石硤尾

出自維基百科,自由嘅百科全書
Jump to navigation Jump to search

石硤尾(硤讀劫,英文Shek Kip Mei或者Shek Kip Mi),又叫做石峽尾,係香港新九龍一笪地方,響煙墩山南面山腳。石硤尾南面係深水埗,北面係大窩坪,西面係白田,東北係又一村,東面係大坑東,佢東南有座山隔開九龍塘

[編輯]

石硤尾以前叫夾石尾[1]。至於「夾石尾」同埋石硤尾個「硤」點解,就唔係咁清楚。

1940年代尾,因為國共內戰,難民就由大陸來到香港,開咗條石硤尾村響山邊一個涌谷尾。條村靠返東面山邊條涌,個置就係南昌街打上,巴域街以北個位置。條村一直伸上谷。佢西便有白田村。當時基本上成個香港九龍市區,全部山邊都係起搭晒屋。皆因香港二次大戰過咗無耐,好多樓都炸平,屋少人多,租金自然好貴,所以難民都響山邊用一條條木搭屋。但係一火燭就好大件事。

1952年11月21號,石硤尾村大火,一燒燒300幾間屋,影響到4000人。而出名嘅石硤尾大火就響第二年,1953年12月24號出現。隔籬條白田村火祝,一燒燒六粒鐘,石硤尾六條村都燒清光,五萬人就算甩難都要瞓街。佢哋迫住響街邊牆邊搭個棲身之所。香港政府決定開徒置區,起屋平租畀災民住。石硤尾徒置區就由窩仔街開始起,頭八棟係聯合國捐錢起嘅。之後呢個徒置區就變成石硤尾廉租屋邨,即係今時今日嘅石硤尾邨

參攷[編輯]

  • 梁炳華:《深水埗區風物誌》,深水埗區區議會,2012年6月