生長素

吲哚-3-乙酸

生長素，植物激素一類，可以叫做植物生長調節劑，有形態發生素特性。植物生命週期中，協調多種生長行為有關鍵作用，植物體發育所必需嘅。

十九世紀二十年代知道有生長素。至先分離出吲哚-3-乙酸，其他有之後發現。

概覽

植物激素中至早發現。生長素植物各部分都有，但濃度差異好大。

濃度位置非常關鍵，代表發育訊息，會受到代謝、運輸兩方面嚴格調節，喺體內形成一啲濃度峰谷分佈模式，模式會引導各細胞進一步發育，影響植物整體發展。

分佈模式動態同環境反應，係植物生長關鍵因素，影響佢環境嘅反應，特別係器官，例如葉同花發育。分佈經非常複雜而且高度協調主動運輸達成。生長素分子喺植物體內，由細胞傳去另一細胞，稱為極性生長素運輸。

整體做到對外界條件作出反應，並且調節，唔需要神經系統。生長素通常會同其他植物激素協同或拮抗。例如，喺某啲植物組織入面，生長素同細胞分裂素比例，會決定形成根芽定係莖芽。

分子來講，所有生長素都含芳香環同羧酸基團化合物。生長素家族入面，最重要成員係吲哚-3-乙酸。完整植物中，佢產生大部分生長素效應，亦係最強效天然生長素。佢喺植物體內平衡，會以多種方式調節，合成、結合、分解等過程，一切都按實際需要調節。生長素做到對溫度敏感，影響植物表型發育。

• 已知五種天然生長素，即內源性，有吲哚-3-乙酸、 4-氯吲哚-3- 醋酸、苯乙酸、吲哚-3-丁酸、吲哚-3-丙酸。到目前為止，喺大部分認識，基本上都係以吲哚-3-乙酸為主。其餘幾種內源性生長素，就無咁重要。除咗內源性之外，科學家、製造商亦開發出合成化合物，有生長素活性。
• 合成生長素分四類
  • 麥草畏
  • 喹啉羧酸類，當中包括二氯喹啉酸
  • 吡啶甲酸衍生物，包括毒莠定、三氯吡氧乙酸、二氯吡啶酸
  • 苯氧乙酸、苯氧基丙酸、苯氧基丁酸、1-萘乙酸衍生物2,4-二氯苯氧乙酸、2,4-滴丙酸、 2,4-二氯苯氧丁酸、2,4,5-三氯苯氧乙酸、二甲四氯、二甲四氯丁酸、二甲四氯丙酸。

有啲合成生長素，例如2,4-二氯苯氧乙酸同2,4,5-三氯苯氧乙酸，以除草劑出售。

雙子葉植物即闊葉植物，單子葉植物即窄葉植物。闊葉對生長素敏感度高過窄葉。闊葉如蒲公英，就會敏感過窄葉草類、穀物作物好多。呢個特性，喺農業成為有效除草劑。

活動

生長素有助植物種種發育，細胞，器官，到整樖植物。

分子機制

當植物細胞接觸到生長素，會引起基因表達極大變化，好多基因都會上調下調。精確機制仍然係積極研究領域，但至少兩個生長素訊號傳導途徑，經已達成共識。