皖南事變又稱為新四軍事件，呢間嘅「皖南」即係指事變發生地區 —— 安徽南部，而新四軍則係指共產黨轄下，分別由葉挺、項英任正副軍長、袁國平任政治部主任嘅國民革命軍新編第四軍。
該事變發生於民國30年（1941年）1月4日 -1月14日，係抗日戰爭時期中國國民黨轄下嘅國民革命軍第三戰區部隊同新四軍之間嘅一次數萬人規模嘅中等衝突事件。事件中，新四軍所屬軍部兵力同皖南部隊遭受咗嚴重嘅損失。
