白曉燕命案

白曉燕命案，簡稱「白案」，發生喺 1997 年 4 月 14 日，係台灣司法史上其中一宗最重大的刑事案件。由於受害人之一係知名藝人白冰冰嘅女兒，加上三名加害人陳進興、高天民同林春生本身持有槍械彈藥，屬高度危險人物，作案手法極為殘酷，逃亡期間又多次同警方爆發槍戰，並犯下更多刑案，對當時台灣社會造成極大震撼。

白案唔單止係 1997 年影響台灣最大嘅單一事件，亦係 1990 年代台灣，甚至可以話係中華民國政府遷台以來，最嚴重嘅治安事件之一。根據台灣半官方機構「國策中心研究室」嘅研究報告，白案嘅影響層面，甚至觸及台灣嘅「修憲」，以及政黨政治同內閣政治之間嘅權責劃分。