瑞士雞翼
瑞士雞翼係香港嘅一種滷水雞翼，雖然個名有瑞士兩個字，不過佢唔係源於瑞士或其他歐洲國家。呢種嘢食主要係用「瑞士汁」烹調而成，瑞士汁係一種以豉油、薑、蔥、冰糖同香料等食材調配而成嘅甜味滷水[1]。
名點嚟[編輯]
「瑞士雞翼」個名點嚟，有兩種講法[2]。
一個講法係，瑞士雞翼由太平館餐廳創辦人徐老高首創。而瑞士雞翼呢個名，相傳係一位外地遊客去到廣州太平館餐廳品嚐呢種甜雞翼。當佢問到一位伙計呢道菜式嘅名，伙計就用英文答佢話：「Sweet Wings」，不過因為語言上嘅誤會，遊客以為Swiss Wings係佢個名，因此衍生出瑞士雞翼呢個名。
另一個講法係一名外地遊客去到太平館餐廳食晏，食過雞翼之後話雞翼好甜（Sweet）。唔係好識英文嘅伙計聽錯，以為遊客話嗰啲雞翼有瑞士菜嘅味道，於是就用呢個名命名做甜味豉油雞翼菜式。