琳琅攝影店

 琳琅攝影店（粵拼：lam4 long4 sip3 jing5 dim3） （口語上可以嗌琳琅攝影舖）係中國廣東廣州一老字號舖頭，1947年由梁興霖同羅德崧等人夾手出錢辦，喺荔灣區第十甫路39號。佢曾經係荔灣區規模比較大嘅攝影舖。

間嘢早期嗌過琳琅攝影店，1956年因公私合營而變成公家舖頭，1957年試過將隔籬嘅美施、黑白、新善美等幾間攝影舖合併埋。文革期間受到剷除一切牛鬼蛇神嘅思想影響，舖頭被逼先後改名做紅旗攝影店同雄峰攝影店直到1973年先至打回頭。1985年1月14號同珠影搞合作而嗌成琳琅美容彩影，後嚟因珠影方成日唔得閒而未形成經濟實體，喺1990年5月12號恢復返琳琅自己一個經營。1997年擴業時改名做「琳琅法國婚紗攝影世界」。不過好景唔長，由於廣州市世紀婚禮服務中心從1998年開始，喺各區民政局嘅婚姻登記處搞營業點，重有啲舖頭將簡單嘅攝影棚搬入登記處，令業績大幅度下降而轉營畀其它機構。

連出去

• 倩影永留 广州市政协门户
• 琳琅摄影店历史故事【广州老字号传奇】 广州老字号