發財巴

一架巴黎人發財巴

發財巴，又叫酒店穿梭巴士，係依家澳門好多酒店同賭場往返各個口岸、碼頭、景點、市區嘅穿梭巴士。

費用

大多數發財巴係免費，亦有部分酒店需要顧客消費先可以上車。

影響

正面影響

發財巴係免費，提供點到點服務，座位舒適，為旅客慳返唔少時間，亦可以彌補公共交通不足問題，為居民同遊客提供多一種交通選擇。

負面影響

• 澳門道路設施嚴重不足，好多路好窄，太多發財巴喺街上行走，好容易塞車。同時，各個口岸附近旅遊巴停車位亦因過量嘅發財巴而唔夠用。

• 當大量酒店落成而發財巴不斷增加路線同車輛去增加競爭力，需要大量聘請司機，賭場會增加司機人工，導致大量巴士司機轉職駕駛薪金較高嘅發財巴。因此造成公共巴士公司司機不足，被迫縮減公共巴士班次，巴士司機又唔使擔心無工開，導致服務態度質素變得較差，市民等車時間增加、巴士車廂內長期擠擁。

武漢肺炎

武漢肺炎封關導致大部分發財巴路線大幅減班，只提供往返酒店同關閘、橫琴口岸服務。