磁帶

舊式錄音帶

舊式嘅單軸電腦磁帶

卡式錄音帶

VHS 錄影帶

而今用嘅新式電腦磁帶

磁帶（英文：magnetic tape）主要係一種記錄用嘅存儲媒體，條帶本身係一條好薄嘅長條形塑料，上面搽咗一層磁性物料，磁性物料通常係氧化鐵，即係鐵銹。

最初嘅磁帶係捲住喺一個圓形捲軸，用嘅時候要用第二個空嘅捲軸輔助。卡式錄音帶就將磁帶捲喺兩個捲軸，同將捲軸同磁帶一併收埋入一個長方嘅膠盒入面（｢卡式｣ 係譯音，意思係盒式），同喺盒上面加咗防寫裝置。卡式錄音帶淨係用磁帶嘅一半闊度，所以可以反帶用第面，第啲盒式帶就冇咁嘅事。

磁帶嘅工作壽命主要視乎使用方式而定。

磁帶初期用來錄音，後來用來做電腦資料儲存，再後來有用來錄影，而今磁帶嘅用途主要係喺資訊科技界用來做備份。

喺粵語，磁帶通常係指電腦磁帶，其他磁帶會按用途叫錄音帶或者錄影帶。