皂苷

龍葵鹼。皂苷化學結構

人蔘皂苷。皂苷化學結構Rg1

毛地黃。皂苷化學結構

桔梗。皂苷化學結構

海參素乙。皂苷化學結構

皂苷、皂甙，有機化合物一大類，時時喺草木之中，陸上維管束植物嗰類，荳呀、人參呀、茶呀等等，好常見㗎。中藥人参、遠志、桔梗、甘草、知母、柴胡，隻隻都有。唔祇草木，棘皮動物，好似海星、海參都有。有啲人類飲食無事，有啲就毒來㗎，會破壞細胞膜，可謂草木自衞化學武器。

佢結構多變，歸立唔出化學式。化學描述，首先皂苷配基，又叫皂素，稱為非醣部份。而醣就另一部份，兩者化合就成，合成叫苷叫甙，或者醣苷，日文稱為配糖體，後面苷甙間用。

皂講佢好似梘咁起泡，實情梘本身，就有呢種成份嘅。皂本來就指某種草。確實皂苷有咁用途，用來洗嘢，番梘又好，洗潔精又好，又或者造乳化劑。而苷甙兩字，都有個甘，就講佢有醣，屬醣類化合物。因此，茶、荳漿、參類飲品咁，喺樽搖佢會起泡，要放一段時間先消散，就係佢搞鬼。起泡屬性來㗎，唔代表變壞。

話雖有甘，實情味苦多，動物知道唔好食。結晶多數白色。

化學性質，親水兼親脂，所謂兩親性甙組合。要成為皂，親水親脂就好必要。醣苷親水，一個多個咁。三萜衍生物就親脂，醣苷配基，三萜類，或者螺旋甾烷類。

語源

英文Saponin，實情拉丁文來㗎。Sapon為皂，即番梘。而in，就指其一。