盧文端
| 盧文端 | |
|---|---|
| 國籍 | 中華人民共和國  |
| 職業 | 政治人 |
| 政黨 | 民主建港協進聯盟 |
[改維基數據] | |
唔好同蔣文端搞亂。
盧文端，GBM，GBS，SBS，BBS，JP（1948年12月12號—）[1]，係香港商界親中陣營人士，前中國人民政治協商會議全國委員會香港地區委員、中華全國歸國華僑聯合會副主席、民主建港協進聯盟監委會主席[2]，佢係政商界福建幫三大元老之一（另外兩位係施子清、楊孫西）。
生平[編輯]
2008年，盧文端當選第十一屆全國政協委員[3]，喺政協制度下代表特邀香港人士，分入第五十三組。並擔任外事委員會副主任[4]。
政治立場同爭議[編輯]
盧文端一直以非常保守嘅親北京立場見稱，對美國亦持負面態度，就連標榜愛國，關心中國民主進程嘅支聯會，盧文端亦指控佢哋違反國安法，成員唔可以參政[5]。但佢嘅言論亦曾經引起一啲爭議。
被指違法恐嚇民主黨[編輯]
喺2021年3月，北京未經香港人同意或者事先諮詢，就大幅度削減立法會直選議席數目同比例，同時設立唔畀上訴嘅單方面政治審查制度。好多民主派都傾向唔參選，但係一啲聲音就認為例如民主黨嘅溫和民主派可以被接受。對於民主黨參唔參選，盧文端曾經多次發表言論威嚇民主黨，例如，佢喺8月23號，就喺《明報》觀點版撰文，話民主黨唔參選就係「死路一條」，等同對抗「新選舉制度」[6]，而去到9月6號，佢又再度發功，話民主黨如果阻止成員參選「等同挑戰及破壞選舉制度，或觸犯國安法第29條」，即「勾結外國或者境外勢力危害國家安全罪」[7]。
呢個說法亦引起咗一啲親泛民主派人士批評，例如學者梁啟智就公開質疑，呢種迫人參選嘅做法，違反香港法例第554章第8條[8]。
選舉經歷[編輯]
| 年份 | 參選界別 | 得票 | 當選 |
|---|---|---|---|
| 1996 | 工商、金融界 | 待考 | 當選 |
| 1998 | 工業界(第二) | 自動當選 | 當選 |
| 2000 | 工業界(第二) | 自動當選 | 當選 |
| 2006 | 全國政協 | 自動當選 | 當選 |
| 2011 | 全國政協 | 93 | 當選 |
| 2016 | 全國政協 | 自動當選 | 當選 |
| 2021 | 全國性團體 | 自動當選 | 當選 |
喺2021年9月，佢成為香港特别行政區選舉委員會委員(有關全國性團體香港成員的代表)[9]。2022年，佢喺李家超無提政綱嘅情況下，有份提名李家超參與2022年香港行政長官選舉[10]。
馬主生涯[編輯]
佢同細佬盧文烟喺1990年代加入香港賽馬會做馬主，名下賽駒包括石獅寶、榮輝之星、榮勝之星（盧文烟名下）、金沙寶、榮譽之星、榮威之星、福建王子、福建王者、福建精神、超速、超班（盧文端同埋盧金榮兩仔爺名下）。
勳銜[編輯]
睇埋[編輯]
參考[編輯]
- ↑ 〈中環出更：盧文端良駒美酒賀生日〉. 原著喺2017-01-11歸檔. 喺2017-01-12搵到.
- ↑ 〈主要負責人 | Main responsible persons〉. 《民主建港協進聯盟》 (繁體中文).
- ↑ 〈第十一届中国人民政治协商会议全国委员会组成人员名单〉. 《中国政协网》 (簡體中文). 2019年11月20號.
- ↑ 〈全國政協信息-盧文端〉. 《全國政協委員會》. 原著喺2019-07-30歸檔. 喺2013-04-11搵到.
- ↑ 〈全國僑聯盧文端：支聯會反共違國安法 泛民若想參選應盡快退出〉. 《立場新聞》. 2021-05-10. 原著喺2021-05-10歸檔. 喺2021-05-10搵到.
- ↑ 〈民建聯監委會主席盧文端撰文：民主黨杯葛不參選「死路一條」〉. 《獨立媒體》 (繁體中文). 2021-08-23. 原先內容歸檔喺2021-09-08. 喺2021-09-08搵到.
- ↑ 〈全國僑聯副主席盧文端再發功：民主黨倘阻成員參選或違國安法〉. 《獨立媒體》 (繁體中文). 2021-09-06. 原先內容歸檔喺2021-09-08. 喺2021-09-08搵到.
- ↑ 〈最近成日有人走出你話「你夠膽唔參選就點點點⋯⋯」，搞到我好懷疑香港法例第554章第8條係咪已經取消咗。明明仲響度吖⋯⋯〉. Facebook (英文). 原先內容歸檔喺2021-12-29. 喺2021-09-30搵到.
- ↑ 〈一文睇清1448名新選委全名單〉. 《香港文匯網》 (中文). 喺2022-08-11搵到.
- ↑ 〈一文看清李家超786張提名〉. 《信報網站 hkej.com》. 喺2022-09-02搵到.
- ↑ 〈根據《太平紳士條例》(第510章)第3(1)(b)條獲委任的人士(通常稱為非官守太平紳士)〉. 《[[香港特別行政區政府]]太平紳士》 (繁體中文).
- ↑ 〈二〇〇二年授勳名單〉 (新聞稿) (繁體中文). 香港政府新聞公報. 2002年6月30號.
- ↑ 〈二〇〇九年授勳名單〉 (新聞稿) (繁體中文). 香港政府新聞公報. 2009年7月1號.
- ↑ 〈二〇一六年授勳名單 附件：二〇一六年獲授勳銜及嘉獎人士的嘉許語〉 (PDF) (新聞稿) (繁體中文). 香港政府新聞公報. 2016年7月1號. p. 5.
- ↑ 〈二〇二一年授勳名單 附件：二〇二一年授勳名單〉 (PDF) (新聞稿) (繁體中文). 香港政府新聞公報. 2021年7月1號. p. 3.
出面網頁[編輯]
- 〈盧文端先生 大紫荊勳賢，金紫荊星章，太平紳士〉. 《團結香港基金》 (繁體中文).