白水寨

出自維基百科,自由嘅百科全書
公園正門
售票處門口附近
白水寨天池

白水寨粵拼baak6 seoi2 zaai6)係中國廣東廣州嘅一間大型公園兼中國國家AAAA級嘅旅遊區,2006年7月15號開園[1],位置喺增城區派潭鎮上九陂,355省道嘅K42+400~K43+500標記位。

呢間公園既係廣東地區,有齊原始森林、淺灘濕地同峽谷天池嘅罕見自然生態資源嘅公園。另外,中國大陸落差最大嘅瀑布[2][3]、中國大陸唯一用海船木整嘅親水棧道、及廣東第一條綠道[4][5]、全廣東最長嘅登山步道都座落喺呢間公園入面。

概況[編輯]

公園佔地面積大概170㎞²,入面有好多原始森林同座瀑布。山頂有2個水庫同好多座山,其中有9座山嘅海拔超過1000米。景區嘅空氣好清新兼超多負離子,根据權威機構中南林學院(今日嘅中南林業科技大學)鑒定過,山林嘅空氣負離子含量起碼到112500個/m³[6]。瀑布啲水係從山上個水庫流落嚟嘅。

景區[編輯]

天南第一梯
山水樂園
奇趣水谷
童話森林
會仙橋
沐雲亭景區,嗰度可以望到大範圍嘅派潭鎮。左邊原先有座亭,但喺2014年5月23號冧咗。
神仙溝地區啲溪流
仙源公園
七仙湖
白水寨綠道。佢係廣東首條綠道。
雙龍匯
喺觀瀑臺望出去瀑布同溪流嗰邊
瀑鳴臺
親瀑臺
沐瀑臺
山上啲瀑布
仙姑天池
山頂終點道路段,嗰5899級石級附近冇任何休息或補給站點、路燈等其它人性化設施響度。
天南第一梯嘅終點
山腳附近嘅湖

成間公園有14個景區,包括咗4個瀑布臺、1個天池同2間公園。其中景區嘅瀑布係中國內地落差最大,有428.5m咁高;座山主峰有828m,最高峰係牛牯嶂,海拔1084.3m。

指定景區 石級數 標記
山水樂園 0 R S 附近有綠道
天南第一梯 1
奇趣水谷 39
童話森林 99
會仙橋 299 R S 捷徑通去石梯899級位
雙龍匯 699
觀瀑臺 1299 S
瀑鳴臺 1499 S 第1650~1725級係懸崖路段
親瀑臺 2199 S
沐瀑臺 3299 要入岔道支線先有
神仙溝 3799 第3699~4099級有分岔
一條係平地森林路
另一條係梯級懸崖路
仙源公園 3899
仙姑天池 4099 X
終點 9999 X R 馬路可以去到:
白水寨水庫 七仙湖水庫
大豐門漂流 石門北天池
表註:
R——可以去到機動車道  S——有捷徑通去景區  X——挑戰體能路段
 ——海船木棧道經過位   ——山崖路仔經過位   ——有一部分景區路段唔重疊
 ——終極路段,終點位係個十字路口。  紫字:非白水寨景區,入去要重新畀錢。

白水綠道[編輯]

景區入口之前嘅一段道路,佢既係廣東第一條綠道——增城綠道嘅起始段,全長16km,兩邊有好多好靚嘅鄉村田園風光。路程分開咗機動車道同非機動車道,而且兩者唔相連。啱嗮jai2車同行路上山。

天南第一梯[編輯]

公園內最大特色景區之一,從山腳大門到山頂公路都有,全長6.6km,係廣東最長嘅登山步道。從山腳嘅起點到山頂嘅終點為止,一共有9999級樓梯,橫跨三座大山同連接兩大天池。

山水樂園[編輯]

山腳景區一景(石級數:0),入面用嘅係公園本身有嘅山石整出嚟,由於上邊有山水瀑布流落嚟,所以景區啲水涼而淨。

奇趣水谷[編輯]

山腳景區一景(石級數:39),入面有夢幻叢林、疊翠水城、得意嘅彩畫響度。中間有個平臺可以去到溪流中間。兩邊分別有樹屋,半佬重發現有會仙橋去到天南第一梯附近。

海船木棧道[編輯]

山腳到山腰景區一景(石級數:0~1499),全長2km,全程用厚而重嘅海船木,跟住瀑布同溪流、順住峽谷嚟整。佢既係中國大陸嘅一流精品工程景區,又係中國大陸唯一用海船木嚟整嘅棧道。

雙龍匯[編輯]

山腰景區一景(石級數:699),佢係睇瀑布最佳嘅其一位,個樣就好似山澗分隔開兩條「溪流」,最後跟住瀑布流落嚟匯合,形成片碧綠嘅水潭。兩條「溪流」嘅瀑布樣同廣州地鐵嘅撈稿差唔多樣。

觀瀑平臺[編輯]

公園有4個睇瀑布嘅平臺,分別係觀瀑臺(石級數:1299)、瀑鳴臺(石級數:1499)、同埋親瀑臺(石級數:2199),沐瀑臺(石級數:3299)。其中觀瀑臺附近有嚿石寫住「神龜游」三字,附近重有句對聯響度;瀑鳴臺係最佳負離子呼吸區,個瀑布好似個大絲簾噉掛喺半空;親瀑臺係比較接近瀑布嘅地方,水流從上到下好似從天而降嘅飛龍穿過崇山峻嶺噉;而沐瀑臺係距離瀑布最近嘅平臺,啲水從山頂衝落嚟,撞到山岩後產生好多水花,好似隻身喺水霧入面噉。

沐雲亭[編輯]

山腰近山頂景區一景(石級數:3699),係瀑布區域最高位。嗰度望出去,可以睇到好遠嘅景,甚至可以望到公園南邊大半部分嘅派潭鎮。原先山頂有座涼亭,但座亭喺2014年5月23號因為大發洪水而沖冧咗[7]

仙源公園[編輯]

山頂景區一景,之前係個水庫嘅水電站,而家屬白水寨公園嘅一部分,附近有個白水寨水庫同挑戰最終9999級樓梯嘅景區。

仙姑天池[編輯]

山頂景區一景(石級數:4099)兼仙瀑源頭,好似鑲喺好多座山嘅碧綠翡翠噉,有古仔話係何仙姑得道升仙時,因為成日掛住鄉下而留低嘅淚滴。景區實際係個水庫,啲水清到見底。附近山崖邊重有山泉仔啲水流到水庫入面。

七仙湖公園[編輯]

山頂景區一景(石級數:9999),主要有個靚嘅大水庫,同群山、森林相映,好似幅山水畫噉。

注意事項[編輯]

座山嘅地形比較複雜,加上部分區域嘅水流好急兼水比較深,所以上山時一定要注意:

  1. 必須要按公園入面嘅導航指引嚟行,唔畀入去未經園方批准而開發嘅景區道路。
  2. 唔好行到瀑布嘅出水口隔籬
    因為瀑布出水口嘅流量好大兼流速好快,有好大嘅吸力。
  3. 唔可以爬喺石頭上邊影相
  4. 唔可以喺非親水臺階附近玩水
  5. 山頂景區嘅4100~9999級石級範圍,喺每日08:30~15:00開放,過咗15:00唔畀入場,15:00之後重有人喺入面嘅要馬上落山。
    因為終點路段嗰5899級樓梯入面,冇士多、涼亭、路燈或廁所、休息室、路線導航響度(山頂景區附近有生死狀提示),行嗰段景區一定要做好完全準備先至得。否則一旦出事,好難有人可以幫到你。

交通[編輯]

巴士

  • 從化13:(從化汽車客運站開出):白水寨總站
  • 增16、增42:白水寨站、白水寨總站

自駕遊:

  • 從西向東:去到355國道嘅43.5km標記位轉左入去就到。
  • 從東向西:去到355國道嘅42.4km標記位轉右入去就到。
  • 高速公路最近出口:從莞深高速公路嘅灌村站出口。

飛同開放時間[編輯]

開放時間
  • 每日08:30~17:30,但到咗16:30就唔賣門飛入園。
  • 雖然17:30之後重可以喺山上逗留參觀,但太陽落山嗰時要全部清場。
  • 凡係大雨或暴雨、雷暴、刮颱風、龍捲風等惡劣天氣時會睇天氣而決定暫停開放或部分開放。
    掛咗暴雨警報信號或藍、黃、橙、紅色颱風警報信號其一,景區會暫停開放。
  • 成人票每位60。
  • 6<歲數≤18/全日制大學本科或以下學歷啲人:半票
  • 身高<1.2m嘅細路:免費
  • 年紀>60嘅老坑(要有個人有效身份證)/1.2m≤身高<1.5m嘅細路:半票
  • 想一年內無限次玩嘅必須要辦168嘅年卡先至得。

景區唔畀任何除特種車、軍車或山頂工作嘅專用車同公園內嘅電樽車外嘅汽車入場,但附近嘅綠道可以踹車。

[編輯]

  1. 吴珊 (2016-07-15). 水寨景区10岁了. 金羊网.{{cite news}}: CS1 maint: url-status (link)
  2. (簡體中文). 鳳凰網. 2014年7月28號. 原著喺2015年5月1號歸檔. 喺2016年6月10號搵到.
  3. 300米落差瀑布驚現增城.doc (簡體中文). 淘豆網.{{cite web}}: CS1 maint: url-status (link)
  4. 慶遊廣州:增城騎行遊綠道 二龍山上賞烏欖 (簡體中文). 廣東綠道.{{cite web}}: CS1 maint: url-status (link)
  5. 滿 (簡體中文). 新浪. 2010年1月18號.
  6. 城:森林溪流空氣好 有空多去走一走 (簡體中文). 新浪. 2007年4月13號. 原著喺2007年9月15號歸檔. 喺2016年6月10號搵到.
  7. 暴雨冲刷 广州北部多个景区 端午“请病假” 人民网 (2014-05-28)

連出去[編輯]

出面網頁[編輯]