神聖同盟

一八四〇年神聖同盟

神聖同盟、大同盟係歐洲舊時同盟，借基督教教義保留君主制，支持絕對君主，相信君權神授，以君主名義簽署。發起人俄羅斯帝國沙皇亞歷山大一世。西曆一八一五年九月廿六號，俄曆十四號，條約巴黎簽署。除咗發起人，簽咗有奧地利皇帝法蘭茲一世，有普魯士王腓特烈威廉三世。其他歐洲君主，後尾有簽，十一月十九號法國路易十八簽咗，英國王佐治四世以漢諾威王加入，大多數畀面沙皇。一般睇成三大國同盟，即俄羅斯帝國、普魯士、奧地利，其他當佢無到。基督教中，俄羅斯帝國東正教，普魯士新教，奧地利天主教。

佢似道德宣言多過實務，實務上無意義，無實際約束力。自由派、民族主義者睇成反動復辟。實務靠四國同盟，之後變五國同盟，有英國喺入便。

同盟緣起，拿破崙至終敗北。同盟旨在法國革命戰爭、拿破崙戰爭之後，抑制歐洲自由主義。先前法國大革命，君主心驚肉跳，有同盟定驚。英國君主唔簽皆因憲制唔啱，要經首相。敎會諸國唔簽，教宗庇護七世，嫌佢唔夠天主教。鄂圖曼蘇丹唔簽，皆因佢都唔係基督敎。

一八五三年，克里米亞戰爭之前，名義上成功，有段平穩。三國要壓住國內分離，例如唔畀波蘭獨立。一八二五年，亞歷山大一死，就似有若無。一八五三年，克里米亞戰爭，俄奧兩國分歧，同盟不再。一八八六年，奧普戰爭，爭奪德意耳諸邦。一八七一年，德國統一，總理俾斯麥成功用三皇同盟復活神聖同盟。鄂圖曼衰弱，坡勤半島一眾公國，俄羅斯帝國同奧匈爭相控制。一八八〇年打後，同盟分歧破滅。

條約

條約內容大致咁。以三位一體名義，奧普俄三國君主，有鑑於前三年歐洲大事，訂定步驟遵守。步驟遵從救主聖典教誨。上天會眷顧信靠佢、寄望佢嗰啲國。莊嚴宣告條約唯一目的，向世界表明堅定決心。喺治國，喺政府政治關係，以神聖宗教教義，做唯一指引。公義、基督徒仁愛、和平做行事原則，做唯一途徑。原則唔止私人事務，君王決策都係，有佢指導每一步。由此鞏固人類制度，彌補不足。

第一條。聖經教導，叫世人大家睇成兄弟。三位簽約君主，有兄弟情誼，真誠兼不可分割，會互相聯繫，見對方如同胞，任何場合、任何地方，互相幫助支援。見各自子民軍隊，如同自己一家之主咁，以兄弟精神去引領，保護宗教、公義、和平。

第二條。政府之間，子民之間，唯一行動原則，互相服務，有應有情誼，用唔變善意表達。大家睇成，同屬基督教國度成員。三位結盟君主，自視天意指定，治理同一家庭三支，奧地利、普魯士、俄羅斯，藉此承認基督教世界。大家都係其中一部分。實際上，得一位真正君主，得佢有真正權力。佢含寶藏，愛、知識、無限智慧。上帝，神聖救主、至高者之道、生命之道。君主以深切關懷，建議子民，若要享有因良知而生和平，而呢種和平又係最持久，就必須日日更加堅定，實踐遵循神聖救主所教導，即人類一切義務兼原則。

第三條。各國㨂咗莊嚴承認遵循條約，依據神聖原則，承認真理。民眾長期受動盪之苦，真理帶來喜樂，幾咁重要。願意發揮真理，影響人類命運，以同等熱忱情誼，納入神聖同盟。