環王子 (巴塞隆拿伯爵)

出自維基百科,自由嘅百科全書
跳去導覽 跳去搵嘢
Ambox warning blue.svg
呢個人物係用緊西班牙人名:首姓或者父姓(即老豆個姓)係「波旁」,次姓或者母姓(即阿媽個父姓)係「巴騰堡」。
環王子
後生嗰陣嘅環王子

環王子(西班牙文:Infante Juan1913年6月20號1993年4月1號),全名環·卡洛斯·德蘭沙·蕭維里奧·阿方素·德波旁ー巴騰堡(西班牙文:Juan Carlos Teresa Silverio Alfonso de Borbón y Battenberg),係巴塞隆拿伯爵西班牙國王阿方索十三世第三個仔、環卡洛斯一世個老豆。

1913年,環王子響聖伊德方素宮出世,係西班牙國王阿方索十三世同王后維多利亞·尤金妮亞嘅第六個細路,第三個仔。

1931年,西班牙爆發革命,之後成立咗西班牙第二共和國,佢同老豆阿方索十三世流亡外國。1941年,阿方索十三世決定封佢為巴塞隆拿伯爵(但由於阿方索已經唔係國王,所以呢個銜頭冇效)。到1947年,佛朗哥宣佈恢復西班牙王室,咁佢先有得返去西班牙。

因為兩個大佬,阿斯圖里亞斯親王阿方索凱瑂王子,分別因為揀咗同平民結婚同埋耳聾,而放棄王室成員身份,同埋放棄自己兼後人嘅王位繼承權;而另一個大佬費蘭度王子就死產。所以環王子恃住自己有同王位相關嘅銜頭「巴塞隆拿伯爵」、「阿斯圖里亞斯親王」,響流亡期間一直宣稱自己有王位繼承權,仲更加畀人民視為係下任西班牙國王。

但係因為環王子係個自由主義者,佛朗哥驚佢作反、推翻自己,所以就以攝政王嘅身份繼續統治,遲遲唔肯將王位傳畀佢,環王子一直都淨係西班牙王室首領。直到1969年,佛朗哥改為指定環王子個大仔環卡洛斯係王位繼承人。佛朗哥覺得環卡洛斯響佢死後好有可能會繼承佢嘅獨裁作風。

1975年,佛朗哥走咗,環卡洛斯登基做國王。環王子兩年後放棄王位繼承權同親王銜頭,同時環卡洛斯一世正式封佢為巴塞隆拿伯爵。而親王銜頭就由環卡洛斯一世畀咗佢個仔菲臘

1993年,環王子響旁普隆納一間醫院走咗,終年79歲。之後阿仔環卡洛斯一世追封佢為「環三世」(即追封佢做西班牙國王,西班牙文:Juan III)。

屋企[編輯]

佢老婆係兩西西里公主瑪麗亞·德·拉斯·瑪科迪絲·德波旁ー兩西西里,兩個人響1935年結婚,有兩個仔兩個女: