禁娼係香港1930年代初推行嘅一項政策，分兩階段唔畀妓女做生意。
1932年，由於宗主國英國逼令喺佢所有屬地落實禁娼政策，時任香港總督貝璐宣佈，嗰年6月30號之後，所有西洋娼妓唔可以再做生意。不過由於華人娼妓嘅人數有成一萬，即時停業會對社會造成好大嘅衝擊，所以設置三年寬限期，期間原先領咗牌嘅妓女仍可做生意，但唔再發出新牌照，到1935年6月30號之後，正式全面禁娼，石塘嘴等地嘅妓寨全部執笠。[1]
