皇后大道東／軒尼詩道休憩處

名

一眼睇晒。左忠利集團大廈，右行人天橋連𨋢。

皇后大道東／軒尼詩道休憩處，香港一休憩處，喺正大佛口，忠利集團大廈則邊，另一邊行人天橋連𨋢。睇名就知夾喺兩條街之間，皇后大道東、軒尼詩道。實情佢喺三角地一窟，地方唔大，一眼睇晒，得個花圃邊畀人座。

皇后大道中嗰邊，有個巴士站，站名太古廣場三座。而軒尼詩道嗰邊，就對住軍器廠街電車站。

就近有香港警察總部、正義道軍營、太古廣場三座。軍營石牆，有封咗防空洞。

史

大佛洋行左方電車路，皇后大道轉入軍器廠街。呢段街口就係今日皇后大道東／軒尼詩道休憩處。當時未有軒尼詩道。

至初呢度喺海邊來嘅。後尾就填海。今日忠利集團大廈個位，開咗個街市。而休憩處個位，通向海開咗邊海旁東，或者下環海旁。舊時呢帶唔叫灣仔，叫做下環。當時灣仔指摩利臣山嗰邊。

街市個位，後尾變咗大佛洋行所在地，而休憩處個位就喺皇后大道路口，同軍器廠街相通，所以呢個位係真正大佛口。當時未有軒尼詩道，舊時電車由呢度轉入軍器廠街。

二十世紀二十年代，大興土木，就開咗軒尼詩道。後尾延長軒尼詩道，直出西面皇后大道，軍器廠街東移，休憩處笪地變咗三角地，皇后大道唔再直駁軍器廠街。好早就有呢個計劃，但二戰後先至實行。

一九六六年，呢度正式做咗休憩處，而且曾經有噴水池。二十世紀八十年代尾就起咗行人天橋。

設施

花圃

得個花圃，呈鵞蛋形，有壆位畀人座。呢度唔畀人食煙。