禁止蒙面規例

出自維基百科,自由嘅百科全書
Jump to navigation Jump to search
反修例運動嘅示威活動入面,好多示威者都蒙住塊面

禁止蒙面規例》(英文Prohibition on Face Covering Regulation),俗稱「禁蒙面法」,即香港法例第241K章,係香港有關禁止蒙面嘅法例,由特區政府首次引用《緊急情況規例條例》安排喺2019年10月5號午夜開始生效。法例主要係禁止參與合法遊行集會同非法集結嘅市民用任何形式蒙住塊面。

起因[編輯]

2019年,反修例運動入面,好多示威者戴頭盔口罩豬嘴等裝束隱藏身份做犯法嘢(包括非法集結同刑事毀壞),警方難以追查身份,建制派向政府提議用法例去禁止蒙面。

經過[編輯]

2019年10月4號朝早,行政會議召開特別會議,外界估計係傾禁蒙面法,當日下晝三點行政長官林鄭月娥正式宣佈有關法例,並將會喺第二日午夜開始生效。前學聯副秘書長岑敖暉向高等法院對有關法例提出司法覆核同申請臨時禁制令暫緩執行,但最後被拒批禁制令,法例如期生效。

豁免情況[編輯]

下面情況都可以獲豁免:

  • 從事專業或者受僱嘅工作,因人身安全而蒙面
  • 因宗教理由而蒙面
  • 因已經存在嘅醫學或者健康理由而蒙面

正反意見[編輯]

正面[編輯]

政府認為禁止蒙面之後,可以減少激進示威手段,有效平息暴亂。

反面[編輯]

泛民主派認為訂立引用《緊急情況規例條例》去訂立禁蒙面法繞過咗立法會同公眾,屬違法違憲。反對者又批評警員照舊可以蒙面同埋遮住警員編號。亦因為咁,反修例運動進一步升呢做抗暴之戰。

出面網頁[編輯]