甲型流感病毒H7N9亞型

出自維基百科,自由嘅百科全書
Jump to navigation Jump to search
Wikipedia:點樣睇生物分類框How to read a taxobox
甲型流感病毒H7N9亞型
電子顯微照片
電子顯微照片
病毒分類
Group: Group V ((-)ssRNA)
正黏液病毒科
甲型流行性感冒病毒屬 Influenzavirus A
Series: 甲型流行性感冒病毒H7N9亞型
Influenza A virus subtype H7N9

H7N9英文Influenza A virus subtype H7N9,記作A(H7N9)H7N9)係一種甲型流感病毒,係禽流感病毒或禽流感病毒嘅一個亞型[註 1],因病毒喺鳥類嘅死亡率低,經基因洗牌傳畀人類感染後成為病發期短、重症率同死亡率都相對高過SARS嘅病毒[1]而引發社會注意。

H7N9原本屬於低致病性感冒病毒,淨係喺禽鳥間發現。2006年美國衞生部美國國家生物技術信息中心公開咗1988年發生喺美國明尼蘇達州嘅火雞身上第一個病毒記錄。2013年3月底,人類感染甲型流感H7N9病毒同病例喺上海開始陸續喺中國長江三角洲一帶嘅城市被發現[2],呢次係呢種病毒全球第一次感染人類,中國農業部獸醫師于康震表示:家禽、鴿中分離到嘅H7N9同患者分離出嘅病毒高度同源,嗰種病毒經基因洗牌後仍然感染雞、鴿等禽鳥,對家禽呈低致病力,感染後冇顯著症狀或大規模患病同死亡,重未發現豬感染該病毒(嗰種病毒喺活禽市場檢出率最高,喺養禽場重未檢出)[3],日本國立感染症研究所流感病毒研究中心主任田代正人話,H7N9病毒相對於其他禽流感病毒(如H5N1)較難追查,病毒喺禽鳥間傳播而唔易俾飼養者以至衞生部門及時發覺[4]

症狀[編輯]

H7N9禽流感病發3-5日內嘅症狀有發燒、少痰,同普通感冒類似;之後發展成肺炎,如果發燒5日依然未退,喺7-9日後會喺24-48個鐘頭內突發呼吸困難至衰竭,並併發心臟、肝臟、腎衰竭[5];喺現今死亡案例中睇出,由發病、重症到死亡過程大概7至11日[6],過程最短去到得5日。根據上海市疾病預防控制中心嘅信息,感染H7N9病毒並唔係全部都重症[7]

傳播方式同高危人群[編輯]

根據研究顯示,H7N9病毒會喺禽類中傳播,不過唔會令禽類出現症狀,而H5N1就會導致感染嘅禽類死亡,因此追蹤H7N9喺禽類中嘅傳播要更加困難。世界衞生組織認為,H7N9病毒「唔太可能」導致大流行[8],而目前,對確診患者嘅密切接觸者嘅醫學觀察,並無出現因此而被患者感染嘅情況[9]。但係國家衛計委有關專家表示,唔排除H7N9病毒存在有限「人傳人」嘅能力[10]

呢種病嘅傳染源推測為攜帶H7N9禽流感病毒嘅禽類同佢嘅分泌物或排泄物,傳播途徑推測為經呼吸道傳播、密切接觸感染嘅禽類同佢嘅分泌物或排泄物、直接接觸病毒或經受病毒污染嘅水而感染。中國國家衞生及計劃生育委員會認為,現階段高危人群主要係從事禽類養殖、銷售、宰殺、加工業人士,以及喺發病前1周內接觸過禽類嘅人。而中國疾病預防控制中心流行病學科學家曾光喺4月16號受訪時提到,而家有近四成患者冇明確嘅禽類接觸史,呢啲人到底係點樣感染到仍然唔清楚;年齡層方面,從確診病例來睇,50歲以上嘅病例佔78%,60歲以上病例佔71%,中老年人群係易感群體[11]

[編輯]

  1. 所謂「H7N9」係病毒名嘅縮寫,「H」指嘅係血球凝集素Hemagglutinin)、而「N」係指神經氨酸酶Neuraminidase),兩種都係病毒上嘅抗原名。佢嘅意思係:具有「血球凝集素(Hemagglutinin)第7型、神經氨酸酶(Neuraminidase)第9型」嘅病毒,因此,根據佢嘅結構類推,亦都有「H2N2」、「H5N1」等嘅流感病毒。血球凝集素共有1~16型,神經氨酸酶共有1~9型。

參考[編輯]

  1. "H7N9死亡率高於沙士". 香港大公報. 喺2013-04-06搵到. 
  2. "上海、安徽發生3例人感染H7N9禽流感確診病例". 中國衛計委. 喺2013-03-31搵到. 
  3. "農業部全面開展家禽疫情排查和病毒監測 多措並舉防控H7N9禽流感". 農業部新聞辦公室. 喺2013-04-07搵到. 
  4. "世衛專家稱禽流感H7N9較難查". 聯合國糧農組織. 喺2013-04-05搵到. 
  5. "疾控部門暫時排除H7N9人傳人". 新民晚報. 喺2013-04-06搵到. 
  6. "浙江前後三位感染者,確診時已是重症". 錢江晚報. 喺2013-04-06搵到. 
  7. 上海市疾病預防控制中心:感染H7N9病毒並非全部重症 上海4歲患兒基本康複[失咗效嘅鏈]
  8. "Chinese bird flu mutates". 3 News NZ. 2013-04-04. 
  9. "Human infection with influenza A(H7N9) in China". 世界衛生組織. 喺2013-04-04搵到. 
  10. "衛計委:不排除H7N9有限"人傳人"". 新京報. 喺2013-04-18搵到. 
  11. "全國H7N9感染者增至77人". 新京報. 喺2013-04-17搵到.