盛智文

出自維基百科,自由嘅百科全書
跳去: 定向搵嘢
盛智文

盛智文GBMGBSJPAllan Zeman1950年—)係香港海洋公園前任董事局主席,有「蘭桂坊之父」之稱。佢係德國出世嘅猶太香港人,2008年加入中國籍

生平[編輯]

盛智文七歲嗰時,阿爸過身,隨後同阿媽移居加拿大滿地可。佢十歲就識賺錢,十九歲加入時裝公司做嘢。1970年代初,由於工作關係要去香港,自此愛上香港。佢喺鄭經翰訪談節目《星期日大班》話佢嚟香港嗰時已經有一佰萬加元身家,但佢喺香港至係第一次置業,就係佢喺香港嘅第一個辦公室同住宅。

1981年前,盛智文感受到香港除咗酒店同餐廳之外,冇乜有特色又可以輕鬆傾生意嘅西餐廳,於是乎決定喺中環小街蘭桂坊開一間餐廳,叫「加利福尼亞」(California)。隨住不斷發展,蘭桂坊漸漸熱鬧,更成為香港重要嘅夜生活消閒區域。盛智文目前擁有蘭桂坊一帶七成業權,由於蘭桂坊由佢開始發展,令佢得到「蘭桂坊之父」嘅稱呼。

2001年,盛智文獲委任為太平紳士;2003年7月,獲委任為香港海洋公園董事局主席,改革公園嘅公司文化同加強競爭力;2004年,獲頒授金紫荊星章。同年6月8號,盛智文獲加拿大西安大略大學頒授榮譽法學博士學位。

2008年,盛智文放棄加拿大國籍,轉中國國籍,領取回鄉卡同香港特別行政區護照

2011年1月,盛智文為為新民黨嘅顧問之一,視為有分量嘅「政壇明星」。

2011年7月1號,盛智文獲頒授大紫荊勳章

2014年6月,政府宣佈盛智文唔再擔任海洋公園董事局主席[1],改由副主席孔令成出任。喺接受《南華早報》訪問嘅時候,盛智文話係香港政府迫使佢離任嘅[2]

參考[編輯]