祕書問題

祕書問題，㨂選問題一種，喺有限數目之中，逐個逐個揀，揀個近似至好。揀嘅途中，每次祇能要定唔要，唔要就無得返轉頭，揀定就無得返轉頭。而高低好壞都假設撈亂，揀之前唔會知道。公式${\textstyle P(x)=-x\ln(x)\;.}$。x=0，就會得出$1/e\approx 0.368$。亦即揀咗三成七，到下一個好過前面嗰啲，就可以停。由呢度可以搵到大致最好，但唔一定頂好。若要得出頂好，祇能見過晒而又可返轉頭，就係另一情況。

呢種情況，就好似喺條路上搵油站，一去就唔返轉頭，但又想揀個至平，過咗三成七再決定。而原本命題揀祕書，話要搵個祕書，逐個逐個見，記得高低，決定唔請無得返轉頭，要見幾多個先停呢，就係三成七開始揀第一個好過前面。當然，呢度假設見工者唔知，唔係啲頭三成七明知唔請，就唔會來見工，情況就唔成立。

問題涉及最佳停止理論情境。應用概率、統計學、決策論等領域都有研究。

現實種種情況未必咁理想，例如無法預先知有幾多個咁。