雷斯托克：人猿泰山傳奇（英文：Greystoke: The Legend of Tarzan, Lord of the Apes）比林斯上尉Captain Billings
私人宴會（英文：A Private Function）會計師the Accountant 亨利·阿勒代斯Henry Allardyce
1986 上海驚奇（英文：Shanghai Surprise）威利·塔特爾Willie Tuttle
1987 長指甲與我（英文：Withnail and I）蒙堤叔叔Uncle Monty
1991 拉爾夫國王（英文：King Ralph）鄧肯·菲普斯Duncan Phipps
白頭神探再顯神威（英文：The Naked Gun 2½: The Smell of Fear）艾伯特·S·邁因海默博士Dr. Albert S. Meinheimer
哈克伯爵Earl Hacker
1992 烏龍服務員（英文：Blame It on the Bellboy）莫里斯·霍頓Maurice Horton
1994 守護泰絲（英文：Guarding Tess）弗雷德里克Frederick
1995 有趣的骨頭（英文：Funny Bones）占·明堤Jim Minty
1997 華倫一家The Warrens
唔清楚
1999 無頭谷菲利普斯法官Magistrate Philipse
卡斯帕與幽靈Casper & Spooky
唔清楚
2000 烈愛灼身（英文：Vatel (film)）布爾德洛博士Dr. Bourdelot
2001 哈利波特：神秘的魔法石威農·德思禮
2002 哈利波特：消失的密室
2004 哈利波特：阿茲卡班的逃犯
美麗舞台（英文：Stage Beauty）第５任准男爵查理斯·塞德利爵士（英文：Sir Charles Sedley, 5th Baronet）
2005 星際快閃黨（英文：The Hitchhiker's Guide to the Galaxy (film)）勃根人謝茲Vogon Jeltz聲演
歐帕（英文：Opa!）蒂爾尼Tierrney
2006 維納斯（英文：Venus (2006 film)）當奴Donald
歷史系男生（英文：The History Boys (film)）赫克托老師Hector
2007 哈利波特：鳳凰會的密令威農·德思禮
2008 魔法童話夜（英文：Bedtime Stories (film)）巴里·諾丁漢Barry Nottingham
2010 國家劇院現場National Theatre Live：藝術的習慣（英文：The Habit of Art）費茲Fitz／威斯坦·休·奧登
白廳的長筒靴（英文：Jackboots on Whitehall）赫爾曼·戈林聲演
哈利波特：死神的聖物1威農·德思禮
2011 加勒比海盜：魔盜狂潮佐治二世
雨果的巴黎奇幻歷險弗里克先生Monsieur Frick
2012 皮斯弗爾大兵（英文：Private Peaceful (film)）上校The Colonel
2013 回到最愛的一天舞台劇裡面嘅辯護律師Defence Lawyer in play唔記名；
最後嘅電影角色；
過身之後發行。

獎項及提名

[編輯]

年份 得獎作品 頒獎禮 獎項 結果 參考
1981唔啱使克拉倫斯·德溫特獎（英文：Clarence Derwent Awards）最佳男配角Best Supporting Male獲獎[38]
2003哈利波特：消失的密室鳳凰城影評人協會獎Phoenix Film Critics Society Awards最佳集體演出Best Acting Ensemble提名
2005歷史系男生（英文：The History Boys (film)）羅蘭士·奧利佛獎（英文：Laurence Olivier Awards）最佳男主角（英文：Laurence Olivier Award for Best Actor）獲獎[39]
2006東尼獎（英文：Tony Awards）最佳戲劇男主角（英文：Tony Award for Best Actor in a Play）獲獎[40]
戲劇桌獎（英文：Drama Desk Awards）傑出戲劇男主角（英文：Drama Desk Award for Outstanding Actor in a Play）獲獎
評論圈外獎（英文：Outer Critics Circle Award）最佳戲劇男主角Best Actor in a Play獲獎
戲劇世界獎（英文：Theatre World Award）唔啱使獲獎
2007英國電影學院獎最佳男主角（英文：BAFTA Award for Best Actor in a Leading Role）提名[38]
倫敦影評人協會（英文：London Film Critics' Circle）獎年度最佳男演員Best Actor of the Year提名
克洛特魯迪斯獎（英文：Chlotrudis Society for Independent Film）最佳男配角Best Supporting Actor提名

註

[編輯]
  1. 1 2 Topping, Alexandra (29 March 2013). "Richard Griffiths, uncle to Withnail and Harry Potter, dies aged 65". The Guardian. 原先內容歸檔喺10 January 2014. 喺29 March 2013搵到.
  2. 1 2 "Potter and Withnail actor Richard Griffiths dies". BBC Online. 29 March 2013. 原先內容歸檔喺29 March 2013. 喺29 March 2013搵到.
  3. ↑ Gye, Hugo (29 March 2013). "Actor Richard Griffiths, 65, dies while undergoing heart surgery". Daily Mail. 喺29 March 2013搵到.
  4. 1 2 3 4 "Richard Griffiths". Telegraph. 29 March 2013. 原先內容歸檔喺11 January 2022. 喺31 March 2013搵到.
  5. ↑ Wadler, Joyce (June 11, 2006). "Richard Griffiths, Raised in Silence, Exults in Applause". The New York Times. 原先內容歸檔喺21 January 2023. 喺26 December 2020搵到.
  6. ↑ Laurence, Charles (4 October 2006). "Part 3 of Griffiths interview". Saga Magazine. 原著喺27 September 2007歸檔. 喺11 April 2008搵到.
  7. 1 2 3 "Teesside actor Richard Griffiths dies of complications following heart surgery". Teesside Evening Gazette. March 29, 2013. 原先內容歸檔喺4 June 2013. 喺29 March 2013搵到.
  8. ↑ "Alumni". The Manchester Metropolitan University School of Theatre web site. 原先內容歸檔喺20 June 2009. 喺26 December 2020搵到.
  9. ↑ "Falstaffian actor who could be comic and poignant all at once". 2 April 2013. 原先內容歸檔喺27 February 2022. 喺27 February 2022搵到.
  10. ↑ Michael Quinn (8 April 2013). "Richard Griffiths". The Stage. 原先內容歸檔喺25 December 2018. 喺24 December 2018搵到.
  11. ↑ "In pictures: The career of Richard Griffiths". BBC News. 29 March 2013. 原先內容歸檔喺28 July 2022. 喺24 December 2018搵到.
  12. 1 2 Spencer, Liese (28 June 1997). "The Full Monty". The Independent (英國英文). 原先內容歸檔喺29 December 2017. 喺28 December 2017搵到.
  13. ↑ Bird, John (2 October 1981), William Beausire, John Morgan, Richard Griffiths, Alison Key, 原先內容歸檔喺10 February 2017, 喺28 December 2017搵到
  14. ↑ Bruce Weber (29 March 2013). "Richard Griffiths, Falstaffian English Actor, Dies at 65". The New York Times. 原先內容歸檔喺25 December 2018. 喺24 December 2018搵到.
  15. ↑ "BBC Archive: Nearly Who". BBC. 原著喺16 April 2010歸檔. 喺25 December 2019搵到.
  16. ↑ Adams, Douglas (2005). The hitchhiker's guide to the galaxy radio scripts: the tertiary, quandary and quintessential phases. Maggs, Dirk., Hyman, Bruce., Chattwell, Helen., Above the Title (Firm). London: Pan. ISBN 0330435108. OCLC 58831947.
  17. ↑ Jem, Roberts (10 September 2015). The Frood : the authorised and very official history of Douglas Adams & the hitchhiker's guide to the galaxy. London. ISBN 9780099590767. OCLC 920836076.
  18. ↑ Oliver Lyttelton (29 March 2013). "R.I.P. 'Withnail & I' And 'Harry Potter' Star Richard Griffiths (1947-2013)". IndieWire. 原先內容歸檔喺25 December 2018. 喺24 December 2018搵到.
  19. ↑ Memmott, Mark (March 29, 2013). "Actor Richard Griffiths, Uncle Vernon In 'Harry Potter' Movies, Dies". NPR.org (英文). 原先內容歸檔喺29 December 2017. 喺28 December 2017搵到.
  20. ↑ Silverman, Stephen M. (March 29, 2013). "Richard Griffiths, Harry Potter Actor, Dies at 65". PEOPLE.com (英文). 原先內容歸檔喺29 December 2017. 喺28 December 2017搵到.
  21. ↑ Garfield, Simon (2005-10-09). "Richard Griffiths: 'I've always hated the way I look'". The Observer (英國英文). ISSN 0029-7712. 原先內容歸檔喺29 December 2017. 喺28 December 2017搵到.
  22. ↑ "Actor snaps over ring mobile". BBC News. 22 November 2005. 原先內容歸檔喺13 May 2007. 喺22 April 2007搵到.
  23. ↑ Burkeman, Oliver (30 September 2006). "A break in the clouds". The Guardian. London. 原先內容歸檔喺5 November 2013. 喺22 May 2010搵到.
  24. ↑ "Equus". London Theatre Guide (英文). 8 June 2016. 原先內容歸檔喺26 February 2019. 喺28 December 2017搵到.
  25. ↑ Brantley, Ben (25 September 2008). "Daniel Radcliffe and Richard Griffiths in Thea Sharrock's Revival of Peter Shaffer's Drama". The New York Times (美國英文). ISSN 0362-4331. 原先內容歸檔喺12 February 2009. 喺28 December 2017搵到.
  26. ↑ Weber, Bruce (29 March 2013). "Richard Griffiths, Falstaffian 'History Boys' Star, Dies at 65". The New York Times (美國英文). ISSN 0362-4331. 原先內容歸檔喺29 December 2017. 喺28 December 2017搵到.
  27. ↑ Iqbal, Nosheen (2 October 2009). "Michael Gambon bows out of Alan Bennett's The Habit of Art". The Guardian (英國英文). ISSN 0261-3077. 原先內容歸檔喺29 December 2017. 喺28 December 2017搵到.
  28. ↑ "Exclusive: Pirates 4 News From Rush". Empireonline.com. 原先內容歸檔喺31 January 2016. 喺29 June 2012搵到.
  29. ↑ "Richard Griffiths Joins LeBlanc & Mangan In Showtime/BBC's 'Episodes'". Broadwayworld.com (英文). May 12, 2010. 原先內容歸檔喺29 December 2017. 喺28 December 2017搵到.
  30. ↑ Kemp, Stuart (31 January 2012). "Danny DeVito to Make West End Debut in 'The Sunshine Boys'". The Hollywood Reporter. 原先內容歸檔喺1 December 2020. 喺26 December 2020搵到.
  31. ↑ Farndale, Nigel (25 February 2007). "Big unfriendly giant". The Telegraph. 原先內容歸檔喺11 January 2022. 喺29 March 2013搵到.
  32. ↑ "New Years Honours List". BBC News. 29 December 2007. 原先內容歸檔喺23 September 2021. 喺29 June 2012搵到.
  33. ↑ "Jack Whitehall reveals what his dad Michael is really like". Radio Times. 20 November 2013. 原先內容歸檔喺22 June 2016. 喺3 July 2016搵到.
  34. ↑ "Potter and Withnail actor Richard Griffiths dies". BBC News. BBC. 29 March 2013. 原先內容歸檔喺29 March 2013. 喺29 March 2013搵到.
  35. ↑ "Richard Griffiths theatre profile". www.abouttheartists.com.
  36. ↑ "DeVito praised for West End debut". BBC News. 18 May 2012. 原先內容歸檔喺21 January 2023. 喺2 February 2020搵到.
  37. ↑ "PG Wodehouse - Plum - Bookmark - BBC Documentary - 1989". BBC2. 原先內容歸檔喺2021-12-13. 喺14 November 2015搵到.
  38. 1 2 "Richard Griffiths". IMDb. 原先內容歸檔喺17 February 2022. 喺22 February 2020搵到.
  39. ↑ Gordon, David (March 29, 2013). "Tony Award Winner Richard Griffiths, Best-Known for the Harry Potter Films and Broadway's History Boys, Has Died". www.theatermania.com. 原先內容歸檔喺2 February 2020. 喺2 February 2020搵到.
  40. ↑ "Richard Griffiths". Playbill. 原先內容歸檔喺1 October 2020. 喺26 December 2020搵到.
由「https://zh-yue.wikipedia.org/w/index.php?title=理察·葛瑞夫斯&oldid=2458414」收