鬼佬

出自維基百科,自由嘅百科全書
(由番鬼仔跳轉過嚟)
跳去導覽 跳去搵嘢

(番)鬼佬粵拼gwai2 lou2)或者一般指白種人,係廣東話俗語,按字面理解,即係(外族嘅)半人半鬼[1],由於舊時廣東人觀念,認為白人大多數都係紅鬚綠眼,又或者源自19世紀因外國軍隊入侵中國,而產生「鬼佬」呢個詞[未記出處或冇根據]。連英文都有gweilo呢個詞。廣義啲嚟睇,各種非東亞人種都可以當係鬼佬,要準確區分時,會講白鬼

如此類推,白種人當中,女人叫(番)鬼婆細路仔(番)鬼仔,細路女叫(番)鬼妹……黑人黑鬼[2]

有好多粵語人口響公衆地方都一樣用「鬼佬」呢個詞,佢哋認為呢個稱呼冇貶義或者爭議[3]。「鬼佬」呢個稱呼有出現響香港嘅兒歌[4],當時都冇人認為有問題。

有啲白種人覺得鬼佬呢個稱呼係對佢哋嘅侮辱。重有根據香港法例,喺一個工作地方、學校、公共機構等,任何人如基於另一人嘅種族……作出唔受歡迎嘅行徑(可包括口頭或者書面陳述)……作出嗰個行徑嘅人即屬對第個人作出騷擾(原文:第602章 第7條 種族騷擾)。即係話如果對方唔歡迎或者唔鍾意呢個稱呼,叫佢「鬼佬」有可能會犯法。另一方面,而家有啲住響香港嘅西方人偶然會笑笑吓自稱「鬼佬」,呢點反映出思想開始變化,由當呢個詞係污蔑至入鄉隨俗。

官話[編輯]

一張大概印製響1899年義和團小册子,紙上稱外國人鬼子

官話中嘅鬼子同「鬼佬」同義,但係多數形容日本人,而且有唔友好嘅意思,如「日本鬼子」、「東洋鬼子」,電影《鬼子來了》即描寫抗日戰爭期間嘅事;而白種人就稱為「洋鬼子」。近年多咗用「老外」呢個比較友善嘅詞作為對白種人嘅稱呼,重有紅毛鬼子等等。

[編輯]

  1. Larry Feign. 鬼佬卡通.
  2. Oriental Expat. Gaijin, Farang, Gweilo - Confused? 互聯網檔案館歸檔,歸檔日期2006年11月9號,. 喺2006年12月10號攞
  3. Irene Yu. MP shouldn't generalize 互聯網檔案館歸檔,歸檔日期2007年3月12號,.. Richmond News. 2006年11月7日 - 於2006年12月10日存取
  4. 陳松伶嘅《烏卒卒》,係1992年兒歌金曲頒獎典禮獲獎歌曲