雕像
(由石像跳轉過嚟)
 | 呢篇文 需要熟悉呢方面嘅人幫手寫。 |
雕像，粵拼：diu1 zoeng6，又或者叫塑像，係指能夠獨立企到喺度嘅雕塑作品，相對於雕喺牆等嘅平面上嘅浮雕。古典嘅雕像，多數都用特定嘅事物做主題，譬如係人或者動物噉。
概論
[編輯]内文：雕塑
雕塑屬於創作三維物體嘅視覺藝術，相對於例如創作二維圖像嘅畫畫。
傳統上，以下係創作雕塑嘅常見做法[1]
一般而言，雕塑作品可以分兩類：雕像同浮雕；前者係指能夠自己企到喺度嘅雕塑作品，例如係舉世聞名嘅《思索者》噉；而後者則係指喺牆等嘅平面上雕出嚟嘅雕塑。
物理
[編輯]睇埋：牛頓力學
製作雕像會用到力學概念。
例如力學平衡噉。力學平衡係力學上嘅重要概念。如果話某件物體達到力學平衡，即係話作用喺佢度嘅淨力等如 0。根據牛頓第二定律，淨力係 0，靜止嘅物體就會保持靜止[2]。對於雕塑家嚟講，力學平衡有一定嘅重要性，因為佢哋好多時都會希望件作品唔使靠支撐物都可以企得穩陣，而好多人都認為支撐物會影響美感[3]。
例如係下圖噉，座雕像位於西班牙馬德里，描繪菲臘四世騎住隻馬，屬於青銅像。呢座雕像係一六四零年整好嘅，正常情況下應該會向前跌，但係製作人員用咗一個當時前所未見嘅方法嚟解決呢個問題：佢哋將隻青銅馬嘅密度分配得唔平均，隻馬嘅後腳同尾部用實心嘅青銅嚟造，而頭同前半身就用薄嘅空心青銅，據講個馬喺頭外殼嗰度得返大約 2 毫米咁薄。噉做令到下半身明顯重過上半身，最後成功令個雕像企得穩陣[3]。
睇埋
[編輯]
引述
[編輯]- ↑ 4 Basic Sculpture Techniques.
- ↑ John L. Synge & Byron A. Griffith (1949). Principles of Mechanics (2nd ed.). McGraw-Hill. p. 39.
- 1 2 Structures in sculpture. IDOM.