真尼奧夸德羅斯

出自維基百科,自由嘅百科全書
Jump to navigation Jump to search
巴西總統夸德羅斯

 真尼奧夸德羅斯粵拼zan1 nei4 ou3 kwaa1 dak1 lo4 si1葡萄牙文Jânio Quadros葡文讀音:[ˈʒɐ̃niu ˈkwadɾus]1917年1月25號1992年2月16號)係巴西律師教授政治人南馬托格羅索州大坎波(Campo Grande)出世。曾經喺1953~1955年、1986~1989年間做過聖保羅市市長,1955~1959年間做過聖保羅州州長。

佢喺1961年1月31號上任巴西總統。面對前任如賽力諾庫比契克政府遺留落嚟嘅高通貨膨脹經濟,夸德羅斯顯然對此冇乜對策,甚至冇能力治理國家。嗰時嘅立法機關亦較為強硬,佢亦唔想提出立法機關能夠接受嘅計劃。佢任內推出嘅政策唔多,例如禁止賭博同禁止婦女喺沙灘比堅尼。另外,佢領導下嘅政府同時開始同蘇聯古巴建立外交關係嚟試下實現中立國際政策,但噉好快失去國會支持而落咗台。

夸德羅斯上任唔夠七個月,喺1961年8月25號辭去總統職務。嗰時嘅左翼副總統祖奧高拉特雖然拒絕佢嘅辭職請求,但高拉特嘅決定被國會立法機關否決,重接受夸德羅斯嘅辭職。由於嗰時高拉特喺中華人民共和國搞緊國事訪問,所以國會安排由下議院議長拉涅里馬兹利做代理總統直至高拉特返國後喺9月7號宣誓就任。