石頭

出自維基百科,自由嘅百科全書
跳去: 定向搵嘢
石頭一嚿

石頭、或者岩石係一隻或幾隻礦物黐黐埋埋,結合成嘅一嚿嚿固體,天然嘅石可以大體分成三種:火成岩沉積岩變質岩地球嘅最外層(地殼)就係石頭嚟。

分類[編輯]

石頭(輝長岩)一嚿

地質學上,石頭跟佢哋含礦物質、化學成分、花紋粗幼、紋理走向、形成過程嚟分類。可以分成火山岩、沉積岩同變質岩。而跟嚿石裏面粒粒嘅大細(grain size)嚟細分,火山岩細分做苦欖岩玄武岩安山岩花崗岩粗面岩響岩脈岩。沉積岩分做頁岩砂岩石灰岩生物岩化學岩。而由一隻岩石類型變到另一隻嘅叫做岩石週期

火成岩係由岩槳凍咗之後形成嘅、沉積岩就係啲石頭、沙、冰川移郁、沉底、積積埋埋形成嘅,有時啲沙石撈埋其他嘢;好似生物嘅屍體都會留低痕跡、甚至成棚骨變成石頭,呢啲就係化石。變質岩就係因為地質活動,啲石頭受到大壓力、高溫度令佢喺物理化學上變咗質而形成嘅。

石頭同文明[編輯]

石頭對人類文化同科技有好大影響。早喺二佰萬前,智人homo sapiens)同原始人類已經識得攞啲石頭用嚟做架生武器。直到今時今日,人繼續用石頭嚟整嘢,採礦就係將啲含金屬嘅沙石掘出嚟,提煉金屬出嚟。一笪地方有幾先進就是乎附近有冇同有啲乜石頭可以攞嚟用喇。

文明史將史前分做石器時代青銅器時代鐵器時代火石用嚟點火同造斧頭。雖然喺地球上石器時代嘅文明已經冇晒,石頭繼續用喺起同基礎設施。重係而家好多好重要嘅物料,麻石加工過嘅玄武岩,有磁石就係由種沉積岩提煉出嚟,喺一啲沉積岩嘅窿窿罅罅就有天燃氣石油。而玉石翡翠)喺高溫低壓下形成嘅變質岩處搵倒。重有鑽石雲石都係。而起樓用得最多嘅石屎,原材料都係石頭度嚟。

人造石[編輯]

而家人類可以「石頭」出嚟。呢啲石都係裝修物料,現時叫人造石可以係亞加力高分子氧化鋁合成廚房檯面(Corian 或者 Staron)或者係石粉或碎石加樹脂嘅石板[1]

睇埋[編輯]

參攷[編輯]