神秘顧客

出自維基百科,自由嘅百科全書
跳去導覽 跳去搵嘢

神秘顧客英文Mystery Shopper)係由經過專業培訓嘅調查員,喺指定嘅時間扮成一般顧客去執行調查任務,例如買嘢、查詢服務、食飯、電話查詢等,神秘顧客會按照企業嘅工作流程同服務標準嚟幫職員評分。

調查記錄[編輯]

神秘顧客嘅主要調查記錄方法包括:問卷調查錄音錄影等。

調查內容[編輯]

員工嘅服務態度

員工嘅服務態度、儀容外表都會畀消費者留下印象分。神秘顧客有機會安排喺人多或者人少嘅時間出現,噉樣先至能夠全面檢查到現場工作人員嘅服務狀況。

員工嘅專業性

考察員工對產品嘅認識,產品知識唔單止包括產品技術參數、基本性能,更重要嘅係現場銷售人員應該能夠解釋產品性能對於消費者使用嘅利益點,同產品喺主要賣點上同競爭對手比較嘅優勢。

產品嘅價錢

對產品經銷商嘅價錢、贈送禮品進行監測,以達到維護該公司產品嘅價格體系,避免因為經銷商之間嘅價格惡性競爭以導致損害公司產品嘅品牌形象。

售後服務

由於消費者喺購買產品嘅時候,有時會擔心售後服務,所以銷售人員要對有關產品嘅售後支援服務要有一定嘅了解,要將呢一系列嘅服務需要詳細解釋畀顧客知。

了解競爭對手

調查員到達現場能夠清楚噉了解企業嘅促銷活動內容,同時亦可以了解競爭對手嘅相關促銷活動。

出面網頁[編輯]