人類智能嘅進化

人類智能嘅進化係智能同動物認知相關研究上嘅重要議題：人類嘅高智能喺動物界好罕見，因此有好多科學家都覺得好奇，想知人類呢種獨特能力係點進化出嚟嘅；研究呢個課題嘅科學家會用多種方法，研究人類喺佢哋嘅進化史上經歷過乜嘢有別於第啲動物物種嘅壓力，而呢啲經歷點樣導致人類進化出高嘅智能。^[1]

社會腦假說

喺廿一世紀初對人類智能嘅進化嘅研究當中，其中一個最受人採用嘅假說係社會腦假說^{[註 1]}。呢個假說由英國人類學家羅賓鄧巴^{[註 2]}提出。

根據呢個假說，人類之所以會進化出高度嘅智能，唔係因為要解決佢哋喺所住嘅生態系中遇到嘅問題，而係為咗喺大又複雜嘅社會當中生存^[2]：隨住早期人類開始聚埋一大羣生活，人每日都要應對好多人際關係，要記住大量資訊，例如係邊個邊個同首領關係好，要攀附，或者邊個做過好多壞事，信唔過... 等等；要記住呢啲資訊同埋喺同人相處嗰陣（無意識噉）評估對方有幾信得過，就需要個腦有高度嘅運算能力，於是令到人類喺物競天擇上有壓力，要進化出運算能力更強嘅腦^[2]^[3]。

睇埋

參攷

↑ Byrne, Richard W. (1995) The Thinking Ape: Evolutionary origins of intelligence Oxford University Press, Oxford, England.
↑ ^2.0 ^2.1 Dunbar, R. I. M. (1998). "The social brain hypothesis". Evolutionary Anthropology: Issues, News, and Reviews. 6 (5): 178-90.
↑ David-Barrett, T.; Dunbar, R.I.M. (2013). "Processing Power Limits Social Group Size: Computational Evidence for the Cognitive Costs of Sociality". Proceedings of the Royal Society B. 280 (1765): 20131151.

註釋

↑ 英文：social brain hypothesis
↑ 英文：Robin Dunbar

文獻

Eryomin A.L. (2022) Biophysics of Evolution of Intellectual Systems // Biophysics, Vol. 67, No. 2, pp. 320-326

[1] Byrne, Richard W. (1995) The Thinking Ape: Evolutionary origins of intelligence Oxford University Press, Oxford, England.

[dunbar-4] 2.0 ^2.1 Dunbar, R. I. M. (1998). "The social brain hypothesis". Evolutionary Anthropology: Issues, News, and Reviews. 6 (5): 178-90.

[5] David-Barrett, T.; Dunbar, R.I.M. (2013). "Processing Power Limits Social Group Size: Computational Evidence for the Cognitive Costs of Sociality". Proceedings of the Royal Society B. 280 (1765): 20131151.

[2] 英文：social brain hypothesis

[3] 英文：Robin Dunbar

[1]

[註 1]

[註 2]

[2]

[3]