跳去內容

積遜·艾薩斯

出自維基百科，自由嘅百科全書
積遜·艾薩斯
Jason Isaacs
2025年，艾薩斯出席柏林國際影展
出世 (1963-06-06) 1963年6月6號（62歲）
英國 英國利物浦
教育程度碧仙桃大學（BA（英文：Bachelor of Arts））
中央演講和戲劇學院（英文：Royal Central School of Speech and Drama）（研究生文憑（英文：Graduate diploma））
職業演員
活躍時期1988年去到而家
配偶Emma Hewitt（2001年結婚）[1]
仔女2

積遜·艾薩斯（英文：Jason Isaacs，1963年6月6號—）係英國男演員[2]，佢亦都好活躍喺美國影視作品入面登場演出。

艾薩斯憑住佢喺電影演員生涯入面演出過嘅人物以奸角居多而出名，佢最出名嘅角色係《哈利波特系列電影》入面嘅食死人魯休思·馬份、《決戰時刻》入面做殘暴嘅英國陸軍（英文：British Army）威廉·塔文頓上校Colonel William Tavington、美國電視影集《龍爭虎鬥（英文：Brotherhood (2006 TV series)）》裡面嘅罪犯米高·卡菲Michael Caffee[3][4]，佢喺2009年電影燕尾服同明星成龍嘅對戲非常之精彩。

雖然艾薩斯大部分嘅參與嘅作品都係以電影同電視劇為主，亦都有為角色配音聲演，但係身為一個舞台演員，佢同樣亦都演出過幾齣舞台劇，出名嘅作品包括迪克蘭‧唐納倫（英文：Declan Donnellan）執導嘅舞台劇《天使在美國（英文：Angels in America）》系列喺1992年第１輯嘅《千禧年降臨Millennium Approaches》，同埋1993年第２輯嘅《重建Perestroika》，佢喺裡面嘅角色係路易·愛恩森Louis Ironson[5][6]，仲有2007年喺特拉法加劇場（英文：Trafalgar Theatre）演出《啞巴侍應（英文：The Dumb Waiter）》嘅50周年改編版[7][8][9]。艾薩斯亦喺2012年3月到5月，喺NBC嘅電視劇《異度覺醒（英文：Awake (TV series)）》入面做警探主角米高·布里頓Michael Britten。

早年生活

[編輯]

艾薩斯喺1963年6月6號响利物浦嘅１個猶太人家庭出世[3]，佢阿爸係個珠寶商[10]，佢有兩個阿哥同埋１個細佬[3]。艾薩斯最早嘅童年生活係喺利物浦郊區嘅奇爾德瓦爾（英文：Childwall）度過，嗰度係由佢嘅東歐猶太人（英文：Eastern European Jewry）曾祖父母共同創辦嘅１個「緊密聯繫同融合度好高」嘅猶太社區[11]。佢曾經講過話自己嘅猶太人身份喺佢嘅童年入面扮演咗好重要嘅角色，因為佢曾經參加過利物浦奇爾德瓦爾區利物浦大衛國王中學（英文：King David High School, Liverpool）嘅當地猶太會所參加青年俱樂部，同埋喺青少年嗰陣每個禮拜上兩次猶太經學院（英文：Cheder）嘅堂[12][13][14]。艾薩斯喺佢11歲嗰陣跟屋企人搬到去倫敦，仲喺埃爾斯特里（英文：Elstree）附近嘅哈伯達舍斯克男子學校（英文：Haberdashers' Boys' School）讀書，同大衛·巴迪爾（英文：David Baddiel）、沙格·畢朗·高漢、麥·克莫德（英文：Mark Kermode）仲有馬菲·魯卡斯（英文：Matt Lucas）係同校同學[12]。艾薩斯形容自己細個嗰陣觀察到同經歷過嘅欺凌同埋唔容忍係為咗去描繪佢最成日飾演「唔吸引」嘅反派嚟做「準備」[8][12]。

艾薩斯身為一個喺倫敦長大嘅猶太青少年，佢飽受極右派組織「英國國民陣線（英文：National Front (UK)）」嘅反猶太主義迫害。艾薩斯嘅父母最終移民去到以色列[12]。佢後來同一個訪問者講：「不斷有人毆打我哋或者砸碎啲窗。如果你喺猶太節日嗰陣，一睇就知道係猶太人，周圍就會發生好多暴力事件。尤其係喺我16歲嗰年，亦都即係1979年，「國民陣線」勢力真正壯大起上嚟，學校裡面周圍都係傳單，而啲人喺度大嗌希特拉萬歲，跟住我哋喺路上面行鵝步（英文：Goose step）[10]。艾薩斯喺1982-1985年跟隨住分別做咗醫生、律師同埋會計師嘅佢３個阿哥嘅腳步喺碧仙桃大學讀法律[3]，仲參與嗰度嘅大學戲劇學會；佢最終演咗超過卅齣戲，而每年夏天都會喺愛丁堡國際藝穗節（英文：Edinburgh Festival Fringe）演出，佢首先同碧仙桃大學合作，然後兩次同國家學生劇團National Student Theatre Company合作。艾薩斯喺畢業之後，佢即刻喺1985-1988年去到中央演講及戲劇學院（英文：Royal Central School of Speech and Drama）接受培訓[3][8][15]。

職業生涯

[編輯]

早期

[編輯]

艾薩斯喺接受演員訓練之後，佢即刻就開始喺舞台同埋電視螢幕度活躍起上嚟；佢嘅銀幕首作係喺梅爾·史密夫（英文：Mel Smith）執導嘅1989年電影《高佬先生》入面飾演１個醫生，不過戲份唔多[15]。佢最初係個電視演員，喺ITV嘅1989年電視劇《首都（英文：Capital City (TV series)）》同埋BBC嘅1992年電視劇《平民（英文：Civvies (TV series)）》入面做主演，同埋喺啲劇集裡面做客串嘅角色，好似係《塔格特（英文：Taggart）》、《摩斯探長（英文：Inspector Morse (TV series)）》，同埋1993年嘅《高地人系列（英文：Highlander: The Series）》[15]。1995年，艾薩斯仲喺ITV改編自瑪天娜·高爾（英文：Martina Cole）小說作品《危險女郎（英文：Dangerous Lady）》嘅電視劇入面做米高·懷恩Michael Ryan嘅角色，嗰齣劇由積克·活士Jack Woods執導，同埋拉維妮雅·韋納（英文：Lavinia Warner）做製片人[16]。

喺舞台上，艾薩斯喺東尼·古舒拿（英文：Tony Kushner）嘅普立茲獎得獎舞台劇《天使在美國：一部關於國家主題的同性戀幻想曲（英文：Angels in America）》，佢喺入面做「情緒搖擺不定」嘅同性戀猶太裔辦公室臨時工路易斯·艾恩臣Louis Ironson[6]，嗰齣舞台劇响皇家國家劇院（英文：Royal National Theatre）首演，佢一人分飾兩角，分別喺1992年演出第１輯《千禧年降臨Millennium Approaches》，同埋喺1993年演出第２輯《重建Perestroika》[6]。艾薩斯喺試鏡嗰時同製片人講：「聽住，我演嘅都係啲硬漢、惡霸同性格複雜、堅強嘅角色。但我喺現實生活入面就係個畏縮、神經質嘅猶太人。唔通我就唔可以喺舞台上演返次噉樣嘅角色咩[13]？」

艾薩斯喺演出咗1996年嘅《魔幻屠龍（英文：Dragonheart）》之後，佢喺1997年嘅恐怖片《異煞》入面同羅蘭士·費斯賓做拍檔，攞到咗佢嘅第１個重要嘅荷李活長片電影角色，佢喺嗰度飾演路易斯同克拉克探險隊嘅醫生D.J.。跟住之後，佢演出咗布斯·韋利士主演嘅1998年票房大片《絕世天劫》[15]。艾薩斯最初被邀請演出一個相當重要嘅角色，不過最後為咗配合佢同大衛·杜里斯（英文：David Thewlis）合作去拍嘅1998年喜劇驚悚片《離婚傑克（英文：Divorcing Jack (film)）》，佢被安排演出一個少啲戲份嘅角色，佢做個拯救地球嘅科學家[3]。艾薩斯喺1998年嘅迷你影集《最後的教父２（英文：The Last Don）》裡面拍住姬絲汀·艾莉（英文：Kirstie Alley）做個魅力十足又正直嘅牧師[17]。佢之後喺尼爾·佐敦（英文：Neil Jordan）改編自格拉咸·格連小說嘅1999年改編電影《激情妒火線（英文：The End of the Affair (1999 film)）》入面，佢拍住茱莉安·摩亞同賴夫·費恩斯飾演個牧師。

2000年代

[編輯]
2005年嘅艾薩斯

艾薩斯喺2000年同米路·吉遜仲有希夫烈達做拍檔演出咗時代劇情（英文：Historical drama）史詩片《孤軍雄心》，佢飾演命運悲慘嘅殘暴騎兵上校（英文：Colonel (United Kingdom)）威廉·塔文頓William Tavington。影評人認為佢嘅演出「令人難忘」[15]；《Moviefone（英文：Moviefone）》網站嘅一篇文章話呢個係「到而家為止佢最大嘅國際突破」[15][18]。呢個引發咗艾薩斯嚟緊會攞到第73屆奧斯卡金像獎（英文：73rd Academy Awards）最佳男配角提名嘅傳聞。不過，艾薩斯為咗展現佢超越歷史主題嘅戲路，佢跟住落嚟揀咗喺2001年嘅浪漫喜劇劇情片《甜蜜的十一月（英文：Sweet November (2001 film)）》裡面飾演一個變裝皇后（英文：Drag queen）[3]。

艾薩斯亦都演出過好多其他電影，裡面最出名嘅角色要數到2002-2011年《哈利波特系列電影》裡面嘅魯休斯·馬份。喺傾到羅琳嘅《哈利波特》系列小說，佢曾經話：「我喺試完鏡之後走咗去睇呢啲書，坐喺度一口氣就睇晒頭４輯小說—你知啦—唔沖涼，唔食飯，成個癲佬噉樣揸車嗰陣將本書擺喺個呔盤上面。我突然明白嗰啲我以前認為佢哋有啲落後嘅朋友點解會對呢啲細路仔書噉上癮，就好似霹靂可卡因（英文：Crack cocaine）咁樣[19]。」

2006年11月26號，尼瓦·喬寧Neva Chonin喺《三藩市紀事報（英文：San Francisco Chronicle）》發表嘅文章《裸者與死者The Naked and the Dead》裡面，佢將魯休斯·馬份呢個角色列做12個「從未存在過嘅最性感男性Sexiest Men Who Were Never Alive」之一，而艾薩斯就係13個「真實而活生生嘅最性感男性Sexiest Men Who Are Real and Alive」之一[20]。

喺拍呢套戲之前，當艾薩斯被問到佢會唔會喺2007年上映嘅《哈利波特：鳳凰會的密令》演出嗰陣，佢答：「我希望係咁–噉你要去問吓大衛（製作人大衛·海曼（英文：David Heyman））。我忍唔住去諗其他人會戴我嗰頂芭麗絲·希爾頓假髮，但你永遠都唔會知[21]。」艾薩斯亦都同羅琳傾過將魯休斯·馬份呢個角色納入去當時仲未出版嘅《哈利波特：鳳凰會的密令》裡面，等佢可以喺第７輯兼最後嗰輯電影度有份出場：「呢個角色並冇出現喺第６輯小說《哈利波特：混血王子的背叛》裡面，不過...（艾薩斯講笑）我跪低嚟求佢...但係冇咩好處。我幾肯定佢唔使我提供劇情嘅諗法。但係我講咗我嘅觀點。我哋就睇吓啦，我好似其他人噉樣忍住唔抖氣去到７月睇吓裡面有啲咩嘢。我淨係想出冊，只係噉樣。我唔想我成世人大部分時間都留喺阿茲卡班[22]。」艾薩斯最終喺2009年上映嘅《哈利波特：混血王子的背叛》入面友情客串（英文：Cameo appearance）噉重演咗呢個角色，喺嗰度見到佢出現喺一幅會郁嘅人像畫裡面。佢嘅角色後嚟分別又再出現喺2010年嘅《哈利波特：死神的聖物1》，同埋2011年嘅《哈利波特：死神的聖物2》裡面[23]。

艾薩斯曾經喺2001年嘅《黑鷹15小時》、成龍主演嘅2002年電影《特務踢死兔（英文：The Tuxedo）》，仲喺保羅·約翰·賀瑾（英文：P. J. Hogan）執導嘅2003年改編電影《小飛俠2004（英文：Peter Pan (2003 film)）》裡面做佐治·達靈同埋鐵鈎船長。艾薩斯話佢好鍾意《小飛俠》，票房失敗「對我嚟講係個專業上嘅災難，係個好大嘅挫敗。我連一個茄哩啡嘅角色都搵唔到。坦白講，我換咗經理人，甚至差啲換埋份工，因為我唔覺得我會搵到嘢做。我喺《小飛俠》之後就跌咗入去人生嘅谷底[24]。」

艾薩斯喺兩年之後重返螢幕，佢喺Nickelodeon嘅2005年動畫影集《降世神通》嘅第１季（英文：Avatar: The Last Airbender season 1）裡面聲演趙將軍Admiral Zhao。佢亦都曾經喺BBC第４台嘅2006年迷你影集《外交邊緣（英文：The State Within）》入面飾演主角—英國駐美大使麥·布萊頓爵士Sir Mark Brydon，仲憑住呢個角色攞到第65屆金球獎（英文：65th Golden Globes）最佳迷你影集或電視電影男主角（英文：65th_Golden_Globes#Television）嘅提名[25][26]。

喺電視作品方面，艾薩斯喺《兩仔爺的詛咒（英文：The Curse of Steptoe）》入面飾演演員哈里·Ｈ·科貝特（英文：Harry H. Corbett），呢齣劇係「BBC第４台推出嘅一系列全新電視電影，揭示咗英國一啲最受歡迎嘅電視娛樂明星背後嘅故仔同埋佢哋嘅成就」，呢齣劇喺2008年3月首播[27][28]。艾薩斯喺美國電視上面，佢喺2004年演出咗３集《白宮群英》，之後就發展咗佢最出名嘅電視劇角色，佢喺2006-08年嘅劇集《兄弟關係（英文：Brotherhood (American TV series)）》入面飾演米高·卡菲Michael Caffee。

2007年2月2號-3月24號期間，艾薩斯喺倫敦特拉法加工作室（英文：Trafalgar Theatre）上演哈羅德·品特著名劇目《啞巴侍者（英文：The Dumb Waiter）》嘅50周年製作裡面飾演本Ben，同李·伊文斯（英文：Lee Evans (comedian)）對戲，呢個係佢自從演出2000年嘅《變革力量The Force of Change》之後嘅首次戲劇表演[8][7][9][29][30]。

2011年7月嘅艾薩斯。

艾薩克斯喺保羅·格林格拉斯Paul Greengrass嘅2010年驚悚片《叛逆諜戰（英文：Green Zone (film)）》入面做美國軍官布里格斯少校Major Briggs，同麥迪文仲有格烈·堅尼亞（英文：Greg Kinnear）對戲。呢齣戲係一套虛構嘅劇情片，故仔背景設定喺薩達姆侯賽因戰敗咗之後嘅伊拉克，改編自拉哲夫·錢德拉塞卡蘭（英文：Rajiv Chandrasekaran）嘅2006年作品《翡翠城的皇室生活（英文：Imperial Life in the Emerald City）》，嗰齣戲喺2008年1月响摩洛哥開拍[31][32]。

2007年，艾薩斯原本被揀中演出揚·德邦特（英文：Jan de Bont）執導嘅戲《停止的力量Stopping Power》，佢做主演尊古錫嘅「死對頭」[33][34]，但係《綜藝雜誌（英文：Variety (magazine)）》喺2007年8月31號報導，原本計劃喺2009年上映嘅呢齣戲因為金主撤資，所以就取消咗[35]。艾薩斯喺2008年响電視節目《色慾荷里活（英文：Entourage (American TV series)）》嘅一集裡面出現，做弗雷德里克·萊恩Fredrick Line嘅角色。2009年，艾薩斯憑住佢喺《史蒂普託的詛咒（英文：The Curse of Steptoe）》入面做哈里·H·科貝特（英文：Harry H. Corbett）嘅角色，攞到英國電視學院獎（英文：British Academy Television Awards）最佳男主角嘅提名[36]。

2009年5月2號，艾薩斯同佢喺《兄弟會（英文：Brotherhood (American TV series)）》入面嘅拍檔—同樣係東尼獎（英文：Tony Awards）得主嘅拜仁·Ｆ·奧伯恩（英文：Brían F. O'Byrne）共同演繹咗《啞侍者The Dumb Waiter》嘅圍讀。佢哋嘅圍讀為曾經喺特拉法加工作室執導過艾薩斯同伊文斯嘅哈里·布頓Harry Burton策劃嘅哈洛·品特紀念慶祝活動劃上咗句號。呢次嘅品特紀念活動係由紐約市立大學（英文：City University of New York）研究生中心（英文：CUNY Graduate Center）嘅馬田·E·西格爾戲劇中心Martin E. Segal Theatre Center (MESTC)聯合主辦，係2009年4月27號—5月3號喺紐約市舉行嘅第５屆年度國際筆會世界之聲（英文：PEN World Voices）國際文學節嘅一部分[37][38]。

2010年代

[編輯]

艾薩斯曾經幫2010年嘅DC動畫電影《蝙蝠俠：決戰紅帽火魔（英文：Batman: Under the Red Hood）》入面嘅拉斯·奧·古（英文：Ra's al Ghul）配音，亦都曾經幫2011年嘅DC動畫電影《綠燈俠：翡翠騎士（英文：Green Lantern: Emerald Knights）》入面嘅塞尼斯托（英文：Sinestro）配音。2011年，佢喺BBC改編自琦·阿金臣（英文：Kate Atkinson (writer)）嘅劇集《沉默罪狀（英文：Case Histories (TV series)）》裡面做積遜·布羅迪Jackson Brodie。

艾薩斯喺NBC嘅警匪奇幻劇《異度覺醒（英文：Awake (TV series)）》入面做偵探米高·布里頓Michael Britten，嗰齣劇喺2012年3月1號首播，同年5月就播完。套劇講述布里頓同屋企人遇到嚴重車禍之後，佢嘅夢境開始出現兩個平行世界：喺一個世界裡面，佢嘅老婆喺車禍入面死咗；佢個仔喺另一個世界裡面亦都過咗身。艾薩斯傾到呢個雄心勃勃嘅前提設定嗰時話：「毫無疑問，呢個係好有挑戰性。我哋有班經驗豐富嘅編劇，佢哋寫過好多嘢，由HBO節目到《X檔案》，再去到《24（英文：24 (TV series)）》等等各種類型嘅作品。佢哋面對嘅挑戰非常之大，佢哋全部都話呢個係佢哋做過最難嘅工作。但有時呢個實際上係件好事，如果好易嘅話，佢哋可以喺瞓緊覺嗰陣嚟寫，我個人就唔會想去演—而我諗觀眾都唔會想睇[39]。」

2015年，艾薩斯喺USA電視網（英文：USA Network）嘅動作冒險系列《挖掘（英文：Dig (TV series)）》入面做主角。佢做個駐耶路撒冷嘅FBI探員彼得·康納利Peter Connelly，佢喺調查一個考古學家謀殺案嘅過程入面揭開咗一個2,000年前嘅陰謀。呢套一共十集嘅劇集喺2015年3月5號首播。艾薩斯喺2016年2月主演咗由《哈利波特系列電影》聯合主演邦妮·韋特（英文：Bonnie Wright）執導嘅戲《美杜莎的腳踝Medusa's Ankles》。同年12月，佢喺Netflix影集《先見之明（英文：The OA）》入面做亨特·阿洛伊修斯·「哈普」·派西博士Dr. Hunter Aloysius "Hap" Percy[40]。

2017年3月，官方宣布艾薩斯嚟緊會喺CBS All Access（或者叫Paramount+）嘅系列劇集《星空奇遇記：發現號（英文：Star Trek: Discovery)）》入面做加布里·洛卡（英文：List of Star Trek: Discovery characters#Gabriel Lorca)）艦長[41][42]，嗰套劇喺2017年9月24號首播。艾薩斯响2017年10月1號喺《內文是王（英文：Context Is for Kings)）》第３集入面第１次用洛卡嘅身份亮相。洛卡嘅真實身份喺第13集《過去即序章What's Past Is Prologue》入面被揭露係「鏡像宇宙mirror universe」嘅自己，呢個角色喺裡面被殺死[43]。節目主持人阿歷斯·庫茲曼Alex Kurtzman喺2019年1月暗示過艾薩斯做嘅洛卡可能會喺第２季之後嘅某個時候用「主宇宙Prime universe」嘅身份返嚟[44]。艾薩斯亦都喺2019年角色扮演遊戲《星空奇遇記：發現號的崛起（英文：Star Trek Online)）》入面為嗰個角色配音[45]。

2017年9月，艾薩斯喺阿曼多·伊仁努奇（英文：Armando Iannucci)）執導嘅政治諷刺黑色喜劇片《弊傢伙！史太林死咗》裡面做朱可夫元帥。呢套戲講述1953年蘇聯領導人約瑟夫·史太林死咗（英文：Death and state funeral of Joseph Stalin）之後，部長會議（英文：Council of Ministers of the Soviet Union）之間嘅內部社會同埋政治權力鬥爭。艾薩斯同史提夫·布斯美、西蒙·羅素·比爾（英文：Simon Russell Beale）、謝菲·譚保（英文：Jeffrey Tambor）、安哲雅·麗絲布洛（英文：Andrea Riseborough），同埋米高·沛連一齊主演。呢套戲引發咗爭議，但亦都攞到評論界嘅一致好評，艾薩斯嘅演出亦都為佢贏到咗讚譽[46]。佢憑住呢套戲攞到英國標準晚報電影獎（英文：Evening Standard British Film Awards）最佳男配角嘅提名，但最終輸咗畀佢嘅拍檔西蒙·羅素·比爾[47]。

艾薩斯喺2018年嘅心理驚慄片《鏡中驚魂（英文：Look Away (2018 film)）》入面飾演丹Dan嘅角色，嗰齣戲由美娜·蘇雲露（英文：Mira Sorvino）同埋英迪雅·伊絲莉（英文：India Eisley）主演[48]。佢亦都喺動作驚悚片《孟買酒店（英文：Hotel Mumbai）》裡面嘅瓦西里Vasili，仲有懸疑驚慄片《倫敦戰場（英文：London Fields (film)）》裡面嘅麥·阿斯普雷Mark Asprey。喺2018年同2019年，艾薩斯响定格動畫小品喜劇電視連續劇《機器雞（英文：Robot Chicken）》裡面分別為幾個角色配音，例如係瘦長人、阿利瑟·索恩（英文：List_of_A_Song_of_Ice_and_Fire_characters#Alliser Thorne）、彈弓狗Slinky同埋驢仔積克Jack the Donkey。

2019年，艾薩斯喺《魔水晶：抗爭時代（英文：The Dark Crystal: Age of Resistance）》入面幫為皇帝斯凱克索skekSo配音。同年11月，有關方面宣布艾薩斯嚟緊會同占·博班特一齊演出電影《凱利的死亡唾液The Dead Spit of Kelly》[49]。

2020年代

[編輯]

2020年3月，艾薩斯喺CBS嘅影視試播集《仁醫小珊（英文：Good Sam (TV series)）》入面做主角羅拔「格里夫」格里菲斯Rob "Griff" Griffith醫生，嗰齣劇後嚟喺2021年被拍成正式劇集，喺2022年1月5號喺季中首播[50][51]。另外，佢仲喺電腦動畫電影《狗狗震！（英文：Scoob!）》入面幫主要反派角色迪克·達斯塔德利（英文：Dick Dastardly）配音。

2021年，艾薩斯喺《伯德博士給悲傷詩人的建議Dr. Bird's Advice for Sad Poets》入面做卡爾Carl嘅角色，又喺《全謊位作戰（英文：Operation Mincemeat (film)）》[52]入面做約翰·亨利·歌佛雷（英文：John Henry Godfrey）上校，佢又喺劇情片《午後彌撒（英文：Mass (2021 film)）》入面做傑伊·佩里Jay Perry，傳記片《創世故事（英文：Creation Stories (film)）》入面做雷夫Ralph，仲喺短片《塞拉Cera》入面做約翰John。佢又為直接發行DVD（英文：Direct-to-video）嘅喜劇動畫電影《狗狗震：劍與史酷比（英文：Scooby-Doo! The Sword and the Scoob）》入面嘅阿瑟·潘德拉貢國王King Arthur Pendragon、溫斯頓·皮爾金斯頓Winston Pilkingstonshire，同埋野蠻人桑達爾（英文：Thundarr the Barbarian）配音。佢喺英國喜劇劇情片《性愛自修室（英文：Sex Education (TV series)）》第３季入面演出咗個小角色，仲喺單元劇《９號秘事（英文：Inside No. 9）》嘅１集裡面亮相。

2021年，艾薩斯幫電子遊戲《柏德之門３（英文：Baldur's Gate 3）》入面嘅３個主要反派嘅其中之一去配音。同年晏啲嘢時候，佢喺電視劇《阿奇（英文：Archie (TV series)）》的入面做加利·格蘭嘅角色[53]。

2024年2月，艾薩斯喺泰國開拍嘅電視劇《白蓮會（英文：The White Lotus）》第３季裡面做添墨菲‧拉特利夫Timothy Ratliff[54]，呢套劇响2025年播出。

2024年，艾薩斯演出咗改編自雷娜‧溫恩（英文：Raynor Winn）同名作品嘅電影《鹽路上有你（英文：The Salt Path (film)）》，佢喺入面嘅角色係莫孚‧溫恩Moth Winn。嗰套戲講述咗無家可歸嘅兩公婆—雷娜同埋莫孚—佢哋喺冇咗德文郡、康沃爾郡同埋多塞特郡嘅屋企，艾薩斯嘅角色又被診斷出患咗皮質基底節變性（英文：Corticobasal degeneration）呢種絕症之後，佢哋兩個沿住西南海岸小徑沿途經過薩默塞特郡嘅630英里（1,010公里）嘅徒步過程入面所面對嘅挑戰。

個人生活

[編輯]

1987年，艾薩斯搬出去同佢嘅女朋友—BBC嘅紀錄片製作人愛瑪‧休伊特Emma Hewitt一齊同居[55]。佢哋兩個喺中央演講與戲劇學院（英文：Royal Central School of Speech and Drama）讀書嗰陣開始拍拖，仲喺2001年結婚[1]，佢哋兩個婚後生咗兩個女[12]。艾薩斯係英國作家雷普利·帕克（英文：Ripley Parker）嘅契爺[56]。

艾薩斯形容佢自己係「內心深處係猶太人，但唔係宗教意義上嘅猶太人（英文：Jewish secularism）」[12]。佢唔遵守猶太教飲食規定（英文：Kashrut）[57]，而且係個猶太無神論（英文：Jewish atheism）者[2]。

艾薩斯曾經講過佢成日搭倫敦地下鐵去參加電影首映但係冇畀人認出，不過佢話：「我一上到紅地毯，佢哋就開始尖叫又尖叫[8]。」佢參與咗幾項慈善活動，仲係蘇格蘭退伍軍人慈善機構勇敢獵犬（英文：Bravehound）嘅贊助人[58][59]。

艾薩斯喺英國政壇長期以嚟一直都支持英國工黨，仲話佢永遠唔會支持英國保守黨[60]。2011年，佢話支持工黨嘅教育政策，但係反對參與2003年入侵伊拉克（英文：2003 invasion of Iraq）[61]。2019年，佢話美國總統當勞侵係個「自負嘅人」，仲話英國政壇係「伊頓公學版嘅《蠅王（英文：Lord of the Flies）》」[57]。佢仲話工黨領袖郝爾彬對工黨反猶太指控（英文：Antisemitism in the British Labour Party）嘅處理方式「令人震驚」[60][62]。喺2019年英國下議院選舉之前，佢曾經幫前工黨成員露西安娜·伯傑（英文：Luciana Berger）去競選英國國會選區—芬奇利與戈爾德斯格林（英文：Finchley and Golders Green）嘅英國自由民主黨議員，但伯傑最後落選咗[63]。

2020年8月，艾薩斯透露，佢喺同毒品仲有酒精成癮搏鬥咗超過廿幾年之後已經達到清醒，佢終於成功戒除毒癮同酒癮[64]。佢醒返起自己12歲嗰時嘅經歷，當時有個酒保畀咗樽南方安逸（英文：Southern Comfort）畀佢同佢啲朋友，之後佢「醒返嗰陣頭痛到爆炸，成身散發住臭到嘔嘅嘔吐物惡臭味，塊面仲結咗一大塊痂，仲記得自己當時係幾噉樣衰[64]」。之後，佢「喺接下來嘅廿年裡面，不斷噉追求嗰晚嗰種極度嘅快感，結果就越嚟越衰」[64]。佢最後意識到自己需要人去幫，但係他喺Twitter上面請啲粉絲唔好恭喜佢搣甩咗毒癮同酒癮，因為「驕傲係最差嘅部分」[65]。

作品

[編輯]

獎項同提名

[編輯]

註

[編輯]
  1. 1 2 "Actor Jason Isaacs Joins Larry King on PoliticKING". Larry King. 2015-05-14. 03:44. 原著喺2019-11-28歸檔. 喺2016-08-15搵到. We got married in the end, my wife and I, for insurance purposes. {{cite web}}: Unknown parameter |dead-url= ignored (|url-status= suggested) (help)
  2. 1 2 O'Toole, Lesley (25 February 2015). "Why Jason Isaacs Excels at Accent Work". Backstage. 原先內容歸檔喺21 March 2022. 喺26 December 2021搵到. I'm an English atheist
  3. 1 2 3 4 5 6 7 Rebecca Flint Marx. "Jason Isaacs: Biography". Allmovie. Moviefone. 原著喺2008-12-18歸檔. 喺2008-06-29搵到. Although he first became interested in acting in part because 'it was a great way to meet girls,' Isaacs soon found deeper meaning in the theatre (in one interview he was quoted as saying 'I could release myself into acting in a way that I was not released socially') and duly dropped out of Bristol to hone his skills at London's Central School of Speech and Drama.
  4. ↑ "Biography for Jason Isaacs". Internet Movie Database. 原著喺2020-11-05歸檔. 喺2008-06-25搵到. [Includes unsourced "Personal Quotes".]
  5. ↑ "Jason Isaacs: Other Works". Internet Movie Database. 原著喺2020-11-05歸檔. 喺2008-06-25搵到.
  6. 1 2 3 "NT: Archive: Stage by Stage: 1992–1995". Royal National Theatre. nationaltheatre.org.uk. 原著喺2008-12-07歸檔. 喺2008-06-25搵到.
  7. 1 2 Sonia Friedman Productions (2007-01-03). "Dumb Waiter Limited Run". Sonia Friedman Productions press release. 原著喺2020-08-20歸檔. 喺2008-06-23搵到. Strictly limited run: Lee Evans and Jason Isaacs to star in major revival of Harold Pinter's The Dumb Waiter directed by Harry Burton ... To coincide with the play's 50th anniversary....
  8. 1 2 3 4 5 Jasper Rees (2007-01-27). "'There is a streak of cruelty in me': Actor Jason Isaacs Says Life Prepared Him to Become a Specialist in Unattractive Characters". The Daily Telegraph, Review. 原著喺2008-12-07歸檔. 喺2012-03-18搵到. The more cheery and pliant of the two [Gus] is played by Lee Evans, the more menacing [Ben] by Isaacs. Characteristically. 'Far from what you would think,' [Isaacs] says, 'Lee is the one who went to art school and is familiar with Beckett and Pinter. I wasn't going to do this until I read it. It is crackingly funny. I realised how much of a debt Tarantino owes. The Pinter scholars can go off and discuss whatever they like in dusty rooms, but Lee and I and Harry Burton, the director, are trying to come up with something really engaging and exciting. It's never been more relevant. The whole play exists on this undercurrent of fear and paranoia. It's a very scary time to live in the world, and these two guys are in a room scared and working out what to do about it.' 
  9. 1 2 Caroline Ansdell. "Review Round-up: Critics Find Waiter Not So Dumb".
  10. 1 2 Gilbert, Gerard (18 May 2013). "'It was mass hysteria': Jason Isaacs on groupies, theatre bores and snogging James Bond". The Independent. 原先內容歸檔喺25 August 2017. 喺1 September 2017搵到.
  11. ↑ Pfefferman, Naomi (14 July 2000). "Once a 'wimp,' Actor Thrives on Portraying Villains". Jewish News of Greater Phoenix. 原著喺10 December 2008歸檔. 喺29 June 2008搵到. Rpt. from Jewish Journal of Los Angeles, 14 July 2000.
  12. 1 2 3 4 5 6 Lester, Paul (1 February 2008). "JC Interview: Jason Isaacs". The Jewish Chronicle. 原著喺4 February 2008歸檔. 喺28 June 2008搵到.
  13. 1 2 Pfefferman, Naomi (29 June 2000). "More Than a Villain: With "The Patriot," Jason Isaacs, a British Jew, Cements His Reputation as One of Hollywood's Hottest Heavies". The Jewish Journal of Greater Los Angeles. 原著喺3 April 2009歸檔. 喺29 June 2008搵到.
  14. ↑ "Jason Isaacs "I remember..."". Reader's Digest. 原先內容歸檔喺28 September 2020. 喺4 January 2020搵到.
  15. 1 2 3 4 5 6 "Jason Isaacs Biography". Yahoo! Movies UK & Ireland. 2006. 原著喺25 August 2007歸檔. 喺24 June 2008搵到.
  16. ↑ "Dangerous Lady Part 1 (1995)". BFI (英文). 原著喺1 August 2020歸檔. 喺16 May 2020搵到.
  17. ↑ "Mario Puzo's 'The Last Don II'". TVGuide.com (英文). 喺7 January 2024搵到.
  18. ↑ Mitovich, Matt Webb (21 July 2006). "Interviews & Features: Jason Isaacs: More Than a Bad Brother". TV Guide. 原著喺21 April 2008歸檔. 喺24 June 2008搵到. Alt URL 互聯網檔案館嘅歸檔，歸檔日期7 December 2008.
  19. ↑ "Jason is addicted to Harry's tales". 原先內容歸檔喺1 August 2020. 喺16 May 2020搵到 –透過PressReader.
  20. ↑ Chonin, Neva (26 November 2006). "The Naked and the Dead". San Francisco Chronicle. 原先內容歸檔喺23 December 2008. 喺29 June 2008搵到.
  21. ↑ Green, Willow (15 March 2006). "Exclusive: Order of the Phoenix News: The Cast Talk Harry Potter 5". Empire Online. 原先內容歸檔喺7 January 2016. 喺23 June 2008搵到.
  22. ↑ White, Cindy (11 January 2007). "Potter V Has More Isaacs". Sci Fi Wire. 原著喺3 June 2008歸檔. 喺24 June 2008搵到. Order of the Phoenix open[ed] July 13, [2007].
  23. ↑ Huver, Scott (25 June 2008). "Isaacs Conjures Lucius Malfoy's Return to Harry Potter". ComingSoon.net. 原著喺16 July 2012歸檔. 喺4 July 2008搵到.
  24. ↑ Jason Isaacs Says 'White Lotus' Equal Pay Earned Each Actor $40,000 an Episode: 'Do I Mind That I Wasn't Paid More Than' Younger Co-Stars? 'I Never Work for Money'
  25. ↑ "Nominations & Winners 2008". Hollywood Foreign Press Association. 原著喺8 January 2010歸檔. 喺14 December 2007搵到.
  26. ↑ Elsworth, Catherine (14 January 2008). "Britons Triumph at Minimalist Golden Globes". The Daily Telegraph. 原先內容歸檔喺11 January 2022. 喺15 January 2008搵到.
  27. ↑ Holmwood, Leigh (27 November 2007). "BBC4 to Show Steptoe and Son Biopic". The Guardian. 原先內容歸檔喺29 October 2013. 喺26 June 2008搵到.
  28. ↑ "BBC Four Unveils New Drama Season". BBC. 28 November 2007. 原先內容歸檔喺31 December 2008. 喺26 June 2008搵到.
  29. ↑ "Revival of 'The Dumb Waiter' Shows Harold Pinter's Comic Side". International Herald Tribune. Associated Press. 9 February 2007. 原著喺11 October 2008歸檔. 喺23 June 2008搵到.
  30. ↑ Billington, Michael (9 February 2007). "The Dumb Waiter, Trafalgar Studios, London". The Guardian. 原先內容歸檔喺4 September 2008. 喺23 June 2008搵到.
  31. ↑ Dawtrey, Adam (3 March 2008). "Jason Isaacs Joins Greengrass Thriller: Working Title/Universal project Filming in Spain". Variety. 原先內容歸檔喺31 October 2013. 喺24 June 2008搵到.
  32. ↑ Jaafar, Ali (21 November 2007). "Morocco Strong, But Not the Same". Variety. 原先內容歸檔喺11 June 2017. 喺24 June 2008搵到.
  33. ↑ Wheeler, Jeremy. "Stopping Power". Moviefone. 原著喺21 June 2008歸檔. 喺24 June 2008搵到.
  34. ↑ Mitovich, Matt Webb (23 August 2007). "Today's News: Our Take: At the Movies: Justin Timberlake Hits the Ice, Ice, Baby". TV Guide. 原著喺11 May 2008歸檔. 喺4 July 2008搵到.
  35. ↑ Meza, Ed (31 August 2007). "De Bont's John Cusack Starrer Killed: Internationalmedia Unplugs 'Stopping Power'". Variety. 原先內容歸檔喺19 October 2015. 喺4 July 2008搵到.
  36. ↑ Collinson, Dawn (6 April 2009). "Actor Jason Isaacs on why he's not taking his Bafta nomination too seriously". Liverpool Daily Post. Trinity Mirror North West & North Wales Limited. ISSN 0307-2037. 原著喺3 May 2012歸檔. 喺20 April 2009搵到.
  37. ↑ "Events: PEN World Voices Festival: Harold Pinter Memorial Celebration: Updated Schedule". PEN World Voices Festival: The New York Festival of International Literature. Martin E. Segal Theatre Center, Graduate Center, City University of New York (CUNY). 29 April 2009. 原著喺14 June 2011歸檔. 喺5 May 2009搵到.
  38. ↑ Cf. "Tribute to Harold Pinter". The Fifth Annual PEN World Voices Festival of International Literature, 27 April – 3 May 2009. PEN American Center. 29 April 2009. 原著喺14 July 2011歸檔. 喺5 May 2009搵到.
  39. ↑ Paloucek, Karl (24 February 2012). "Jason Isaacs on his new NBC series, 'Awake'". Channel Guide. 原先內容歸檔喺1 March 2012. 喺5 March 2012搵到.
  40. ↑ Ge, Linda (12 December 2016). "Brit Marling's Netflix Series 'The OA' Promises Mystery in First Trailer (Video)". The Wrap. 原先內容歸檔喺30 December 2018. 喺12 December 2016搵到.
  41. ↑ Goldberg, Lesley (7 March 2017). "'Star Trek' Enlists Jason Isaacs as Discovery Captain". The Hollywood Reporter. 原先內容歸檔喺9 August 2018. 喺8 August 2018搵到.
  42. ↑ Ausiello, Michael (7 March 2017). "Jason Isaacs Joins Star Trek: Discovery Cast as Captain Lorca". TVLine. 原先內容歸檔喺9 August 2018. 喺8 August 2018搵到.
  43. ↑ Hayner, Chris E. (28 January 2019). "Did Star Trek: Discovery Just Kill Off Its Leading Man?". The Hollywood Reporter. 原先內容歸檔喺23 May 2019. 喺23 May 2019搵到.
  44. ↑ Hibberd, James (11 January 2019). "Star Trek: Discovery showrunner defends season 2 canon approach". Entertainment Weekly. 原先內容歸檔喺13 January 2019. 喺23 May 2019搵到.
  45. ↑ "Jason Isaacs Makes Star Trek Online Debut". StarTrek.com. 25 April 2019. 原先內容歸檔喺7 November 2020. 喺23 May 2019搵到.
  46. ↑ "The Death of Stalin review". The Boston Globe. 原先內容歸檔喺2 June 2021. 喺30 May 2021搵到.
  47. ↑ "Evening Standard British Film Awards 2018: Kristin Scott Thomas crowned". Evening Standard. 30 May 2021. 原先內容歸檔喺2 June 2021. 喺30 May 2021搵到.
  48. ↑ Billington, Alex (28 September 2018). "India Eisley in First Trailer for Mirror Image Horror Film 'Look Away'". FirstShowing.net (美國英文). 原先內容歸檔喺9 October 2018. 喺9 October 2018搵到.
  49. ↑ Kay, Jeremy. "Jason Isaacs, Jim Broadbent join 'The Dead Spit Of Kelly' for Myriad Pictures (exclusive)". Screen (英文). 原先內容歸檔喺8 November 2019. 喺9 November 2019搵到.
  50. ↑ Andreeva, Nellie (2 March 2020). "Jason Isaacs To Star In CBS Drama Pilot 'Good Sam'". Deadline Hollywood (美國英文). 原先內容歸檔喺2 March 2020. 喺2 March 2020搵到.
  51. ↑ White, Peter (10 November 2021). "'Good Sam' Scrubs In For 'CSI: Vegas' In CBS' Midseason Schedule As 'The Amazing Race' Returns". Deadline Hollywood. 原先內容歸檔喺10 November 2021. 喺10 November 2021搵到.
  52. ↑ "Operation Mincemeat (2021) - Full Cast and Crew". IMDb. 原先內容歸檔喺15 August 2022. 喺15 August 2022搵到.
  53. ↑ Goldbart, Max (8 August 2022). "Cary Grant Biopic Series Starring Jason Isaacs In Lead Role Set For ITV & BritBox International". Deadline Hollywood. 喺28 February 2025搵到.
  54. ↑ Otterson, Joe (5 January 2024). "'White Lotus' Season 3 Adds Cast Members Jason Isaacs, Parker Posey, Michelle Monaghan and More". Variety (美國英文). 喺17 January 2024搵到.
  55. ↑ Lacey, Hester (5 April 2019). "Q&A with actor Jason Isaacs". Financial Times. 原著喺10 December 2022歸檔. 喺5 April 2019搵到.
  56. ↑ Entwistle, Brady (30 March 2025). ""We Will — Possibly — Even Be Erased From History": Original Harry Potter Star Gets Candid About TV Reboot's New Lucius Malfoy". ScreenRant (英文). 喺4 June 2025搵到.
  57. 1 2 Kelly, Guy (4 October 2019). "Jason Isaacs on deserting Corbyn's Labour, raising climate activists, and the joy of playing villains". The Telegraph. 原先內容歸檔喺11 January 2022.
  58. ↑ "Jason Isaacs: 'I manage to find simple happiness in simple things'". Big Issue. 20 July 2020. 原先內容歸檔喺26 January 2021. 喺7 February 2021搵到.
  59. ↑ "Harry Potter Star Jason Isaacs Joins Stage Project To Help Veterans Cope With War Trauma". Forces Net. 10 July 2020. 原先內容歸檔喺26 January 2021. 喺7 February 2021搵到.
  60. 1 2 @@jasonfolly. "I never have and never will be a Tory. I'm a life-long Labour supporter who's sickened by our appalling leadership at a time when our country needs it most. At the immoral political games being played to gain power by a man who posed as above it and, yes, by genuine antisemitism. t.co/MYJb6jZZSb" (推文) –透過Twitter. Missing or empty |date= (help)
  61. ↑ "Bad boy does good: Jason Isaacs' new project is all heart". Independent.co.uk. 22 October 2011. 原先內容歸檔喺8 October 2017. 喺1 September 2017搵到.
  62. ↑ Kalman, Matthew (29 July 2020). "In post-Corbyn UK, Jews unite against Twitter's lax response to anti-Semitism". The Times of Israel. 原先內容歸檔喺9 July 2021. 喺7 July 2021搵到.
  63. ↑ "General Election night: Who are the big MP casualties?". 13 December 2019. 原先內容歸檔喺9 July 2021. 喺7 July 2021搵到.
  64. 1 2 3 Chung, Gabrielle. "Harry Potter Star Jason Isaacs Reveals His Past 'Decades-Long Love Affair with Drugs'". MSN Entertainment. 原先內容歸檔喺25 April 2023. 喺10 October 2020搵到.
  65. ↑ McGrath, Rachel (6 October 2020). "Jason Isaacs thanks 'every addict and alcoholic who's ever lifted me up' as he celebrates sobriety 'Decades-Long Love Affair with Drugs'". Evening Standard. 原先內容歸檔喺8 November 2020. 喺10 October 2020搵到.

外部連結

[編輯]
相關文章
受訪內容
其他
由「https://zh-yue.wikipedia.org/w/index.php?title=積遜·艾薩斯&oldid=2383841」收