白澤

白澤

白澤，古時中國話佢瑞獸，見到吉祥，可以辟邪。又話佢知好多神鬼嘢，而且曉講。黃帝叫佢畫晒出來，就成為後世講白澤圖，或者白澤精怪圖，用來辟邪。本來失傳，大唐敦煌抄本，後世又出土返一啲。

個樣流傳各有唔同，有虎首、有獅首，有龍身，有麒麟身。

無人知幾時開始有佢，文獻晉時葛洪寫抱朴子極言篇至早，但好可能去到上古山海經。唔止中國，日本、朝鮮、琉球都流行。日本故仔都會借用做角色，例如鬼燈的冷徹。

同麒麟、鳳凰等瑞獸一樣，君主德行高先至出現。大唐皇帝設白澤旗。

文獻

抱朴子先講黃帝。昔黃帝生而能言、役使百靈、可謂天授自然之體者也、猶複不能端坐而得道。喺佢事蹟，有句提到白澤。窮神奸則記白澤之辭。呢度講白澤去除奸邪。

大宋雲笈七簽收錄軒轅本紀，就話喇。

「

帝巡狩、東至海、登桓山、於海濱得白澤神獸、能言、達於萬物之情、因何天下神鬼之事、自古精氣為物、遊魂為變者凡萬物一千五百二十種、白澤能言之、帝令以圖寫之、以示天下

」

瑞應圖咁寫，黃帝巡於東海、白澤出、達知萬之情、以戒於民、為除災害。

白澤圖

白澤圖，傳說話白澤按黃帝要求，畫出一千五百二十種神鬼。中古好尊崇白澤，圖中名，有形貌，有驅除方術。好早供奉佢。白澤圖，或者白澤精怪圖，好鬼流行，家家一冊咁。有圖，一遇按圖索驥就搵到。

禪宗語錄

• 忌。有遭狐魅者。良久。家無白澤図。妖怪自消除。
• 不懸肘後符、何貼白澤圖
• 家無白澤圖、有如此妖怪

《白澤精怪圖》敦煌殘卷，法國國家圖書館收藏。