異色瞳

異色瞳

貓眼異色

單眼異色

異色瞳，即虹膜異色、虹彩異色，就話人眼核唔同色，雙眼唔同有，單眼內唔同有。

異色瞳本身並唔係病，純粹人身色彩變化。之不過，有啲病個病會出現異色瞳，為咗安全計，蘇蝦仔一出世有異色瞳，就至好搵眼科檢查下。絕大部情況都好正常，視力正常。

睇成病，就異色症一種，雙眼就叫虹膜異色症，單眼叫虹彩異色症，有完全唔同，有部份唔同，有中央唔同。異色症唔止眼，髮膚都可以有，同色素，亦即黑色素好有關係。佢點造點傳，同埋濃度決定。好多時純粹基因遺傳，但亦有遺傳出問題，例基因嵌合、嵌合體，或者患病，或者受傷，從而得到異色瞳。人有，某啲人養動物都有。

虹膜色水，千變萬化，知同基因有關，但外部都會令佢變。但過程係乜，依家都未搞清楚。千千萬萬，得兩隻色素搞出來，亦即黑色素同黃褐色素。唔同比例，各層唔同分佈，散射出唔同效果。祇唔有啲變化，就有異色瞳。

完全異色，兩塊虹膜色水完全唔同。部份異色，扇形異色咁，一段虹膜色水同其餘唔同。中央異色，瞳孔周圍有環，或者瞳孔輻射出異色尖刺。

推斷原因眾多，由家畜身上睇，其中一種主要。黑色素分佈，由8-HTP 途徑決定。而相關基因突變，通常出自染色體均質受損。 貓狗牛馬，呢啲成日近親繁殖好常見。但人類好少異色症，有異色症，原因同缺乏遺傳多樣性無關。

異色瞳出於色素過多過少。以人來講，眼生得黑色素多，虹膜增生，唔夠黑色素，就增生不足。

而異色瞳後天原因，好似患病、發炎、受傷、眼藥水整傷、腫瘤咁。

文化

中國記載得重瞳，唔見異色瞳，皆因絕大部人都深棕眼，並唔明顯，明顯睇出來好罕見。但都有一啲人有。

而西方色目多變，甚至為唔同色配上性格。淺色眼易啲睇出異色瞳。至早亞里士多得有講。有啲睇做迷人，有啲睇做邪惡。現代都有啲名人有，好似大衞寶兒咁，佢就後天畀人打傷，瞳孔肌肉唔能收縮，變咗異色瞳。呢種異色瞳，唔屬於色素變化。

異色瞳一眼睇出唔同，西方文藝作品有，日本文藝作品有，用來顯示天生異稟，出身唔同等等。二〇〇一年，文學比賽中，五分之一作品都有異色瞳。