瑞典史

18世紀頭瑞典地圖

瑞典史可以追溯到北極冰層溶化後嘅遠古時期，公元前約12000年已有人類居住。直到10世紀後期，先開始有比較穩定嘅書面記錄。13世紀，瑞典初步有共同法律，開始逐步統一。14世紀尾加入咗卡爾馬聯盟，同丹麥、挪威合併，但之後不斷有反抗。1523年，孤士塔符渦沙登基，正式脫離聯盟，並建立路德教會。17世紀瑞典打贏咗多場戰爭，成為波羅的海強國。18世紀初，瑞典被多國圍攻，最終失去波羅的海部分領土，帝國式微。19世紀更失去芬蘭，最後一次打仗係1814年對挪威，勝出之後兩國聯合，直至1905年挪威脫離瑞典獨立。而自1814年起，瑞典保持中立，喺兩次世界大戰都冇參戰，並建立起現代嘅社會福利制度。