着色器

着色器（參見英文：shader）係電腦圖像上做彩現嗰陣時會用到嘅特殊功能：着色器係一大類演算法，用嚟俾 GPU 行嘅，亦可以包括執行呢啲演算法嘅程式，負責教電腦點樣處理物體嘅顏色、光暗同質哋，達致設計者想要嘅效果；用低層啲嘅語言講，圖像數據通過彩現管道嗰陣，着色器會對數據做一啲操作，達致想要嘅效果。

一覽

諸多圖像軟件都會配以功能俾用家設定着色器。喺 Blender 之中，用家可以用節點圖噉嘅方式嚟編撰模型用咩着色器，隻軟件有 BSDF 呢個基本着色器節點，有齊晒基本顏色、金屬度、粗糙度、折射率、透明度、發光度同埋等嘅基本設定。