矢車菊

花

矢車菊、藍芙蓉、車輪花、矢車草，草木一種，開花植物來㗎。話佢個款由箭圍成轆，日本一種風車形。佢歸菊科矢車菊屬，原產歐洲。舊時同穀物一齊生，小麥、大麥、黑麥、燕麥中間，當成雜草，英文意思穀花，大清又譯翠蘭花、藍穀花。

農業精耕，過度用除草劑，原生棲息地經已瀕臨絕種。不過，佢喺世界某啲地方，都歸化成本地草，有北美洲、澳洲部分地區。

呢隻花可謂青色來源，學名指佢深藍，可以做色素。而花青素中，亦有隻矢車菊素。

描述

美國華盛頓州見到

藍矢車菊一年生植物，長到廿到公分高，灰綠分枝莖。葉披針形，長三到十公分。 花濃藍，花序直徑一公分半到三公分，排成環，由幾個大、擴散小花組成，圍繞中央盤小花羣。藍色料叫原花青素，佢令到玫瑰紅色。 果長三公釐半，冠毛長兩三公釐。成個夏天都開花。

分類

一七五三年，林奈定佢學名Centaurea cyanus，深藍意思。歸菊科矢車菊屬。佢無公認亞種，但有成廿一個異名。

遺傳

佢二倍體，2n = 24，遺傳多樣性高，但可能會下降，現代密集農業拆散捿息地。佢自交不親和。但偶爾會自花授粉，不過咁會導致近親繁殖衰退。

名

矢車菊屬拉丁名Centaurea ，源自希臘文κένταυρος，意思係半人馬。種名cyanus ，古希臘文κύανος ，意思深藍，講佢花色。

棲息地分佈

原產溫帶歐洲，喺世界其他好多地方歸化咗，好似女北美同澳洲部分地區咁。初時引入花園做觀賞植物作物。又喺榖物種籽之中，混咗佢啲入去。

鐵器時代就引入英國、愛爾蘭，古歸化種。但英國五十年間，搵到地方大幅減少，淨得三處 。

努力緊由從邊緣帶佢返來。

愛爾蘭島耕地入面，變到非常罕見甚至幾乎絕種， 以前東北部到處見到。

生態

耕地雜草

耕地作物可謂有害雜草，特別係穀物同芥花籽。 冬麥入面，一平方公尺有佢一樖，會導致每公頃損失卅公斤。佢一樖生八百籽，穀物收成前無耐先甩，同穀物一齊打出來，機械收成畀作啲種混咗落去，進一步傳播呢隻物種。過去幾十年，佢大幅滅少，皆因清理種籽更精良，施氮肥、除草劑更密集之故。但係，由於輪耕以冬榖同油菜籽為主，用咗選擇性高除草劑，咁對矢車菊效果低咗，所以農田中又常見返。另外，佢對除草劑級磺酰脲有抗性。由於根好強，春天好難用機械控制。

昆蟲雀鳥飼料

矢車菊上面蜜蜂

有好幾種昆蟲傳花粉。膜翅目、雙翅目昆蟲特別受佢吸引。

由於自交不親和，需要外部授粉。花蜜非常甜，糖分含量高達三成四。一日一花產生高達五分一公絲嘅糖，深受養蜂人喜愛。

紅額金翅雀中意食佢啲種。

控制昆蟲害蟲

佢放揮發性物質，吸引中紅側溝繭蜂呢種寄生蜂，甘藍夜蛾主要天敵。甘藍夜蛾，係中歐甘藍大害蟲。甘藍田種矢車菊作為伴生植物，代替殺蟲劑。甘藍田，一平方公尺種一樖矢車菊，顯著提高甘藍夜蛾幼蟲寄生率、甘藍夜蛾卵捕食率，例如畀鞘翅目甲蟲或蜘蛛捕食，並最終提高甘藍產量。

種植

花

有栽培品種種到唔同色，紫有粉紅有，可以觀賞。加拿大亦種來做切花，花舖用。雙藍種最常用，好似藍男仔、藍冠咁，但白色、粉紅色、薰衣草色、好深橙色嘅黑色，亦都有用，用得少啲咁。

繁殖目標

同其他觀賞植物一樣，要誘導表型變異，例如花色、大小、形狀、枝葉、高矮咁，同埋更高產花量、抵抗害蟲疾病力，重有耐熱耐寒耐旱耐鹽等，呢啲非生物壓力。

土壤、氣候要求

要全日照，土壤酸鹼中性到溫和鹼性，即六度六到七度八之間，泥濕、排水好。不過一但紥根就幾耐旱。

播種

夏天開花植物，播種喺春末。但溫和氣候下，初秋播種都得。咁會喺下個春天開花。間隔大約二三十公分。深十公分發芽都得，但最好深一公分。播種後好快發芽。

施肥、種法

仲夏施高磷肥，會增加花量。要添覆蓋物，防止泥乾、直暴日照下。

害蟲、疾病

並不容易受到害蟲同植物病害嘅影響。但如果種植過密，可能會受到莖腐病同莖鏽病嘅侵襲[1]，或者受到白粉病嘅影響[2]。此外，蚜蟲同葉蟬亦可能對 Centaurea cyanus 造成相當大嘅損害

佢唔易受害蟲同植物病影響。但係種得密，會受到莖腐病、莖鏽病侵襲 ，受到白粉病影響。此外，蚜蟲、跳葉蟲會傷到佢。

種子收成

用手收籽，農耕亦可以用收割機。一磅矢車菊種子，有九萬七千粒。

手收費時，收益都幾低。

種子收割機有效率，但成本高。呢種機器主要原理，將成熟種籽由植物度刷走，產生交叉流動風扇，出夠氣速，收集到種子堆入面。

剪枝

去頭會生多啲花。觀賞矢車菊，切開佢哋，直至第三片葉，咁會多啲花朵，生大啲莖。

用途

烹飪

生花瓣裝飾士多啤梨雪糕

花可以生食、乾食、煮熟食。乾花瓣用喺食物入面，好似香料咁。主要為食物添色。有啲芝士、食油有生花瓣。沙律放花瓣，生又得，乾又得，做飲品、甜品裝飾。

乾花瓣可入茶入飲品。藍矢車菊花瓣，有時係灰夫人茶成份。

藥

有多種藥理活性化合物，好似類黃酮、花青素、芳香酸。花頭最常用做草藥，葉、種子都有藥用功效，但用得少。

花頭提取物抗炎用，治療輕微眼炎。有抗壞血酸、酚類化合物，抗氧化力強。此外，花頭同其他部分提取物，有槲皮素、木犀草素、咖啡酸衍生物，所以有保護胃部功效。

色料

百獸藍嘅藍色係因為原青素，一種花青素顏料，亦都喺玫瑰入面發現。提取嘅唔同花青素係用嚟做食品嘅天然添加劑，例如酸奶。

佢啲藍出自原花青素。呢種花青素色素，玫瑰入面發現。提取出唔同花青素，可以作做天然食品添加劑，例如用喺乳酪等食品。

植物修復

此外，可以做植物修復，處理鉛污染土壤。種埋球囊黴目真菌同假單胞菌屬細菌，可以顯著提高佢生物量同吸鉛力。

文化

愛沙尼亞基拿徽上矢車菊

民間傳說有話，矢車菊由戀愛中年輕人戴。花褪色太快，個男人愛未得回應。

藍矢車菊係德國象徵之一 有段故㗎。普魯時王后露依莎逃離柏林，畀拿破崙軍隊追趕。佢將對仔女藏喺矢車菊田入面，用花織花環，令佢哋靜。因而種花如同普魯士，唔止咁，佢同普魯士軍服色一樣。 一八七一年德國統一，成為整國象徵。呢個原因，喺奧地利，藍矢車菊係泛德同右翼思想政治象徵。二十世紀卅年代，係個秘密符號，識別奧地利當時非法納粹黨成員。自由黨成員二〇〇六年喺奧地利議會開幕時都戴住佢 二〇一七年大選後，用雪絨花代替。

露依莎個仔威廉一世最鍾意隻花。 由於佢同皇室有關，提奧多亞芬坦拿等作者，用佢做象徵，通常係諷刺，評論當時社會、政治氣候。

矢車菊係德國浪漫象徵藍花靈感來源。

藍矢車菊一九六九年成為愛沙尼亞國花，象徵日常麪包。亦係保守人民黨象徵。

佢又象徵白俄羅斯、白俄羅斯民族。反映白俄羅斯人開放而真誠，喺地球上地位。

佢又象徵芬蘭國家聯盟黨、瑞典自由人民黨嘅。廿世紀初起，象徵社會自由主義。

畫

• 
• 
• 
• 
•